歐聯8強首回合 利物浦對曼城 賽後短評

足球理性分析 於 05/04/2018 發表 收藏文章

利物浦打法真係曼城既剋星?同上場利物浦贏4:3一樣...咪住!唔一樣!利物浦領先之後並無急於進攻數多幾球,今次真係有汲取教訓,先穩守,再突擊,成功零封曼城。見到J.Milner到90分鐘仲主動壓迫對方,佢用緊既已經唔係體力,係意志力。

相反,以為曼城經過上一場會汲取教訓,點知原來無。曼城既防守面對利物浦快夾兇既反擊仍然顯得手足無措,入完一球,氣都未回又被入多球,神都未回又入多球,同上場短時間內輸三球一模一樣。但今次係一開波就輸,之後大把時間比利物浦回氣。要對付曼城始終都要直接攻佢後防,引爆炸彈?

正選唔出Sterling其實都正路,因為Sterling對上幾場倒戈利物浦表現都係麻麻,但左閘仍然用番Laporte就有d奇怪,可能因為想防守Salah而搵防守力較強既Laporte...唔可以話Laporte守得差,但確實俾左機會Salah整造麻煩,而Laporte進攻上唔係幾幫到手係事實。

然係用Gündogan更加奇怪,我係有d唔明Gündogan既定位係乜?因為進攻時D.Bruyne墮得較後,係組織既起點,Gündogan反而推上一格打番D.Bruyne平時打既位置,究竟想佢進攻定點?想加強番中場厚度又唔見太大成效,仲令到D.Silva同D.Bruyne有d混亂。好老實成場比賽都唔係幾見到Gündogan,下半場被換走亦都好合理。

下半場曼城重奪主導權,大部分時間控球在腳,利物浦變得被動只能靠零星反擊威脅曼城,但作用不大。

Salah下半場初段既傷出反而令利物浦有藉口玩穩守,唔需要對反擊有太多期望,專心守住3球更好。雖然話穩守,但對住火力強力既曼城咁易守咩?無左反擊力其實都算冒險,都係希望用血肉長城去頂住曼城攻勢,利物浦做得非常好。之後高普陸續換入後備球員俾主力休息應付週末打吡之餘,仲可以加強活力繼續防守。Solanke一入場無耐就爭d搶到一球番黎。

哥迪奧拿永遠只有1個plan,換人真係換人不換戰術,當然係信心既表現,但攻唔入時就需要planB。你可以話係輸打贏要,不過結果最重要。

今場利物浦大勝3球,而且無失到作客入球,但都唔可以放鬆,始終對手係曼城,番到曼城主場,曼城絕對有能力一場轟多過3球。季初利物浦就被曼城大炒過5球(雖然當時利物浦人腳尚未融合),所以揸住3球都唔係穩陣,睇下上季既PSG...

最最後Salah既傷當然係大家最關注,同埋Henderson下場停賽,Can能否復出又係關鍵

#理性分析 #歐聯 #利物浦 #曼城 #完勝

如果喜歡我們的文章,請即分享到︰

標籤: 歐聯  利物浦  曼城  

留言


請按此登錄後留言。未成為會員? 立即註冊
    快捷鍵:←
    快捷鍵:→