【技術流】射波唔夠力？3個動作提升你的射門力量

射波要射得夠力量，第一個要求係要「食得應」，除此之外，就要靠腿部嘅肌肉發揮作用。點樣能夠練成一腳頗具力量嘅射門呢？下面就為大家介紹幾個可以提升射門力量嘅訓練動作：


1. 身體平躺喺地上，腹肌發力上身微微抬起。左腿彎曲，右腿和左手伸直，右腿和左手同時上抬，用左手去觸摸右腳腳尖。每次10-12下，做3輪，之後換另一隻再做。


2. 身體先喺地上做出平板支撐嘅動作，抬起左腳腳尖離地，右手抬起伸直。左腿做出提膝嘅動作，右手屈肘，左腿膝蓋與右手手肘拉近直至掂到。每次10-12下，做3輪，之後換另一隻再做。


3. 一個單膝跪地嘅動作，左腿大腿與地面垂直，右腿小腿與地面垂直，左膝著地。左腿一個提膝嘅動作，右腿迅速伸直，身體呈一個單腳直立嘅狀態。每次8-10下，做3輪，之後換另一隻再做。