【技術流】如何輕鬆控下力度大的傳球？

學踢波，控波可以話係所有技術中最基本，而且最重要一環，因為如果波都控唔好，莫講話過人，隨時送咗個波俾人。咁點樣先控到個波去到我哋想要嘅位置？

做好緩沖

當我哋接波嘅嘅時候，首先要將個波嘅力卸咗先，所以唔可以硬碰硬，否則就會彈咗個波走（如下圖）

正確做法係要就一就個力，卸一卸，而控嘅位置則視乎想個波去邊個方向，一般如果只想控定嘅話，會選擇個波中間偏高少少嘅位置

調整腳腕

如果傳波嘅力度非常大，即使卸咗力，個波亦可能會朝對我哋不利嘅方向移動，因此可以喺控嘅一刻，轉一轉腳腕，俾個波一個旋轉嘅力，咁個波就唔會亂咁彈

練習
如果有人陪練做傳球手當然最好，否則可以試下利用一面牆去練，每日40-50次，練到下意識嘅動作就最好。