情迷比利時!爵爺親探夏薩特!

曼聯專區 於 14/03/2012 發表 收藏文章
爵爺對西布朗之前一日去咗法國,不過唔係去「課外活動」,而係去咗睇里爾對里昂嘅比賽,而目的都幾明顯:親身睇清楚里爾炙手可熱嘅中場新星夏薩特(Eden Hazard )有無表現!

而夏薩特見到爵爺特登嚟睇佢感到興奮不已,仲話:「我都幾肯定曼聯對我有興趣!呢間球會無論對咩人有吸引力,而且今次仲係地球上最好嘅球探嚟睇你打波,都咪話唔盞!不過當然啦,我仍然係里爾嘅球員,依家一切都係以球會為先!」
我愛你呀紅魔!

不過呢位21歲嘅比利時年輕中場都真係好多人吼住,車仔、曼城唔在講,連列納都話想將佢帶去熱刺!佢話已經留意咗夏薩特幾次,仲同班主講有需要買佢添!唔止,連皇馬都有興趣架,球王施丹都話佢係shopping list嘅首位!不過睇佢嘅反應,好似幾鐘意曼聯咁噃!如果係咁,不如拿拿臨成魔先啦!拍埋卡華利同普巴,就可以組成新一代神奇小子中場線喇!
仲唔係你?我要入魔!
http://www.youtube.com/watch?v=Zai4r5dU9kQ夏薩特夠唔夠好?大家睇下片先評價啦!
標籤: 夏薩特  里爾  

留言


請按此登錄後留言。未成為會員? 立即註冊
    快捷鍵:←
    快捷鍵:→