[隊長朗出品]-迪比爆發迎兵工廠!曼聯 vs 阿仙奴

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

2016年2月28日 ( 周日晚上)
英超聯賽第27輪: 曼聯VS阿仙奴
香港時間: 22:05
K11 賽前分析及曼聯卡通


曼聯經過神奇一周, 足總盃晉級8強, 歐霸晉級16強, 迎來最嚴峻既賽事, 英超聯主場面對阿仙奴, 由於傷兵沒有停過, 兵源有限下, 近仗都未可以留力既情況下應戰, 而且傷兵一場比一場多, 猶幸盧祖已經復出踢了20分鐘的歐霸賽事了, 馬素爾, 史摩寧及迪基亞為最重要及最有可能復出既球員, 暫時仍是未知之數, 不過羅美路及新人前鋒拉舒福特於臨危受命下都有表現, 即使馬素爾及迪基亞未能復出, 相信都未致於差到極點。( 復出當然最好啦 ) 但史摩寧一旦缺陣, 萬一又要由卡域克與白蘭特合作, 面對基奧特既高空攻勢及山齊士既盤扭可能很危險……………

迪比最近既演出開始受好評, 信心也慢慢回復, 不過近仗均不是英超賽事, 未知迪比回歸英超後既節奏與壓力能否再次戰勝, 而馬達既狀態維持得宜, 中場拍擋既舒拉達連與靴里拉也開始合作無間, 即使要射破施治極有難度但也不致於捱打吧? 而且曼聯其實對於前四仍未絕望, 因為今季既英超競爭極之激烈, 曼聯與第四既曼城只有6分既距離, 餘下12場賽事, 曼聯也不會就此放棄餘下賽事, 加上今場面對競爭對手既阿仙奴, 沒有可以留力既餘地了。

阿仙奴方面, 被美斯梅開二度下, 主場敗於巴塞腳下, 而且雪上加霜的是張伯倫可能因傷收咧, 幸而今季前有奧燒, 後有施治, 的確攻守平衡得宜, 所以暫時阿仙奴仍是今季英超既爭標份子, 不過如果今場面對曼聯有什麼差池, 爭標路上會非常危險, 今季乘著車路士, 曼聯及利物浦相繼失準, 雖然有奇兵李斯特城, 但今季的確是阿仙奴最有機會重奪英超既機會, 雲加相信唔會放過, 不過3月2日又有足總盃重賽, 未知雲加定位如何了……………….
總結來說, 雙方對於今仗也是不容有失, 為面子, 為爭標, 為歐聯入場卷, 相信會是一場激烈既賽事, 而我K11緊係希望迪比可以繼續爆發, 射爆阿仙奴啦!

K11預計陣容:
迪基亞
華利拿, 史摩寧, 白蘭特, 祖拉利
舒拉達連 靴里拉
連加特 馬達 迪比
拉舒福特

我地page 有大量轉會消息,精華,賽後分析/評分, 記得要時刻留意我地 Facebook!
https://www.facebook.com/RoyceMU/
仲會有個人精華,曼聯點將錄,全場錄影,曼聯家書,賽後訪問等,你仲唔快d like?

如果喜歡我們的文章,請即分享到︰

標籤: 曼聯  阿仙奴  英超  迪比  迪基亞  巴塞  卡域克  山齊士  

留言


請按此登錄後留言。未成為會員? 立即註冊
    快捷鍵:←
    快捷鍵:→