曼聯轉會窗動向: 中場篇

雖然曼聯中場雖然人腳充裕(假設普巴留隊)，但無論係4213定係433陣式之下，好似一路都未砌倒最合適既中場中/防中拍檔人選。上次講完關於曼聯喺中堅方面既傳聞收購目標，咁今次就一於同大家講下中場啦。

卡馬雲加
- 現效力球會: 雷恩
- 年齡: 18
- 身高: 182cm
- 國籍: 法國
- 身價: 未知，違約金8400萬鎊
- 技術特點: 慣常以高強度逼搶同攔截，位置感好好，擅長預判走位去切斷對手傳球路線，傳球同盤扭都唔錯，但身型瘦削同身體對抗性麻麻
年少成名既卡馬雲加，被譽為新生代攻守兼備既中場發電機icon之一，上季鏟波數目仲多過雲比沙卡。雖然佢都表明唔肯續約，但曼聯想簽佢既話，仲要面臨PSG同皇馬既競爭。不過，佢同梳爾係同一個經理人，唔知有冇幫助啦。
迪勤懷斯
- 現效力球會: 韋斯咸
- 年齡: 22
- 身高: 185cm
- 國籍: 英格蘭
- 身價: 韋斯咸暫時企硬8000萬鎊
- 技術特點: 踢法硬朗既純防中，擅長攔截同鏟波，身型高大得嚟唔笨拙，但係速度偏慢喺英超同歐國盃都表現出色既懷斯，受到曼聯同車路士垂青。但韋斯咸一早已經表明唔想放人，同埋相信球員自己都傾向選擇有好兄弟曼治在陣既車仔多d。

沙奧尼古斯
- 現效力球會: 馬德里體育會/傳曼聯
- 年齡: 26
- 身高: 184cm- 國籍: 西班牙
- 身價: 未知
- 技術特點: 踢法聰明，中意組織攻勢，擅長攔截同喺關鍵時刻奪回控球權以轉守為攻，控球同護球能力都唔錯
曼聯好多年前同佢都已經扯上關係。本身有傳今個轉會窗馬體會同巴塞會交換沙奧尼古斯同基沙文，但雙方喺交易上出現好多分歧。除左曼聯之外，利物浦對佢都有興趣。

筆者心水: 加雲菲臘斯
喺英超同歐國盃都表現出色，攻守俱佳，box to box同防中都難佢唔倒，長傳唔錯，逼搶同攔截相當有質素。既然曼聯中意買英格蘭同胞，不如考慮下呢個啦。

蘇斯克查喺備戰季前熱身賽既時候提到，曼聯來季將會採用單防中，去提升中場進攻同創造力。相信曼聯希望羅致既，係anchorman類防中球員，而唔係box to box。球員既防守能力，將會係買人既決定性因素。難得曼聯喺今個轉會窗終於唔做deadline fighter。究竟係高開低走，定前中後場都可以順利增兵呢？

————————

中意睇我文章既
記得follow我Instagram @ngsickball