林柏特領軍愛華頓又輸一場

林柏特領軍愛華頓又輸一場🥵

週三英超補賽，般尼主場鬥愛華頓嘅護級大戰，林柏特排出4-3-3陣式應戰，前線有李察利臣、卡法路雲同哥頓擔當箭頭應該冇乜問題啦🙌🏻不過係12分鐘哥尼特開角球，哥倫斯係尾柱升起印向遠柱入網，愛華頓落後下積極反攻，6分鐘後安東尼哥頓單人殺入禁區被韋斯活特侵犯，李察利臣操刀射入十二碼🤝41分鐘左閘嘅米哥蘭高係禁區博到艾朗連農踢跌，加盟以來終於第一次做到野，李察利臣十二碼梅開二度👹下半場般尼拒絕降班，57分鐘左路3打2之下仍然能夠推落底線傳中，積洛迪古斯門前撞射追平，最後85分鐘中堅賓葛菲解圍失誤，哥尼特馬上禁區接應傳中撞射破網，最後般尼3比2絕殺愛華頓勝出護級大戰，以24分升上第18位，同愛華頓只差1分🤣
林柏特領軍12場輸8場，聯賽2勝7敗，好消息嘅係今日能夠11人順利回家，因為之前連續三場都有球員領紅🥴
賽後般尼領隊直接表示：「我半場同球員講，我唔肯定愛華頓識得係客場贏波😧」而睇返數據上林伯領軍12場嘅4場勝仗又真係係主場，而作客就全敗😂未來愛華頓仲有9場比賽，但將要先後面對曼聯、車唔士、利物浦、阿仙奴同兩戰李斯特城，今次真係凶多吉少😵‍💫如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場