利雲度夫斯基加盟拜仁在即？未必！ 精選

爵爺對蜜蜂仔利雲度夫斯基虎視耽耽已經唔係秘密，加上周中歐聯漂亮地上演大四喜擊潰皇馬之後，呢位鋒將已經成為費格遜的首要收購目標。英國《太陽報》和《郵報》同時披露，爵爺已經下達命令，曼聯必須盡全力收購呢位年僅24歲的蜜蜂「刺針」，不過成功率好似唔大，因為有拜仁攔路！
利雲度夫斯基：去拜仁定去曼聯好？香川：你話呢？？
《太陽報》披露，曼聯打算付出2800萬鎊轉會費，外加20萬周薪，組合成5年合約的package誘使多蒙特將利雲度夫斯基轉讓紅魔。不過多份報章都報導，拜仁新主帥哥迪奧拿已經先下命令，必須將葛斯及利雲度夫斯基買斷。而其經理人亦直言，佢哋已經同一間球會達成協議，會在今夏離開蜜蜂軍團。《郵報》亦大膽預測曼聯已經無法買入呢位新星，拜仁成功收購佢的呼聲高唱入雲。

不過筆者自己就持相反的意見，認為只要爵爺有心，利雲度夫斯基好大機會於今夏加盟。原因在於自馬里奧葛斯加盟拜仁的消息曝光之後，好多蜜蜂粉絲已經大為不滿，認為球會將自己的重要資產送俾爭標對手，係傷己利敵的行為。如果再將鋒線的大將交付拜仁，一來無法平息民憤，二來與拜仁的距離亦會進一步拉遠。好不容易才奪下的德甲二連冠，今季已經被拜仁「斷纜」，實在無理由再削弱自己之餘加強對手。不過情況係利雲度夫斯基去意已決，如果唔賣俾同聯賽的球隊，就只有送佢去其他地方。於是，曼聯就成為接收利雲度夫斯基嘅最好地方了。而賣佢嘅大筆轉會費，亦可以為多蒙特增加買入新球員嘅資金。再加上香川真司身在曼聯，話唔定會做說客，同佢講去曼聯有幾好。如果你係多蒙特的話事人，應該都知點做喇掛？
跟我去拜仁啦！但係我哋等緊你噃！