10個答案我估最少6個會答恩沙基
年輕一代可能只知恩沙基係一個已經被AC米蘭炒左的領隊 , 但唔知他球員時期的威水史。
簡單點講 , 他勁之處 , 就在於他唔勁 ! 卻偏偏入到你波 , 他入球後一定擘大口慶祝至今仍難忘。
他跑唔算快 (但起步個下 , 轉身個下都幾快) , 跳唔高 , 控波唔勁 , 扭波尼斯達可能都勁過佢 , 傳波也一般 , 你好難睇到佢帶住波傳波比對友 , 但他有一樣野勁 , 叫走位。 另外他在接波 (呢個其實又係另一個學問) , 射波我認為也是一流的。
http://stream1.gifsoup.com/view5/3239685/inzaghi-goal-o.gif
接波同射波其實可以係兩樣野 , 也可以兩樣野變為一樣野 ------ 接球後立刻射/頂/挑 何謂一流 ? 最重要當然是入 , 否則只能如基奧特般抱頭傻笑。
同樣 , 我相信睇緊呢篇文的你 , 應該也有不少是有踢波的。 對我而言 , 足球場上踢前鋒我認為是最難 , 由其是站位中間 。 因為好多時你個頭都是頭向後身在前 , 頭向右身向前等...... 到你見到波傳埋黎再跑時 , 可能已慢了。 點樣適當的時間出現在適當的位置。是一個大大的學問 , 因為還有越位呢樣野。
我認為做前鋒 , 射波可以練到,死球可以練到,傳波,扭波, 斬波也可以練到 , 唯獨走位我認為是真的靠實戰經驗累積 , 非口頭講或用書講就黎學到領會到。
恩沙基外號雞王 , 主要是因為他執雞出名 , 但我認為他仲有一雞勁 , 就是偷雞 , 在隊友準備傳波的一刻身體已準備跑動 , 他可能係根據隊友的速度和腳法,位置等黎預判。
http://stream1.gifsoup.com/view1/3754586/pippo-inzaghi-o.gif
但當然偷雞 , 也不一定成功 , 失敗的後果是越位 , 失去一個進攻機會的同時讓對手得到一個進攻機會。 但唔好講10次 , 5次嘗試只要1次讓他偷雞成功,後果可大可小。
http://stream1.gifsoup.com/view5/4464473/inzaghi-liverpool-2007-o.gif
講恩沙基仲有一樣野不得不提的是 , 他留長頭髮係靚仔好多。短髮的他真係好似奧尼華拉。
我心目中其他走位好的前鋒還有 , 荷蘭國家隊史上第一和第二的射手Van persie 和 Huntelaar 。
作為阿仙奴球迷 , 前者我由邊鋒睇到他轉為正前鋒 , 除入球外更負責組織進攻等 , 到後期以接應傳球,射球的禁區射手。 在阿仙奴的最後一季表現 , 完美的詮釋 接波>射波>入波 , 把握很難得的機會。 他同恩沙基的分別在於個人控球和扭波上有一定技巧 , 可以自已"搵食"
http://www.photos-albums.com/van-persie-volley-id-k0kYg0D.gifhttp://gtcrea8.com/wp-content/uploads/2014/06/Football-40.gifhttp://thepeoplesperson.com/wp-content/uploads/2013/01/robin-van-persie-manchester-united-liverpool-goal.gif
Hunter 可貴之處在於他位置是正前鋒 , 不能拉邊 , 可跑位的位置少了不少。 第一次留意他是柏金的紀念賽,阿仙奴對阿積士 , 他一球頭球 , "咁都可以攝到位?" 令我印象難忘。 隨後他轉會皇馬,AC,04等也有留意他的表現。
和恩沙基比 , 他算是一個減速版恩沙基 。 但在三大聯賽乃至國家隊也有一定表現。
http://media.balls.ie/uploads/2012/10/hunter.gifhttp://giant.gfycat.com/CheapSpiritedDingo.gif
其他印象深刻還有好多 , 如雲佬 , 大米 , 魯爾等 , 新一代比較值得留意的有小豆還有新加盟聖人的西班牙國腳前鋒Juanmi等
http://images.rapgenius.com/da6fe43e6edd8e3089bcf6c9aec979a8.800x450x36.gif
最後我認為一個前鋒走位勁 , 點都要有一班隊友的支持才能發揮所長。 恩沙基當年也多得施多夫 , 雷哥士達 , 卡卡多得這幾位傳球大師的從後支援 ~
請按此登錄後留言。未成為會員? 立即註冊