[K11出品] 曼聯K角度 - 曼聯咎由自取的歐聯分組賽出局

Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
由分組賽抽籤得知同組有PSG及萊比錫,已經知道條路唔易行。好喇,由第一場作客PSG,當時正值魔鬼賽程初期,以為死得,點知球隊又踢得比預期好咁作客贏2:1,拎到3分好地地啦。返到主場對萊比錫,諗住未必贏到但唔好輸先,球隊又嚇你一驚大炒對手5:0拎6分。呢個時候,嚟緊2場對住歐聯新丁巴沙克舒希,諗住仲唔穩穩陣陣,作客土耳其知道難踢但應該唔洗輸掛,點知後防就送2球業餘級犯錯俾對手,結果曼聯嘅名字被寫入對手球會歐聯歷史之內,而呢場可以話係成個分組賽嘅致命傷。
返到主場對巴沙克舒希贏波唔出奇但對於飄忽成咁嘅曼聯真係無野無可能,球隊又好似好踏實咁贏番場,結果4場拎9分,餘下2場只需拎1分都夠出線。主場對PSG場波,PSG表現好勁咩?又唔係,曼聯表現差咩?又唔係,創造嘅機會仲要俾人多,但踢波就係計入球,最終自己把握唔到機會仲要輸埋3:1,連對住PSG對賽結果嘅優勢都無埋,仲要結果賠了夫人又折兵下費特2黃1紅出場加停賽。
嚟到最後一場作客德國,心知不妙㗎喇,你估人哋萊比錫真係流㗎咩。排陣上踢3-5-2在版主個人角度下已經唔太理想,用得3中堅即係梳爾出場嘅機會好大,梳爾傷咁耐第一場復出就要作客萊比錫? 速率同節奏都唔知係點,到中場放馬迪出嚟,明知人哋對手中前場玩行軍速率高而唔係玩硬淨,蘇B你擺明玩馬迪同麥湯文尼啦。响卡雲尼同馬斯亞都受傷情況下,加上對手擺明要贏先得,以往蘇B最興就係放福仔打單箭,般奴搵機會放波俾福仔去,結果你排福仔加綠木,你覺得對手真係會因為你有福仔同綠木對手就驚咗唔攻? 結果前場雖然有2個人但般奴就變成少咗空間踢波,因為連阿婆都知mark實般奴,曼聯嘅進攻就無突破點啦,你又無出馬達同Donny,唔mark般奴唔通mark馬迪同麥湯文尼咩?結果般奴一拎波就被人圍剿,要退到去後半場拎波先有透氣嘅機會。結果踢雙箭頭加埋般奴但出嚟嘅進攻及射門次數仲少過踢防反,唔係叫你求和但對應下對手一定要攻呢件事嚟針對部署一下自己隊波點樣去進攻。
後防打3中堅再加2翼衛好似好多人,偏偏人哋入嘅頭2球就係傳中,2分鐘用early crossing咪劏得穿你囉。第二球梳爾企嘅中堅位完全無影,泰利斯已經睇緊一件,後面無人看管下又入1球,成場波梳爾個速率、狀態同信心根本就未得,上半場企中堅位試過見佢追人追到去對手後半場三閘線,攪到自己左路又得泰利斯一個,好喇,之後踢番4人防線時,梳爾左路得守無攻,啲波去到梳爾度多數都係回後又少疊瓦,咪狀態同信心問題囉。第三球成條防線又係發夢,麥隊同迪基亞完全無溝通到底係想個波點處理呢?結果3:0叫殺死咗場波,如果唔係對手後防真係唔勁都唔會最後俾啲希望你嚟追到2:3,但最終運氣真係唔一定會出現响你果邊㗎,結果咪輸波出局囉。4場拎9分但最終6場都係拎9分,真係唔易㗎,蘇師傅,但你做到。
歐霸見啦,無氣喇😭


如果大家仍然未申請或想申請NowTV黎睇波,呢條連結有月費低至HK$248.00再有野送嘅計畫益大家:
➡➡bit.ly/RSNowTVSpecialOffer

============
RS一系列鎖匙扣已登場,除左有曼聯歷來最偉大領隊費Sir外,仲有伊巴同迪神添,想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有! 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→