球壇老屎忽，你走啦，無人想搞大件事

呢個世界總係充斥住一班老屎忽
佢哋都有以下共通點︰
過晒氣，回晒塘，強調食鹽多過你食米
本港影視圈就有以下三寶


荷蘭叻真係笑話蝗精球壇都唔例外
有唔少領隊早年都建立過相當嘅名聲
但隨住帶領球隊成績下滑
都仲係賴死唔走



腦海係咪即刻出現呢個人呢？


正所謂「方丈份人好小器，淨係識得寫筆記」
想當日挾住世界盃季軍嘅威勢
一招「換龍門」就令曼迷J出血
無諗過LVG除咗黑面、洗錢、寫筆記之外
過去兩年都數唔到有咩豐功偉績

戰術單調、作風保守、我行我素
最吹漲嘅係連最近一班新人表現突出
都要歸功自己肯畀機會人 (明明就係因為傷兵滿營...)
話雖如此，若然曼聯喺歐霸同足總盃都有好成績
聯賽又前四完成的話
呢季任務都總算勉強合格

另一位球壇老屎忽就更加人見人憎麥卡倫最為人熟悉嘅「成就」
當然就係帶領英格蘭國家隊缺席08年歐國盃決賽週
儘管佢教米杜士堡同川迪時都嚐過捧盃滋味
都無法掩蓋佢連諾定咸森林、打比郡都教唔掂嘅事實

而最令人摸不著頭腦嘅係點解去年夏天仲可以得到紐卡素嘅垂青？
又點解洗咗七千萬鎊，球隊排緊尾二仲未炒得？

呢個問題，或者就好似我哋望住一眾高官同議員咁
都會諗︰點解呢條友可以乜都唔駛/識做，仲有得笑騎騎出糧？


-----------------------------這是分隔線-----------------------------


撰稿之時，正值歐霸首回合開波前
即管睇下高普可唔可以幫曼迷手推LVG落馬
另外，又有sky sports嘅料話肥賓即將走馬上任紐記領隊
但願一覺醒來，老屎忽不再存在