逆生長的伊巴！一數據恐怕連C朗也難達到

意甲第21輪賽事，人稱「呂布」嘅伊巴謙莫域梅開二度，幫助AC米蘭主場以4比0大勝克羅托內，並以2分優勢壓過國際米蘭重回榜首。

39歲嘅伊巴越越勇，而且入球效率越來越驚人，連「入球王」C朗拿度也甘拜下風。伊巴今季至今已經喺意甲踢咗11場比賽，入咗14球，場均1.27個入球，入球效率排名意甲首位，並超越第二嘅Ｃ朗0.33，是意甲唯一一名球員平均每場入多過一球，認真厲害！

　　今季意甲部分射手入球效率：
　　伊巴謙莫域 11場14球（場均1.27）

　　C.朗拿度 17場16球（場均0.94）

　　恩莫比尼 18場13球（場均0.72）

　　盧卡古 20場14球（場均0.7）

　　梅利爾 19場12球（場均0.63）

　　恩斯治尼 17場9球（場均0.52）

　　迪施高 16場7球（場均0.43）


30歲似乎係一般球員嘅分水嶺，因為大多數球員係呢個年齡之後就會開始走下坡，但伊巴似乎係逆生長。有一項數據可以反映呢點：本輪意甲梅開二度之後，伊巴球會825場正式比賽中，已射入501球，其中有近6成（397球）喺係30歲之後攻入！對比一下，剛36歲嘅C朗喺30歲之後，踢咗326場比賽，入咗300球（包含國家隊），6年入球佔比整個職業生涯入球（763球）嘅39%。當然，以C朗嘅狀態，嚟緊幾年依然可以入球如麻，但要追到伊巴呢個佔比亦唔容易。