你覺唔覺你撐嘅Big 6球隊今週sure win唔洗睇? 想唔想轉下睇冇Big 6嘅比賽? 兩隊非Big 6對決紛紛中仲精彩過你隊Big 6輕取人地，邊個話冇Big 6就冇話題。
今週推介愛華頓 vs 韋斯咸。兩隊只差6分，喺而家形勢咁亂之下，兩隊雖然相差6位，但表現絕對冇太大差距。不過論近況就有極大差別。愛華頓改踢4中堅陣後聯賽取得4連勝，克服早前冇占士洛迪古斯(James Rodríguez)後嘅問題。韋斯咸失去馬蘇亞古(Arthur Masuaku)後，由季初3中堅陣式改踢4後防陣式，加上輪換之下，結果近4場3和1負。
作為2021年第1場英超，今場看點在於兩隊嘅把握力。愛華頓在冇咗占士洛迪古斯之後，近期改踢4-2-3-1，施格臣(Gylfi Sigurdsson)回到最擅長嘅10號位，總算解決咗失去占士洛迪古斯後對卡維利雲(Dominic Calvert-Lewin)供應不足嘅問題，但當然冇開季果陣咁好咁順，始終施格臣已經喺顛峰回落緊。另一方面，而家個4-2-3-1嘅4係全部4個中堅，葛菲(Ben Godfrey)同賀基治(Mason Holgate)雖然話就話係踢左右閘，但始終佢地係踢開中堅，所以壓上疊瓦助攻嘅意識冇一般閘位球員咁高，一方面咁樣即係進攻果陣邊路少咗個人幫手，從而減弱咗組織力，另一方面因為後防長時間有4個人，所以韋斯咸好難揾空位，變相兩隊嘅組織力都會因為4中堅陣式而減低。
韋斯咸除咗莫耶斯最擅長嘅九九八十一斬外，今季亦多咗保雲(Jarrod Bowen)、科拿斯(Pablo Fornals)等翼鋒邊路突破另一範，不過感覺上近幾場轉陣之後冇之前踢3-4-3咁防守性，所以進攻/反擊果陣冇之前咁多空位俾翼鋒爆，變咗得返招九九八十一斬同埋死球，某程度上係韋斯咸近況差嘅原因。而家馬蘇亞古未出得，相信韋斯咸都會繼續用返4-2-3-1。但近幾場放落10號位嘅盧保(Mark Noble)同蘭仙尼(Manuel Lanzini)好似之前坐凳坐到硬曬咁，唔係幾組織到，擺賓拉馬(Saïd Benrahma)的話，佢又似乎啱踢邊路多過中間，以致10號位昵個重心位置唔可以俾到足夠供應前面。如是者韋斯咸都係唯有靠返九九八十一斬。
喺兩隊同樣得最強時7成而要轉陣下，就更加睇兩隊前鋒嘅把握力。就咁睇今次嘅較量應該會好悶，但兩隊正正都有把握力強、識入波嘅前鋒，先令場波有嘢睇。愛華頓有卡維利雲，韋斯咸有安東尼奧(Michail Antonio)。卡維利雲今季喺占士洛迪古斯受傷同埋李察利臣(Richarlison)間唔中停賽或者受傷期間，可以話係支撐住成隊嘅進攻命脈，而佢嘅射術同把握力亦比以前大有進步，至今已經入咗11球，相信佢狀態咁好，就算機會少都唔洗太擔心。至於韋斯咸，安東尼奧上場後備復出，今場應該會打返正選。韋斯咸上季就係全靠安東尼奧季尾把握力好大爆發，先比其他護級球隊更加輕鬆護級成功。雖然佢啱啱傷完狀態未必十足，但點都會好過用賀拿(Sébastien Haller)，今場應該可以把握到少之有少嘅機會。至於韋斯咸嘅另一着—九九八十一斬，筆者覺得面對愛華頓密麻麻嘅防守，雖然韋斯咸有蘇捷(Tomas Soucek)昵個新費蘭尼，但就算俾佢或者其他人頂到都會因為俾人睇到實所以未必可頂得夠應而對龍間造成好大威脅，不過莫耶斯勝在斬得夠多，話唔定有一次蘇捷或者安東尼奧冇俾人睇得咁緊可以搞得掂。
另一個好睇嘅地方就係係中場。兩邊嘅中場：杜哥利(Abdoulaye Doucouré)、懷斯(Declan Rice)同蘇捷，搶斷能力都好強，覆蓋範圍又夠大，所以到時應該會包到好多波。由尤是兩隊d組織力都唔係最佳，被截波嘅情況會成日出現，所以應該會有一定嘅key inteception。除咗欣賞美妙嘅攻勢外，一d美妙嘅攔截瓦解到攻勢亦都係十分之精彩。
