[K11出品] 曼聯點將錄 – 亞洲之光.朴智星

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

感謝各位讀者對我K11作品系列 - 曼聯點將錄既鼎力支持, 主編於ROYCE SPORTS網頁所舉辦的投票也得到各方讀者參加, 而最後今輪投票以大比數勝出既便是我們亞洲之光, 朴智星, 朴三肺。由於我們也要照顧各方球迷及讀者, 之前曾推出傑斯, 艾夫拿, 里奧及今次的朴智星, 所以下一輪投票將以龍門為主題, 請各位讀者繼續投選下一輪點將錄之球星, 緊記快D投票了!

http://www.roycesports.com/vote/

( 舒米高, 雲達沙, 巴夫斯 )

入正題了吧, 今輯點將錄既球員, 是一名於球隊內不顯眼, 但是卻是非常重要的棋子, 有用不完的氣力, 有內歛的外表, 有及時雨的位置感及球感, 有願意當後補的心態, 有穩定的比賽狀態, 有商業價值, 他是亞洲之光, 韓國什至亞洲足球史上, 第一位奪得英超及歐聯冠軍之球員, 同時亦是第一位於歐聯決賽上陣的亞洲球員, 據聞他有三個肺 ( 純為誇張演繹, 如有兒童收看, 請陪同的家長作解釋 ), 人稱朴三肺既朴智星, 星仔。


朴智星, 出生於1981年2月25日, 現年35歲, 曾協助南韓國家隊於2002年世界盃打入四強, 對戰葡萄牙時更射入致勝一球, 2003年與隊友李榮杓一起加盟荷甲勁旅PSV。2005年便協助球隊打入歐聯4強, 因而令時任曼聯領隊費SIR對佢極之關注, 收歸旗下。星仔曾任南韓國家隊隊長, 而其最佳位置於中場或前鋒。



2005年7月5日既時候, 曼聯宣佈以400萬磅購得此名南韓國腳, 成為曼聯歷史上第一位韓國球員! 2014年5月14日宣佈退役, 該年夏天星仔與SBS主播金敏智的戀愛修成正果, 步入教堂, 而同年10月2日, 星仔再次回到曼聯, 充當紅魔的球會大使, 延續其紅魔生涯。

作為韓國足球員, 星仔卻選擇於日本展開其職業生涯, 於2000年與日本J LEAGUE球隊京都不死鳥簽約成為職業足球員, 同年參加了悉尼奧運會, 完結後, 19歲既佢便入選了國家隊。

2002年世界盃後, 星仔便跟隨恩師希到克加盟PSV。2003/04球季, 星仔已經穩奪球隊主力既位置, 28次出場射入6球, 以一名亞洲球員來說, 成績已經很好, 但這並未足夠。2004/05年, 星仔為PSV奪下荷甲聯賽冠軍及荷蘭杯冠軍成為雙冠王, 球隊也破紀錄地打進歐聯4強, 可惜敗於當時擁有卡卡及舒夫真高既AC米蘭腳下。然而此季既表現吸引到曼聯既注意, 隨後加盟成為紅魔一份子。


加盟後首季英超, 費SIR便給機會朴智星去証明自己, 首次出場是2005/06球季8月13日對愛華頓, 賽後費SIR便稱讚星仔: 勤力走動, 為隊友製造空位。似乎這句話, 便深深打入星仔既紅魔生涯內, 成為其標記。可惜該季球隊未能奪得英超聯賽冠軍, 卻屈居於摩連奴既車路士之下。


同年, 星仔再次為南韓出戰世界盃決賽周, 分組賽對法國時射入板平一球, 可惜其後受傷患困擾, 只有15次既出場紀錄, 去到2007/08球季, 星仔養傷多月後於季尾復出, 表現再見光芒。在歐聯4強協助球隊2回合計擊敗巴塞隆納, 首回合正選上陣, 全場奔跑超過二萬米, 不惜氣力, 助攻助守, 朴三肺之名無花無假。其後於決賽面對車路士, 不過星仔未有上陣, 但球隊最終仍能攻擊敗車路士奪得歐聯冠軍, 同屆曼聯也奪得英超冠軍, 星仔成功奪得2面歐洲賽事中最高榮耀既獎牌。


