曼聯轉會窗動向: 中堅篇

曼聯陣中既主力中堅，無論係麥佳亞、連迪路夫，定係啱啱續約既拜利，似乎都唔足以令教練同球迷安心。因此，喺今個轉會窗，曼聯都同好幾位中堅扯上關係。嚟緊落嚟，筆者就會同大家介紹下幾個傳聞收購對象。

華拉尼
- 現效力球會: 皇家馬德里
- 年齡: 28
- 身高: 191cm
- 國籍: 法國
- 身價: >4000萬鎊
- 技術特點: 速度快，轉身敏捷，剷波攔截清脆利落，但位置感稍弱
已經效力左皇馬十年既華拉尼，合約將於下年6月屆滿，但傳聞一直指佢有意離隊尋找新挑戰。不過曼聯想簽佢既話，仲要面對車仔同PSG既競爭，加上皇馬叫價應該唔低，唔知曼聯會唔會因而卻步。

高迪
- 現效力球會: 西維爾
- 年齡: 22
- 身高: 180cm
- 國籍: 法國
- 身價: 未知，違約金6800萬鎊
- 技術特點: 擅長1vs1防同爭頂，位置感強，慣常出迎截擊對手傳球，但落剷略嫌唔夠準繩
早喺今年3月，已經有傳曼聯對西維爾中堅高迪虎視眈眈，不過曼聯暫時未有計劃支付高昂既違約金去買斷呢位後防新星。呢宗交易可唔可以達成，視乎西維爾願唔願意減價放人。

賓韋治
- 現效力球會: 白禮頓
- 年齡: 23歲
- 身高: 185cm
- 國籍: 英格蘭
- 身價: >2500萬鎊
- 技術特點: 踢法硬朗，擅長man mark同出迎截擊對手，但制空能力唔夠強
今季白仔喺白禮頓可以話係光芒四射。同比賽經驗唔相符既成熟同穩陣，令佢成為英超炙手可熱既後防新貴。早前有傳麥佳亞希望揾一個識講流利英文既新拍檔，唔知呢位英人又夾唔夾曼聯心水啦。不過逢係英人都會坐地起價，大家都明架啦，要買佢都唔簡單呀。

柏奧托利斯
- 現效力球會: 維拉利爾
- 年齡: 24
- 身高: 191cm
- 國籍: 西班牙
- 身價: 未知，違約金4340萬鎊
- 技術特點: 踢法簡單直接，慣常盡快解圍去消除對手威脅，制空能力強，擅長搶點同爭頂，長傳都唔錯，但較少落剷同準繩度唔高
西甲另一個備受關注既後防球員。曾經傳出皇馬對柏奧托利斯都好有興趣，但礙於自身財政問題而放棄收購佢。曼聯一路都希望尋求穩健既後防大將去分擔麥佳亞既防務。仲有，慣用腳係左腳既佢，應該都幾吸引曼聯。

受制於沉重債務同經濟不明朗因素，曼聯未必可以好似往年咁一擲千金咁買入所有心儀對象，取而代之既，相信會係針對性補強。筆者認為，買一個新中堅去頂替連迪路夫，都係一件好事。唔知最後到底係曼聯定傳曼聯成功增兵呢？

————————

中意睇我文章既
記得follow我Instagram @ngsickball