落實對聖馬力諾一戰做隊長!!! 朗尼：好自豪

英格蘭周五將會出戰世界盃歐洲區外圍賽對弱旅聖馬力諾，原定國家隊隊長謝拉特呢一場波就停賽；至於副隊長林柏特正受膝傷困擾，肯定無緣上陣，咁就可以話順水推舟令朗尼擔任英軍隊長!!! 計啱啱榮升為第二任老竇之後，再有一單喜訊，絕對係人逢喜事精神爽!!!
朗尼周五將會晌手上多咗一樣嘢——隊長臂章!!!
其實今次唔係朗尼第一次做隊長呀喇，佢晌2009年晌多哈對巴西嘅比賽入面，就已經做過隊長，而今次有咩唔同??? 咪就係今場晌主場出戰囉，又係新訓練使用之後嘅第一場波。對於呢件事，朗尼晌出席記者會時表示：「能夠做到英軍隊長，係我嘅光榮，對於此我感到好自豪。今次我將面對一次重大挑戰，感覺好興奮，希望我今次以隊長身份出戰，可以帶領球隊贏波而回。」
到時朗尼為隊長，記住要不斷提點隊友呀!!!
至於講到今場波對手、世界排名206嘅聖馬力諾，朗尼就話雖然大家都估球隊3分穩袋，但亦警告球隊要專注：「球隊一定要打出自己應有嘅風格，我哋今周都好投入訓練，領隊賽前亦都講清楚佢要咩要求，希望我哋可以做到最好。」

最後朗尼亦話希望場波打啲打，事關呢場波90,00場飛都已經賣晒，來自各地嘅球迷都去到溫布萊支持球隊，於是英軍一定要打場好波嚟報答球迷!!!
朗尼啱啱出席記者會時，被確定係下場波隊長!!