想知道更多英超英冠消息歡迎like我地嘅page: https://www.facebook.com/leagueinengland
今週推介愛華頓 vs 韋斯咸。兩隊只差6分，喺而家形勢咁亂之下，兩隊雖然相差6位，但表現絕對冇太大差距。不過論近況就有極大差別。愛華頓改踢4中堅陣後聯賽取得4連勝，克服早前冇占士洛迪古斯(James Rodríguez)後嘅問題。韋斯咸失去馬蘇亞古(Arthur Masuaku)後，由季初3中堅陣式改踢4後防陣式，加上輪換之下，結果近4場3和1負。
作為2021年第1場英超，今場看點在於兩隊嘅把握力。愛華頓在冇咗占士洛迪古斯之後，近期改踢4-2-3-1，施格臣(Gylfi Sigurdsson)回到最擅長嘅10號位，總算解決咗失去占士洛迪古斯後對卡維利雲(Dominic Calvert-Lewin)供應不足嘅問題，但當然冇開季果陣咁好咁順，始終施格臣已經喺顛峰回落緊。另一方面，而家個4-2-3-1嘅4係全部4個中堅，葛菲(Ben Godfrey)同賀基治(Mason Holgate)雖然話就話係踢左右閘，但始終佢地係踢開中堅，所以壓上疊瓦助攻嘅意識冇一般閘位球員咁高，一方面咁樣即係進攻果陣邊路少咗個人幫手，從而減弱咗組織力，另一方面因為後防長時間有4個人，所以韋斯咸好難揾空位，變相兩隊嘅組織力都會因為4中堅陣式而減低。
韋斯咸除咗莫耶斯最擅長嘅九九八十一斬外，今季亦多咗保雲(Jarrod Bowen)、科拿斯(Pablo Fornals)等翼鋒邊路突破另一範，不過感覺上近幾場轉陣之後冇之前踢3-4-3咁防守性，所以進攻/反擊果陣冇之前咁多空位俾翼鋒爆，變咗得返招九九八十一斬同埋死球，某程度上係韋斯咸近況差嘅原因。而家馬蘇亞古未出得，相信韋斯咸都會繼續用返4-2-3-1。但近幾場放落10號位嘅盧保(Mark Noble)同蘭仙尼(Manuel Lanzini)好似之前坐凳坐到硬曬咁，唔係幾組織到，擺賓拉馬(Saïd Benrahma)的話，佢又似乎啱踢邊路多過中間，以致10號位昵個重心位置唔可以俾到足夠供應前面。如是者韋斯咸都係唯有靠返九九八十一斬。
喺兩隊同樣得最強時7成而要轉陣下，就更加睇兩隊前鋒嘅把握力。就咁睇今次嘅較量應該會好悶，但兩隊正正都有把握力強、識入波嘅前鋒，先令場波有嘢睇。愛華頓有卡維利雲，韋斯咸有安東尼奧(Michail Antonio)。卡維利雲今季喺占士洛迪古斯受傷同埋李察利臣(Richarlison)間唔中停賽或者受傷期間，可以話係支撐住成隊嘅進攻命脈，而佢嘅射術同把握力亦比以前大有進步，至今已經入咗11球，相信佢狀態咁好，就算機會少都唔洗太擔心。至於韋斯咸，安東尼奧上場後備復出，今場應該會打返正選。韋斯咸上季就係全靠安東尼奧季尾把握力好大爆發，先比其他護級球隊更加輕鬆護級成功。雖然佢啱啱傷完狀態未必十足，但點都會好過用賀拿(Sébastien Haller)，今場應該可以把握到少之有少嘅機會。至於韋斯咸嘅另一着—九九八十一斬，筆者覺得面對愛華頓密麻麻嘅防守，雖然韋斯咸有蘇捷(Tomas Soucek)昵個新費蘭尼，但就算俾佢或者其他人頂到都會因為俾人睇到實所以未必可頂得夠應而對龍間造成好大威脅，不過莫耶斯勝在斬得夠多，話唔定有一次蘇捷或者安東尼奧冇俾人睇得咁緊可以搞得掂。
另一個好睇嘅地方就係係中場。兩邊嘅中場：杜哥利(Abdoulaye Doucouré)、懷斯(Declan Rice)同蘇捷，搶斷能力都好強，覆蓋範圍又夠大，所以到時應該會包到好多波。由尤是兩隊d組織力都唔係最佳，被截波嘅情況會成日出現，所以應該會有一定嘅key inteception。除咗欣賞美妙嘅攻勢外，一d美妙嘅攔截瓦解到攻勢亦都係十分之精彩。
想知道更多英超英冠消息歡迎like我地嘅page: https://www.facebook.com/leagueinengland
請按此登錄後留言。未成為會員? 立即註冊