及後的一季, 由於傑斯年紀漸大, 蘭尼狀態又不穩加上傷病頻頻, 星仔因而取得多次的上陣機會, 而其表現都一致向好, 費SIR也沒有浪費此名好球員, 對其非常器重, 終於該季曼聯再次打入歐聯決賽, 對手是巴塞隆納, 星仔正選上陣出任右翼, 可惜今仗決賽被巴塞隆納報回2007/08球季4強之仇, 美斯既出色表現令曼聯未能衛冕歐聯。但朴智星則成為史上首個在歐聯決賽上陣的亞洲球員。


及後既一季, 星仔狀態未見回落, 繼續其高峰, 費SIR也將其高峰盡於曼聯中顯現, 達至雙贏局面, 該季曼聯於主場反勝死敵利物浦2比1, 星仔射入既致勝球實屬關鍵。


星仔於曼聯一直有穩定既表現,但在2010/11至2011/12年球季一直受傷患的影響而缺席多場賽事,加上步入30歲,狀態未能維持高峰,令到星仔未能夠繼續成為球隊必然正選。於2011/12球季結束後, 朴智星與費SIR商討於球隊前途問題,由於曼聯將於同年6月從德甲冠軍多蒙特購入中場主力日本國腳香川真司,星仔上陣場數既要求未得到確認,最終決定轉投其他球會, 於2012/13球季轉會昆士柏流浪,轉會費為200萬英鎊,並簽約兩年。星仔既離開令費SIR大為感嘆,表示婉惜及不捨。星仔便結束其7年紅魔之路。


星仔加盟昆士柏流浪後,宣佈朴智星成為球會隊長, 但昆士柏流浪羅致多名具實力球員不過卻踢不成預期效果,以至球隊戰績極差,而朴智星亦受傷患困擾及狀態不足下長期缺陣,有不少人認為星仔加盟昆士柏流浪而非於曼聯留守是個錯誤決定。


同年,昆士柏流浪護級失敗需要降班,於 8月8日,朴智星以借將身份重返成名球會荷甲PSV 為期一年,最終於2014年5月14日宣佈結束球員生涯。


朴智星於加盟曼聯之前,曾經受到外界質疑曼聯購入星仔既目的是在商業上, 為了開拓亞洲市場而非星仔本身既實力。但星仔卻叫這堆批評既人仕一地眼鏡碎, 星仔不止在不同重要賽事中以出色表現征服球迷,更先後射破車路士、利物浦、AC米蘭及阿仙奴等著名球會。 相信阿仙奴更是害怕星仔, 因為曼聯十次對陣阿仙奴, 星仔便攻入五球之多。

國家隊方面, 星仔曾參加了2002年日韓世界盃、2006年德國世界盃和2010年南非世界盃。而星仔更能夠於三屆世界盃賽事中都有入球,此紀錄足以與朗拿甸奴, 碧咸等等超級球星並行。
而星仔於2008年成為南韓國家隊隊長,一直擔任球隊領袖直至退出國家隊為止。朴智星在國家隊的重要性,不僅是球場上的領袖、更可謂是國家的精神領袖,相信與名宿車範根同為南韓最具影響力的足球員。
2011年1月25日既亞洲杯半決賽南韓與日本隊的比賽,是星仔個人第100次代表國家隊參加既A級賽事。此場之後6日, 於1月31日宣佈正式退出南韓國家隊。


朴智星為曼聯效力7年, 攻入24球, 數量雖然不多, 但是星仔於曼聯既作用不是入球, 而是一名萬能球員, 擁有無窮運動量, 能攻能守, 似乎費SIR正是看準此優點, 加上星仔願意為球隊付出既能耐。星仔便是C朗於曼聯的高峰時期, 其中一位防反戰術中重要既棋子。

而且星仔正是我K11一向所說, 助攻不一定要取得皮球, 而是要走位, 拉出空位讓隊友有更多的空間去進攻, 於適合時間, 做適合既事, 而且星仔於場內從不埋怨, 此舉更為團隊精神中最重要一環。

不過正因如此, 我K11覺得其實星仔未能成為隊長一職, 因為隊長一職, 某程度要為球隊帶來士氣, 與對手有爭執而需要與球証理論時, 正正是隊長既責任, 由於星仔性格內歛與低調, 只要一與堅尼, 朗尼及星仔既好友艾夫拿一碰, 便知道星仔不是隊長既材料, 但作為球隊內打不死, 跑不完既精神領袖, 此點便毫無疑問的了。



