二零一五年夏天，紅軍喺轉會市場投入超過七千萬英鎊，至今邀得七位新兵加盟，誓要一雪前恥，力爭前四。
季初三場聯賽，紅軍二勝一和未輸過，氣勢相當唔錯。其中一個原因，當然係呢班新兵大打爭氣波啦！
上次同大家講咗兩個新後衛，祖．高美斯同佳尼，穩住咗條後防線。不過，唔失波係未夠嘅，都要靠前面入波先得。所以，今集就介紹吓利物浦新嘅九號仔...
＊＊＊＊＊＊＊＊＊＊
《紅營救兵》特務零零玖 --- 賓迪基
「你以為你喺維拉就搵你唔到咩，無用架，你咁出色嘅前鋒，無論喺邊度，就好似黑漆中嘅螢火蟲一樣咁鮮明、咁出眾，你健碩嘅身形、強頑嘅鬥志，神乎奇技嘅射術，同埋杯DryMartine，都徹底咁將你出賣咗。阿基，利記有任務俾你。」就係咁，羅渣士就將賓迪基買左返利物浦。
有睇開英超嘅朋友，都一定唔會對賓迪基陌生。但如果你印象中賓迪基只係得個頂字，咁我只可以同你講「你太年輕了」。想知賓迪基有幾勁？即刻去片！
https://www.youtube.com/watch?v=NNAt3hJs9iQ&feature=youtu.be
原來賓迪基除左係空中霸王，仲可以造到組織，踢法可以咁細膩。最重要係佢踢得好聰明，唔會一味死去，一味怒射，可以技術成份好高，有幾高？兩層樓咁高啦。
點解要買賓迪基？
話說上季羅渣士集各隊之長，一口氣買入巴神、林拔、拉蘭拿、馬高域等等，諗住整件「攞你命3000」……係「攞你命3-4-3」至真。結果差尐真係攞左自己命，一班前鋒集體啞火，要靠古天奴同有情有義嘅史達寧去擔起進攻重任，搞到歐聯資格都失埋，最後連史達寧都唔係為錢咁去左曼城。
不過唔緊要，正所謂邊度跌低邊度起返身，保得住條命嘅羅渣士今季再接再勵，in 賓迪基、艾格斯；out 林拔、巴神，務求再嚟一次鋒線大換血，希望能夠重現SAS時代超強攻力，為自己省靚返個招牌。
咁到底身為羅sir首選前鋒嘅賓迪基，可以為球隊帶嚟乜野優勢？筆者粗略列出以下幾點：
1. 空中霸王
一睇賓迪基咁雄偉嘅身形，就知空戰對佢講係無難度。就睇對高Q大棍史篤城都頂贏全場，就知有幾堅。除左可以為羅渣士提供多個進攻板斧，仲可以做二傳為隊友製造機會，就算面對大巴戰術都可以去衝去撞，唔駛坐以待斃俾人守死。
2. 迫搶好手
SAS時期利記最擅長咩戰術？前場迫搶、快速反擊。上季邊位前鋒緊迫做得好？無。波連尼有鬥志無身位、林拔有鬥志有身位無速度、巴神大部份時間有點hea。要重現有效迫搶，起用賓迪基係一個唔錯選擇，佢有充沛體能、不俗速度、上佳身形，當然要同蘇亞雷斯比較，就言之過早。但至少佢可以將「迫」字發揮到出嚟，令對手後防增加壓力，犯錯就由此而起。
3. 重現雙箭頭
上季已經被棄用嘅雙箭頭陣式，今季羅渣士絕對有本錢重用。隨著史度列治復操，筆者一直期待當年希斯基、奧雲「坦克與小明」嘅組合，有望可以由賓迪基、史度列治重新演繹。當年奧雲所向披靡，好大功勞屬於為佢衝鋒開路嘅希斯基。而家睇賓迪基、史度列治能力都唔會比前輩差，實行起嚟威力可能仲要大。另外，同樣係今季新援嘅艾格斯，都係雙箭頭好人選，賓迪基同艾格斯兩個咁有火咁有球味嘅拍擋，最適合對付一尐硬朗球隊，至少唔使再驚泰利摔角技防守。
＊＊＊＊＊＊＊＊＊＊
開季苦戰連場，賓迪基表現暫時不過不失，有利迷開始質疑佢能力，同埋到底夾唔夾隊波。而筆者就投下信心一票，初步睇，的確係明顯令球隊實力提升。對於質疑嘅球迷，可以講句：「算啦，話到尾，佢始終都係一個獨一無二，風度翩翩既前鋒。」
文：辰風@利物浦球迷會文學部
香港利物浦官方球迷會：http://on.fb.me/1l8iDzL
季初三場聯賽，紅軍二勝一和未輸過，氣勢相當唔錯。其中一個原因，當然係呢班新兵大打爭氣波啦！
上次同大家講咗兩個新後衛，祖．高美斯同佳尼，穩住咗條後防線。不過，唔失波係未夠嘅，都要靠前面入波先得。所以，今集就介紹吓利物浦新嘅九號仔...
