嫌我啲波悶?摩連奴:咪鬼睇囉!

球場新聞 於 14/12/2020 發表 收藏文章
摩連奴一直都是一個爭議性的人物,佢可以將球員帶上神枱,也可以同球員鬧到差唔多開拖。佢可以帶領球隊攞三冠,也可以喺第三季突然跌watt。但有一樣一路以來都無變嘅係,佢嘅足球哲學一直被球迷同一個字批評:悶!

日前摩連奴被記者問到呢樣嘢,佢終於忍唔住講出心底話:「如果你唔中意睇,就咪鬼睇囉,就係咁簡單!


「我唔想批評啲球評家,因為佢哋係專業嘅,我唔想去評論佢哋嘅說話。我都做過一陣球評家,但我唔係專業,當時我係仲未搵到執教嘅工作,所以做咗一段短時間。喺個段時間,我學識咗要專重人哋嘅觀點,即使我唔同意都好。」

而曾經喺國際米蘭同曼聯都同摩連奴共事過嘅神鋒伊巴謙莫域就咁講:「佢只係一直做佢嘅工作。佢已經證明自己是頂級教練,是世界其中一個最好嘅教練。佢只係不斷在重複佢之前嘅工作,分別只係喺唔同球會咁解。」

「狂人」其實往往有個特徵:就係中意佢嘅人會好中意,而唔中意佢嘅又會極度討厭,中間無灰色地帶。當今足壇摩連奴係一個,而美國總統特朗普係另一個。

來源:https://talksport.com/football/803159/tottenham-news-jose-mourinho-style-of-play-tactics-zlatan-ibrahimovic/

留言


請按此登錄後留言。未成為會員? 立即註冊
    快捷鍵:←
    快捷鍵:→