巴神又搞事？巴洛迪利賽後怒噴教練，兩人險釀肢體衝突！

「巴神」巴洛特利（Mario Balotelli）目前效力於土超 Adana Demirspor，土超第4輪比賽，Adana Demirspor 主場1：0獲勝。今場後備出場嘅巴洛特利喺賽後怒噴主帥 Vincenzo Montella，後者聽後表現非常憤怒，兩人就係咁一言一語，差啲發生肢體沖突。

據報道，「巴神」係比賽結束前1分鐘比現漫不經心，仲失埋球權，導致對手有一次具威脅嘅進攻，差啲失波。主帥 Vincenzo Montella 喺賽後指出佢嘅問題，巴神回嘴，就係咁一下子激嬲咗教練。

Adana Demirspor 不久前引進咗俄羅斯老將迪斯尤巴（Artem Dzyuba），同巴神位置重疊，況且本身已經有個艾桑巴朗加（Britt Assombalonga），巴神嘅出場時間已經好少，今次之後，可能連場都無得出，當日嘅神鋒淪落到咁，真係有啲唏噓。