【騙徒手法層出不窮】大衛施華、比歷連尼被偷約15萬鎊!

有趣足球事件簿 於 02/02/2017 發表 收藏文章
球圈中人個個家財萬貫,自然會成為不法之徒既搵食目標,而曼城中場大衛施華同埋前教頭比歷連尼,就成為最新的受害者。據了解,不法之徒利用報失信用卡既方式,合共偷左大約15萬鎊既巨款,不過一齊睇下事發經過~~~


喺比歷連尼出街食飯個陣,諗住碌卡比錢,點知發現張卡經已失效,而「智利工程師」之後就選擇報警求助,而警方最終就拉左一位名為魯賓(Johathan Reuben)既56歲慣犯。佢一共喺比歷連尼張信用卡入面,提走左10萬鎊,同埋買左隻價值2.7萬鎊既靚錶。

除了比歷連尼之外,大衛施華都係魯賓曾經光顧既對象。原來早喺2015年9月,佢就已經睇中左大衛施華,然後就利用報失信用卡一招,要求銀行寄返張新卡俾大衛施華,然後魯賓就喺呢位曼城中場既信箱度,偷走張新卡,然後偷左大約2萬鎊!之後,大衛施華憑住銀行既短訊,先發現被偷錢,如果唔係佢根本唔知戶口少左2萬蚊。

上圖為魯賓

據悉,魯賓對付比歷連尼都係用同一招,而佢就即將面臨20個月既監禁。不過,魯賓對呢兩次既犯案毫無悔意,因為佢覺得一班球圈中人,少左幾萬鎊就好似無左啲散紙咁,不值一提喎。

如果喜歡我們的文章,請即分享到︰

標籤: 大衛施華  比歷連尼  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→