又巧合？又心臟病？昨日連迪路夫，今日施連施基！

球員近日嘅心臟健康問題似乎引起了關注，繼昨日曼聯中堅連迪路夫喺比賽尚餘20分鐘之時，突然掩着心口，呼吸困難，今日又輪到意甲拿坡里嘅中場施連施基出事，佢喺比賽嘅16分鐘又係突然表示呼吸困難。接二連三嘅球員疑似心臟病事件也未免令人詫異。

英超曼聯周日凌晨，作客以1比0擊敗諾域治嘅比賽中，當比賽進行到大約74分鐘嘅時候，曼聯中堅連迪路夫同對手發生輕微碰撞之後，佢突然用手掩住心口，並向場邊示意唔舒服，之後曼聯立即換走佢，由拜利入替，而連迪路夫就入咗更衣室進行檢查，消息透露情況唔算太嚴重。

賽後，曼聯守門員迪基接受訪問時仍猶有餘悸：「我哋見過好多球員都出現呢種情況，真係唔知發生咗咩事，我哋見過艾歷臣、阿古路……有時睇住自己嘅隊友出現呢啲情況，真係唔容易。希望連迪路夫完全無事啦！」
驚魂未定，今日意甲又有疑似心臟病嘅情況出現。喺拿坡里對安玻里嘅比賽第16分鐘，拿坡里中場施連施基突然喺邊線位置出現異樣，佢突然不斷咳嗽，大力吸氣，並向場邊醫護人員表示自己呼吸困難。幾分鐘後，佢被恩斯治尼入替，並穿上外套去到更衣室進行治療。


其實唔止足球壇，近日世界各地嘅體壇都突然湧現奇怪嘅心臟病個案，更有研究指出今年球壇半年來就有多達108足球員死亡，是過往平均數的5倍！ 呢個情況咁奇怪，已經去到一個唔可以再忽視嘅地步，筆者希望有關當局可以成立一個專案小組，調查一下究竟發生咗咩事。