鶴臣：朗尼係英軍副隊長！ 精選

上一仗英軍對戰聖馬力諾時，由朗尼穿起隊長臂章，佢就話自己好光榮，感到好自豪喇，不過睇嚟呢個自豪陸逐有來噃！皆因英軍統帥鶴臣話，朗尼係英軍嘅副隊長，只要神奇隊長有咩頭暈身興，就會由朗尼領導群獅！

佢咁講：「朗尼係我英軍隊長人選入面嘅第二人，呢個係好清晰嘅。我知林柏特已經歸隊，佢做過隊長亦可以勝任，不過我心頭好仍然係朗尼。當然首選仍然係謝拉特啦。朗尼對英國的國際比賽非常上心，佢好自豪，亦極為重視每場英軍比賽，呢個對我哋每個人而言都係好事。更重要嘅係，呢個堅持帶出咗最好狀態嘅朗尼。我剛剛執掌時朗尼仍未係最好，未夠銳利，不過今時今日佢已經變得好出色。我非常希望佢keep住身體狀況，健康又fit咁打好英軍同曼聯嘅比賽。」
朗尼：隊長喺邊呢？
對於朗尼，鶴臣相信佢已經成熟同冷靜咗好多，由佢呢兩年嘅紀律就見得到，真係牌都唔多張！(除咗一張國際賽領紅之外)而鶴臣講到隊長嘅條件，紀律當然重要，不過更重要嘅係成隊人都尊重佢、聽佢話，同可以保持穩定狀態。呢啲條件朗尼全都俱備，所以佢已經係副隊長嘅不二之選。雖然，國際賽規矩中係無副隊長呢個位置，亦唔需要上報，不過都唔緊要啦！鶴臣都講到明神奇隊長唔得就朗尼上，有君子一言，仲怕咩噃！
http://www.youtube.com/watch?v=AYHNj_fpNUg不妨睇睇隊長點入波啦！