今晚普巴將會正選上陣!(附普巴影片)

曼聯專區 於 23/02/2012 發表 收藏文章
今晚大大隻嘅18歲神奇小子普巴有機會正選上陣!呢位青年悍將一直被外界睇好,認為是足球超新星之一,不過一直唔肯續約,好似去意已決咁。對佢有意思嘅包括曼城、阿仙奴,仲有老婦人祖雲達斯。當大家都唔想見到普巴離隊他投時,事情好似有轉機噃!
普巴的打法硬朗,被譽為新韋拉

唔覺唔覺普巴已經在過去5場波都以後備身份出現,令人感覺到佢同球會關係越來越好。而爵爺更揚言今仗俾個機會佢正選出陣!不過因為太多球員要操練狀態,好似蘭尼、楊格、小豆、聰明仔、史摩寧同鐘斯咁,可能要好好諗下先排到位俾普巴!爵爺更派出大師兄費迪南同普巴又傾又砌,希望可以說服佢留低:「里奧已經係曼聯的代表人物之一,更重要嘅係佢同年青球員關係好好。呢一刻佢好努力咁同普巴傾緊,因為普巴自己都幾迷失…希望里奧可以幫到佢啦!」
唔好再俾新血流失喇!

筆者就認為佢絕對可以幫到曼聯打出好成績,陣容方面亦好啱佢打:中場以佢同卡華利作重心,卡華利專職較炮、策劃攻勢,普巴司職搶截型中場,瓦解對方攻勢及組織。左右路以蘭尼、楊格為核心,史摩寧、鍾斯鎮守中路防守,達斯華兄弟司左右閘。前面就有朗尼、小豆、韋碧克!你又點睇普巴應唔應該留低呢?
http://www.youtube.com/watch?v=VgyBOwbiTPY大家睇下佢嘅表現先啦!
標籤: 普巴  歐霸盃  阿積士  

留言


請按此登錄後留言。未成為會員? 立即註冊
    快捷鍵:←
    快捷鍵:→