傳媒曝費蘭尼係曼聯9大巨星後的後備人選 精選

夏季轉會窗已經關閉，而曼聯亦成功收購咗爆炸頭費蘭尼，但似乎一眾傳媒都唔放過曼聯，有關佢哋今夏新聞繼續報導，更揚言曼聯今夏已經先後求購過9大中場巨星，他們分別是艾簡達拿、法比加斯、摩迪、史奈達、迪羅斯、桑馬達、奧斯爾、靴里拉同基迪拉，但卻一一遭到拒絕，最終曼聯先到買費蘭尼。

伊斯高和巴爾加盟皇馬，令仍佢哋今夏軍心不穩，阿仙奴就係憑呢個機會簽入奧斯爾，而曼聯亦看準機會，但英國《郵報》同《鏡報》同時披露，曼聯晌最後時刻出價3400萬報價買入基迪拉，但被皇馬馬上拒絕，基迪拉對呢件事就晌慕尼黑嘅德國國家隊新聞發布會上講喇，「皇馬拒絕咗一份報價，就係咁簡單。我同球會根本無去討論過嗰出價，事關我同安察洛堤幾周前先講過，我好清楚我會留低，球員根本無能力影響天價轉會費，皇馬的確拒絕了曼聯報價，對此事我感到好高興。」

至於另一邊相，土超加拉塔沙雷亦向國內報紙《國民報》表示，曼聯曾出價買史奈達：「兩個禮拜前，史奈達收到一份報價，份報價嚟自曼聯，但球會亦無接受。幾家球會都對史奈達有興趣，但我哋希望留住佢。」

數下數下，先後出價艾簡達拿、法比加斯、摩迪、史奈達、迪羅斯、桑馬達(報復對手出領買朗尼而出價買馬達)、奧斯爾(表示因莫耶斯魅力不及雲加而被拒)、靴里拉同基迪拉，全都被拒絕，最終買了費蘭尼，一眾傳媒認為由7月拖到9月2日先買到費蘭尼，係因為晌莫耶斯心目中，費蘭尼係上述9大中場巨星嘅替補，只因佢哋全都唔加盟，令曼聯先下決心買入呢名比利時中場，所以就算多付咗400萬鎊轉會費。報導更指出，讓曼聯球迷更擔心嘅係，上述9大巨星之所以拒絕曼聯，很有可能係因為如今曼聯唔再係費SIR教，而莫耶斯嘅影響力，充其量只能打動舊部下。 就算實情點都好，作為曼迷，我都會支持爆炸頭!!!!

而晌轉會窗關閉後，曼聯宣佈今夏第三簽，由瑞士蘇黎世簽入17歲後衛贊高 (Saidy Janko，佢將會先同曼聯青年隊一齊訓練。