哥迪奧拿拒絕米蘭合約，並聲稱願意到拜仁執教 精選

早係今年夏天就有消息指，岩岩從巴塞羅那卸任既少帥哥迪奧拿將係一年既休息後加盟拜仁慕尼黑，成為德甲巨人既主教練。目前賽季既開局階段已經結束，拜仁主帥軒歷基斯帶隊成績出色，但都得唔到球隊既新合同，似乎拜仁方面係度等哥迪奧拿既表態。近日有消息指哥迪奧拿正係度同AC米蘭傾緊明年執教既事，但係哥迪奧拿既經紀人表示，米蘭既開價已經被拒絕！
哥迪奧拿既經紀人係接受採訪時表示：“我最近一直同AC米蘭接觸，就目前情況黎睇，我可以講俾大家知哥迪奧拿已經拒絕左AC米蘭既一份報價。至於佢出年會係邊到執教，我靜係可以講一切都有可能。哥迪奧拿宜家忙住休息，他唔得閒去考慮呢d野，佢宜家無時間做出關於未來既決定。”有傳AC米蘭開出俾哥迪奧拿既係一份為期4年、年薪600萬既合同。咁同哥迪奧拿今個夏天既表態一樣，睇黎拜仁仍然有機會！
AC米蘭已經開始邀請哥迪奧拿，咁令到拜仁球迷感到好心急。從今年夏天開始，唔少拜仁球迷就將哥迪奧拿當成球隊未來主帥既不二人選。而哥迪奧拿本人都曾經表示過，願意係未來到拜仁執教。好彩宜家哥迪奧拿仲未有做出任何決定，拜仁慕尼黑仍然有機會係出年夏天前搶哥迪奧拿番黎！