＊＊＊＊＊＊＊＊＊＊
《紅營救兵》特務零零玖 --- 賓迪基
「你以為你喺維拉就搵你唔到咩，無用架，你咁出色嘅前鋒，無論喺邊度，就好似黑漆中嘅螢火蟲一樣咁鮮明、咁出眾，你健碩嘅身形、強頑嘅鬥志，神乎奇技嘅射術，同埋杯DryMartine，都徹底咁將你出賣咗。阿基，利記有任務俾你。」就係咁，羅渣士就將賓迪基買左返利物浦。
有睇開英超嘅朋友，都一定唔會對賓迪基陌生。但如果你印象中賓迪基只係得個頂字，咁我只可以同你講「你太年輕了」。想知賓迪基有幾勁？即刻去片！
https://www.youtube.com/watch?v=NNAt3hJs9iQ&feature=youtu.be
原來賓迪基除左係空中霸王，仲可以造到組織，踢法可以咁細膩。最重要係佢踢得好聰明，唔會一味死去，一味怒射，可以技術成份好高，有幾高？兩層樓咁高啦。
點解要買賓迪基？
話說上季羅渣士集各隊之長，一口氣買入巴神、林拔、拉蘭拿、馬高域等等，諗住整件「攞你命3000」……係「攞你命3-4-3」至真。結果差尐真係攞左自己命，一班前鋒集體啞火，要靠古天奴同有情有義嘅史達寧去擔起進攻重任，搞到歐聯資格都失埋，最後連史達寧都唔係為錢咁去左曼城。
不過唔緊要，正所謂邊度跌低邊度起返身，保得住條命嘅羅渣士今季再接再勵，in 賓迪基、艾格斯；out 林拔、巴神，務求再嚟一次鋒線大換血，希望能夠重現SAS時代超強攻力，為自己省靚返個招牌。
咁到底身為羅sir首選前鋒嘅賓迪基，可以為球隊帶嚟乜野優勢？筆者粗略列出以下幾點：
1. 空中霸王
一睇賓迪基咁雄偉嘅身形，就知空戰對佢講係無難度。就睇對高Q大棍史篤城都頂贏全場，就知有幾堅。除左可以為羅渣士提供多個進攻板斧，仲可以做二傳為隊友製造機會，就算面對大巴戰術都可以去衝去撞，唔駛坐以待斃俾人守死。
2. 迫搶好手
SAS時期利記最擅長咩戰術？前場迫搶、快速反擊。上季邊位前鋒緊迫做得好？無。波連尼有鬥志無身位、林拔有鬥志有身位無速度、巴神大部份時間有點hea。要重現有效迫搶，起用賓迪基係一個唔錯選擇，佢有充沛體能、不俗速度、上佳身形，當然要同蘇亞雷斯比較，就言之過早。但至少佢可以將「迫」字發揮到出嚟，令對手後防增加壓力，犯錯就由此而起。
3. 重現雙箭頭
上季已經被棄用嘅雙箭頭陣式，今季羅渣士絕對有本錢重用。隨著史度列治復操，筆者一直期待當年希斯基、奧雲「坦克與小明」嘅組合，有望可以由賓迪基、史度列治重新演繹。當年奧雲所向披靡，好大功勞屬於為佢衝鋒開路嘅希斯基。而家睇賓迪基、史度列治能力都唔會比前輩差，實行起嚟威力可能仲要大。另外，同樣係今季新援嘅艾格斯，都係雙箭頭好人選，賓迪基同艾格斯兩個咁有火咁有球味嘅拍擋，最適合對付一尐硬朗球隊，至少唔使再驚泰利摔角技防守。
＊＊＊＊＊＊＊＊＊＊
開季苦戰連場，賓迪基表現暫時不過不失，有利迷開始質疑佢能力，同埋到底夾唔夾隊波。而筆者就投下信心一票，初步睇，的確係明顯令球隊實力提升。對於質疑嘅球迷，可以講句：「算啦，話到尾，佢始終都係一個獨一無二，風度翩翩既前鋒。」
文：辰風@利物浦球迷會文學部
香港利物浦官方球迷會：http://on.fb.me/1l8iDzL
請按此登錄後留言。未成為會員? 立即註冊