【考古】蘇亞雷斯英超大四喜，當中有3球係世界波！

今日曼城有神鋒夏蘭特掀起英超熱話，但講到神鋒，就不得不提當年利物浦嘅蘇亞雷斯（Luis Suárez），紅軍當年有「牙擦蘇」就係入波嘅保證，佢更試過一場入四球，不特止，四球當中仲有三球係世界波！

2013年12月4日，利物浦主場5:1大破諾域治，蘇亞雷斯上半場20分鐘內就完成咗「帽子戲法」。

第一球發生喺第15分鐘，蘇亞雷斯40碼處凌空抽射急墜入網。

第29分鐘，古天奴（Philippe Coutinho）開出角球，謝拉特（Steven Gerrard）前柱跣後，蘇亞雷斯近距離反應快射入網角。
第三球非常精彩。第35分鐘，史達寧（Raheem Sterling）傳波，蘇亞雷斯左路漂亮挑過對手後，喺禁區邊緣內半凌空抽射右下角。

最後一球發生喺第74分鐘，蘇亞雷斯25碼處罰球直飛左上角入網！