英超講場 第十四期週報 -- 『打吡有期,但屆時或已失去意義。』

英超講場 於 07/04/2022 發表 收藏文章
北倫敦打吡有期,但屆時或已失去意義
早前就同大家報導左阿迪達同干地隔空用嘴先踢一場打吡前哨戰,而英超官方終於為呢場『補賽』訂左日期啦,兩隊嘅新比賽日子為5月12號,屆時距離收咧就只會得翻十日,以現時呢刻兩隊嘅走勢嚟講熱刺當然近況就好兵工廠唔少,暫時踢多一場同分下壓住對手有得踢歐冠。換言之,係呢個不相伯仲嘅成績下,未來如果兩隊係對碰前稍有差池的話,歐冠席位隨時係呢場北倫敦打吡前就已經有分曉,到時打吡嘅意義就會少左一層。順帶同大家預告下兩隊未來嘅硬仗,而阿仙奴搶分嘅難度就比較大,分別要對曼聯,車仔,韋斯咸,係禮拜二晚官方就宣佈埋泰亞尼因傷提早收咧,富安健洋就依然康復當中,中場柏迪就係兵敗水晶宮後都受傷,要接受進一步嘅診斷先知情況。而熱刺無咩傷兵,默契二人組繼續龍精虎猛,賽事上就只不過需要特別擔心利物浦加維拉同李城,字面上再加球隊整體近況去睇我都有少少為阿仙奴感到擔心...
英超官方確認下季將會推行五個換人名額制度
係3月嘅最後時刻,英超終於就下季換人名額發表更新,由下季開始將會正式實施五個換人名額,不再處於平行時空。原本係今季開始前IFA一早提出左建議各國聯賽開始永久實施五個換人名額,但英超呢位球界龍頭係幾隊教練舉腳贊成下亦然特立獨行咁繼續用翻3個名額去開季。而係剛過去嘅各隊年度大會中終於以投票決定來季賽事用翻五個換人名額的制度,後備人數就加到去9個。另外官方亦都宣佈埋轉會窗關鍵日期,分別將會係當地時間6月10號開啟去到9月1號為止。
馬體會搶人失敗,維拉同卡殊完成續約
係過去嘅禮拜二晚維拉正式公佈同後衛卡殊完成續約,同呢位24歲嘅球員續約5年。今季表現穩定同持續性嘅進步令維拉後防都受到得益,球員有傳同馬體會傳出轉會傳聞,更原本指會今夏轉戰西甲,但最終維拉成為贏家,成功留得住佢,為未來球季後防消除一個位置嘅不穩定性。

留言


請按此登錄後留言。未成為會員? 立即註冊
    快捷鍵:←
    快捷鍵:→