而星仔既踢法, 由於其身材不高, 速度也不算快, 但勝在勤力, 沒有停下既步伐, 此類對手相當難應付, 當你要去緊釘他的時候, 你本身也要有一定既運動量才能應付, 但如果你不緊釘他, 他又隨時出現在危險既位置。同樣地, 當緊釘自己的球員是星仔這類型球員, 你會像被蛇纏住一樣的辛苦, 因為他會毫不保留地跟你來一場馬拉松, 二萬米的驚人紀錄, 想也恐怖。當然身裁不夠是亞洲人於歐洲足球既其中一個重要弱點是不能改變的, 但星仔卻憑著難以致信既運動量征服歐洲足球, 而這類球員, 一定是每個領隊最喜愛的類型之一。

唯一令人遺憾既係, 星仔未能於曼聯掛靴, 幸好星仔卻重回曼聯成為大使, 令朴智星這個名字, 永永遠遠屬於曼聯。



星仔於曼聯5大入球:


朴三肺:




我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書等,你仲唔快d like?

如果喜歡我們的文章,請即分享到︰

標籤: 曼聯  費格遜  朴智星  英超  歐聯  卡卡  舒夫真高  蘭尼  堅尼  朗尼  

留言

會員
我要評論
請按此登錄後留言。未成為會員? 立即註冊
  • Sheung Lun Chan
    Sheung Lun Chan 於 26/03/2016 評論 NO. 1

    亚洲之星

  • Choksing
    Choksing 於 26/03/2016 評論 NO. 2

    好排住有佢既曼聯

  • Darren Tcwei
    Darren Tcwei 於 26/03/2016 評論 NO. 3

    绝对係

  • Tony Chiang
    Tony Chiang 於 26/03/2016 評論 NO. 4

    可能係世界最成功嘅亞洲足球員

  • Tom Tam
    Tom Tam 於 26/03/2016 評論 NO. 5

    唔係中田英壽咩

  • Corgi Lau
    Corgi Lau 於 26/03/2016 評論 NO. 6

    年份遠D有車範根

  • Bosco Tsui
    Bosco Tsui 於 26/03/2016 評論 NO. 7

    孫興文。

  • 陳國漢
    陳國漢 於 26/03/2016 評論 NO. 8

    李榮杓呢?

  • Zeroau Au
    Zeroau Au 於 26/03/2016 評論 NO. 9

    老孫呢。。。。。

  • Manson Wong
    Manson Wong 於 26/03/2016 評論 NO. 10

    尋日先見到佢,佢黎左香港

  • Lala Cheung
    Lala Cheung 於 26/03/2016 評論 NO. 11

    李斯特城 果個 岡崎慎司 離奉英超不遠了,都算係掛

  • Granon Lui
    Granon Lui 於 26/03/2016 評論 NO. 12

    但係就浪費左香川真司

  • Chi Wong
    Chi Wong 於 27/03/2016 評論 NO. 13

    一定係,除非唔係

  • Hoo Cheung
    Hoo Cheung 於 27/03/2016 評論 NO. 14

    孫繼海呢

  • Wilson Yong
    Wilson Yong 於 27/03/2016 評論 NO. 15

    接下来可能看到英超冠军有日本人,亚军有韩国人

  • 梁翊禧
    梁翊禧 於 27/03/2016 評論 NO. 16

    其實好似係話佢有兩個心臟

  • Teddy Fung
    Teddy Fung 於 27/03/2016 評論 NO. 17

    不要忘記中田英壽有意甲冠軍

  • Waiwai Yu
    Waiwai Yu 於 27/03/2016 評論 NO. 18

    點講,佢都係第一

  • Kin12
    Kin12 於 27/03/2016 評論 NO. 19

    👍🏻

  • KC Chow
    KC Chow 於 27/03/2016 評論 NO. 20

    絶對係

  • Zizou Ng
    Zizou Ng 於 27/03/2016 評論 NO. 21

    佢曾經完封美斯....

  • 新仔
    新仔 於 01/04/2016 評論 NO. 22

    星仔的踢法很合適摩連奴,可惜是二人沒有合作過

快捷鍵:←
快捷鍵:→