夏薩特：我下年著藍色波衫 精選

怒！唔通個個同紅魔拉上關係嘅潛質巨星都利字當頭？爵爺心儀快翼夏薩特，仲親自睇佢打波，點知佢一個屈尾十就話自己唔會加盟曼聯！

呢位里爾新星在里爾2:1打敗另一法甲豪門巴黎聖日耳門之後接受訪問，話：「我下年都幾肯定會去英國發展。你問我中意藍色定紅色？兩隻色都係里爾嘅波衫顏色，所以我都中意架！不過下年我就會著藍色波衫喇，百二分肯定係藍色。」
咁急換藍色衫？著飽佢啦
又話打英超，又要著藍色，唔會有人以為佢中意曼聯作客件波衫呀化？咁講得，即係下季唔係踢車路士就係曼城啦！你要去曼城都未必唔係壞事，I hope you bring city a Hazard! (「希望為曼城帶來災厄」，夏薩特的英文名Hazard有災厄、天災之意)

爵爺已經表示，曼城係頂爛市、做壞頭的領頭人，無人可以同佢哋嘅財力比拚，佢哋問過價嘅球員身價都被不合理地抬高，令其他球會根本無辦法買到。結果係點？打個比喻，就係成個街市的菜都被曼城推高價到1000蚊一斤，無人買得起餸除咗曼城自己，最後所有的菜都任佢予取予攜。
呢單已經係天價啦
發展到今日買球員變成奢侈品的情況下，球會只能夠買曼城miss out嘅滄海遺珠，或者依靠青訓產品。伊雲斯、卡華利叫做係成功例子，而普巴就仲係舉棋不定。無計，你啲青訓好，曼城又睇唔上眼，就會有其他球會嚟爭。呢個狀況好唔好？就要睇各位看官自己分析喇…
伊仔要生生性性
日本大國腳又係唔係曼聯的救星？