上回講到，「特務零零玖」賓迪基、「悶到震」占士米拿、「英倫雙閘」佳尼與高美斯、「烈火雄心」丹尼恩斯同埋「古天勞個巴打」費明勞，喺今個夏天相繼登陸利物浦，拯救陷於水深火熱嘅羅渣士。但除咗球員之外，我地仲有......
【譯】時間回到六月，桑恩‧奧迪斯高（Sean O'Driscoll）收到羅渣士嘅口訊，想佢覆返電話。奧迪斯高當時帶緊英格蘭十八歲青年軍，心諗，羅渣士應該係想打探下舒爾‧奧祖嘅表現，所以先會咁好死搵佢。
結果唔係，羅渣士想佢坐利物浦嘅第二把交椅，代替離職嘅柏斯高。
佢當堂嚇一跳，然後得啖笑，然後黎咗利物浦。
奧迪斯高就話：「我以為羅渣士想問奧祖踢成點。我覆返電話俾佢先知，唔喺咁樣。我話『你蛋蛋先』（你先等候一會）。」
「係啊，我當堂嚇一跳。我想了解清楚，從長計議，唔係就得啖笑。」
「果時我喺英格蘭國家隊培育幼齒，非常有趣，係我想做嘅野。所以當羅渣士搵我時，我用咗兩個禮拜搵人叫我唔好。我搵唔到，所以黎咗利物浦。」
「我好興奮。一直以黎，我都覺得利記有佢嘅傳統同歷史。人人都係咁講。不過親身體驗又係第二件事。季前熱身賽去咗澳洲，我喺地球嘅另一邊見住利迷一窩蜂支持球隊，覺得好正。」
奧斯高踢過富咸，當年司職中場。佢喺低組別聯賽教波超過廿年，教過般尼茅夫、唐卡士打、告魯尼、諾定咸森林同布里斯托城，然後舊年九月執掌英格蘭青年軍。
羅渣士教英冠屈福特嘅時候已經同佢交過手。兩年前，羅渣士講起英國教練都可以擺陣進取：
「我唔同意呢位小姐嘅講法。你可以睇下奧迪斯高，佢喺我遇到過最好嘅教練之一。佢教隊波行雲流水、技術細膩、熱情奔放、創意無限，燃點起我羅渣士心中嘅一團火！不過，佢未試過有機會喺頂級聯賽發展，可能永遠都唔會有。」
奧迪斯高依家先知有件咁嘅事，但佢唔同意自己大器晚成。
「我成日有好高嘅期望，而唔係目標。」
「我冇追開新聞，冇睇羅渣士講啲乜，」佢咁講。
「我遲入行，廿二歲先踢職業波。因為由細到大，冇人同我講『波，笨唔係咁踢架』──冇人同我講應該要點踢。所以我開始足球時，理解方式同人有好大分別，直到今日都喺咁。」
「做球員時，我成日問『典解既，典解會咁既』，問點解要做呢啲、果啲，咁我先明白佢地想我點。」
「我每日都搏盡。我有好高嘅期望，而唔係目標。啲人同我講目標好重要，但好多人只係得把口。」
「例如咁講，如果你想做皇馬領隊，咁點解你唔走去學西班牙文？齋噏唔係秘笈。好多人話我想做呢個、果個，最尾半途而癈。」
「想唔想做英超領隊？冇諗過。無論去到邊，我只會專注眼前，保持跑姿平穩，咁樣最有動力。你問我，我有冇搏盡？有。今日輸咗，俾心機加快步，聽日就會贏返。做人最緊要踏實。」
「羅渣士想我挑佢機，有野就講，有屁就放。」
羅渣士睇中奧迪斯高務實嘅態度，而呢位新任副帥亦唔喺老不中用，佢相信自己會帶俾球隊唔同嘅觀點。
「我認為羅渣士想我挑佢機，有野就講，有屁就放。」
「例如，呢份數據講乜，呢段影片講物，呢個球員識得做乜。」
「我要嘅職責係發揮球隊嘅資源同潛能，唔係指指點點。其實唔難。但係要好小心，要識得尊重人。比著係我，我都唔想有個人行入黎，就叫我做乜做物。咁樣做唔到野。」
「我同好多利物浦員工都傾過計，問佢地有咩期望。」
「我未試過喺呢個級數工作。當我行入球會時感覺好新鮮，我有諗過英超係點，但原來一啲都唔同。」
「英超係一個花花世界，裡面睇唔到外邊嘅野。你有好多錢，有好多野係第二度做唔到。你有世界上最好嘅球員──有啲態度唔係咁好。所以最重要係管理。」
「班仔全部好有天份，如果唔係都唔會踢英超。問題係佢地好疊水，好有性格。當你要球員動下腦筋，學啲新野，佢地會諗：『我有錢又咁叻，做乜要聽你講？』而我就要教好佢地。」
「咁多年黎，我每事都會親力親為。人人都想成功，不過最重要係落手落腳去做，去到邊都係咁。」
＊＊＊＊＊＊＊＊＊＊＊＊
原文：http://www.liverpoolecho.co.uk/sport/sean-odriscoll-liverpool-fc-boss-9868285
