又巧合?又心臟病?昨日連迪路夫,今日施連施基!

球場新聞 於 13/12/2021 發表 收藏文章
球員近日嘅心臟健康問題似乎引起了關注,繼昨日曼聯中堅連迪路夫喺比賽尚餘20分鐘之時,突然掩着心口,呼吸困難,今日又輪到意甲拿坡里嘅中場施連施基出事,佢喺比賽嘅16分鐘又係突然表示呼吸困難。接二連三嘅球員疑似心臟病事件也未免令人詫異。

英超曼聯周日凌晨,作客以1比0擊敗諾域治嘅比賽中,當比賽進行到大約74分鐘嘅時候,曼聯中堅連迪路夫同對手發生輕微碰撞之後,佢突然用手掩住心口,並向場邊示意唔舒服,之後曼聯立即換走佢,由拜利入替,而連迪路夫就入咗更衣室進行檢查,消息透露情況唔算太嚴重。


賽後,曼聯守門員迪基接受訪問時仍猶有餘悸:「我哋見過好多球員都出現呢種情況,真係唔知發生咗咩事,我哋見過艾歷臣、阿古路……有時睇住自己嘅隊友出現呢啲情況,真係唔容易。希望連迪路夫完全無事啦!

驚魂未定,今日意甲又有疑似心臟病嘅情況出現。喺拿坡里對安玻里嘅比賽第16分鐘,拿坡里中場施連施基突然喺邊線位置出現異樣,佢突然不斷咳嗽,大力吸氣,並向場邊醫護人員表示自己呼吸困難。幾分鐘後,佢被恩斯治尼入替,並穿上外套去到更衣室進行治療。

loading


其實唔止足球壇,近日世界各地嘅體壇都突然湧現奇怪嘅心臟病個案,更有研究指出今年球壇半年來就有多達108足球員死亡,是過往平均數的5倍! 呢個情況咁奇怪,已經去到一個唔可以再忽視嘅地步,筆者希望有關當局可以成立一個專案小組,調查一下究竟發生咗咩事。

如果喜歡我們的文章,請即分享到︰

標籤: 施連施基  連迪路夫  心臟病  

留言


請按此登錄後留言。未成為會員? 立即註冊
    快捷鍵:←
    快捷鍵:→