第15輪英超非Big 6對決推介: 富咸 vs 修咸頓

非Big6看英超 於 25/12/2020 發表 收藏文章
你覺唔覺你撐嘅Big 6球隊今週sure win唔洗睇? 想唔想轉下睇冇Big 6嘅比賽? 兩隊非Big 6對決紛紛中仲精彩過你隊Big 6輕取人地,邊個話冇Big 6就冇話題。

今週推介富咸 vs 修咸頓。富咸近況好返,開季時成日俾人強姦嘅防線總算執得好少少,因為領隊柏加(Scott Parker)放棄上季嘅傳控式打法,疊埋心水踢三中堅踢防反,近5場總算拎到6分,包括踢得好過利物浦之下被逼和。修咸頓承接上季尾強勢,成為今季3隊意料之外嘅強隊之一,雖然繼續冇丹尼艾格斯(Danny Ings),但另一個前鋒查阿當斯(Che Adams)表現日漸成熟,加上仲有隊長禾特包斯(James Ward-Prowse)嘅美炒死球,仍然有本錢嘗試爭歐戰。


今次好睇嘅地方係唔入嘅攻勢應該會幾多。首先,兩隊戰術打法明顯係相反,主隊縮後等機會,客隊就打壓迫,就咁睇應該富咸機會會多d,而成場波嘅狀況會係修咸頓大部分時間拎住波,富咸就縮喺後面,搶到波就長傳上前面突襲,但如果要睇咁完美嘅壓迫足球同防反足球對碰都係睇返上個禮拜場利物浦對熱刺啦。

場波嘅實際狀況係:富咸雖然打多咗個中堅,但只可以幫助防守果陣有多個人用從而少咗失球,但後防用波能力差依然冇改善,雖然柏加放棄咗控球在腳,但冇放棄到由後場猜上(亦都係世界大勢),而富咸d中堅雖然已換過曬,但用波始終都係麻麻,對住哈辛赫圖隊最重視逼搶嘅修咸頓,猜猜下波猜失絕對唔奇,不過富咸轉陣之後勝在人多,就算真係猜失,只要仲夠人補位,都不至於一定會失波,所以喺比賽前半段應該會出現富咸俾修咸頓偷到波然後製造到攻勢,至於入唔入到波就好睇富咸當時夠唔人同埋修咸頓前鋒嘅把握力啦。

至於球場嘅另一邊,就係富咸喺修咸頓組織果陣偷到個波然後揾食嘅地方。由於要轉打防反,所以原本用嚟打組織陣地戰嘅球員,例如米特羅域(Aleksandar Mitrovic)同簡尼(Tom Cairney),因為速度唔夠卡華里路(Ivan Cavaleiro)、路夫度斯卓克(Ruben Loftus-Cheek)快,所以擺咗落後備。不過卡華里路本身唔係踢開箭頭,把握力認真麻麻,而米特羅域同簡尼可以講係全隊富咸最好射術果兩個,唔用佢地埋門一腳實會差d。所以富咸雖然近況好咗,但近5場都只係入得4球,出卡華里路就有反擊冇埋門,出米特羅域就做唔到反擊,可能間唔中有得組織下就會有機會俾佢,雖然執得返防守嘅同時攻擊就被犧牲咗。不過咁都唔代表富咸輸緊,因為修咸頓嘅逼搶戰術最致命弱點係去到尾段體力下降,到時富咸可以更加容易偷到波,運上前場果陣阻撓會冇上半場咁大(哈辛赫圖好少會下半場換中堅),所以下半場富咸機會會多返d,把唔把握到就要睇下到時埋門果個係邊個啦。

當然仲有另一個好睇嘅地方,就係禾特包斯嘅死球啦,不論直射定斬埋去都一定有威脅,話唔定咁好彩又俾佢直射入網呢。

今場波有另一個變數,就係富咸領隊柏加要隔離所以要遙控帶隊,唔知可唔可以幫到隊波呢?之前莫耶斯都因為中咗所以要遙控帶隊,結果果輪韋斯咸雖然處於地獄賽程但都係咁贏,話唔定柏加今次又係咁呢。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→