譯：元朗謝四＠球迷會文學部
【譯】時間回到六月，桑恩‧奧迪斯高（Sean O'Driscoll）收到羅渣士嘅口訊，想佢覆返電話。奧迪斯高當時帶緊英格蘭十八歲青年軍，心諗，羅渣士應該係想打探下舒爾‧奧祖嘅表現，所以先會咁好死搵佢。
結果唔係，羅渣士想佢坐利物浦嘅第二把交椅，代替離職嘅柏斯高。
佢當堂嚇一跳，然後得啖笑，然後黎咗利物浦。
奧迪斯高就話：「我以為羅渣士想問奧祖踢成點。我覆返電話俾佢先知，唔喺咁樣。我話『你蛋蛋先』（你先等候一會）。」
「係啊，我當堂嚇一跳。我想了解清楚，從長計議，唔係就得啖笑。」
「果時我喺英格蘭國家隊培育幼齒，非常有趣，係我想做嘅野。所以當羅渣士搵我時，我用咗兩個禮拜搵人叫我唔好。我搵唔到，所以黎咗利物浦。」
「我好興奮。一直以黎，我都覺得利記有佢嘅傳統同歷史。人人都係咁講。不過親身體驗又係第二件事。季前熱身賽去咗澳洲，我喺地球嘅另一邊見住利迷一窩蜂支持球隊，覺得好正。」
奧斯高踢過富咸，當年司職中場。佢喺低組別聯賽教波超過廿年，教過般尼茅夫、唐卡士打、告魯尼、諾定咸森林同布里斯托城，然後舊年九月執掌英格蘭青年軍。
羅渣士教英冠屈福特嘅時候已經同佢交過手。兩年前，羅渣士講起英國教練都可以擺陣進取：
「我唔同意呢位小姐嘅講法。你可以睇下奧迪斯高，佢喺我遇到過最好嘅教練之一。佢教隊波行雲流水、技術細膩、熱情奔放、創意無限，燃點起我羅渣士心中嘅一團火！不過，佢未試過有機會喺頂級聯賽發展，可能永遠都唔會有。」
奧迪斯高依家先知有件咁嘅事，但佢唔同意自己大器晚成。
「我成日有好高嘅期望，而唔係目標。」
「我冇追開新聞，冇睇羅渣士講啲乜，」佢咁講。
「我遲入行，廿二歲先踢職業波。因為由細到大，冇人同我講『波，笨唔係咁踢架』──冇人同我講應該要點踢。所以我開始足球時，理解方式同人有好大分別，直到今日都喺咁。」
「做球員時，我成日問『典解既，典解會咁既』，問點解要做呢啲、果啲，咁我先明白佢地想我點。」
「我每日都搏盡。我有好高嘅期望，而唔係目標。啲人同我講目標好重要，但好多人只係得把口。」
「例如咁講，如果你想做皇馬領隊，咁點解你唔走去學西班牙文？齋噏唔係秘笈。好多人話我想做呢個、果個，最尾半途而癈。」
「想唔想做英超領隊？冇諗過。無論去到邊，我只會專注眼前，保持跑姿平穩，咁樣最有動力。你問我，我有冇搏盡？有。今日輸咗，俾心機加快步，聽日就會贏返。做人最緊要踏實。」
「羅渣士想我挑佢機，有野就講，有屁就放。」
羅渣士睇中奧迪斯高務實嘅態度，而呢位新任副帥亦唔喺老不中用，佢相信自己會帶俾球隊唔同嘅觀點。
「我認為羅渣士想我挑佢機，有野就講，有屁就放。」
「例如，呢份數據講乜，呢段影片講物，呢個球員識得做乜。」
「我要嘅職責係發揮球隊嘅資源同潛能，唔係指指點點。其實唔難。但係要好小心，要識得尊重人。比著係我，我都唔想有個人行入黎，就叫我做乜做物。咁樣做唔到野。」
「我同好多利物浦員工都傾過計，問佢地有咩期望。」
「我未試過喺呢個級數工作。當我行入球會時感覺好新鮮，我有諗過英超係點，但原來一啲都唔同。」
「英超係一個花花世界，裡面睇唔到外邊嘅野。你有好多錢，有好多野係第二度做唔到。你有世界上最好嘅球員──有啲態度唔係咁好。所以最重要係管理。」
「班仔全部好有天份，如果唔係都唔會踢英超。問題係佢地好疊水，好有性格。當你要球員動下腦筋，學啲新野，佢地會諗：『我有錢又咁叻，做乜要聽你講？』而我就要教好佢地。」
「咁多年黎，我每事都會親力親為。人人都想成功，不過最重要係落手落腳去做，去到邊都係咁。」
＊＊＊＊＊＊＊＊＊＊＊＊
原文：http://www.liverpoolecho.co.uk/sport/sean-odriscoll-liverpool-fc-boss-9868285
譯：元朗謝四＠球迷會文學部
請按此登錄後留言。未成為會員? 立即註冊