卡華利替朗尼領軍戰歐霸(附上仗精華片段)

今晚的歐霸盃曼聯將於主場迎戰阿積士，帶住上仗的兩個入波應該好好打！不過今仗就會無咗發電機朗尼…唔駛擔心，佢唔係受傷，而係病咗！爵爺講解佢嘅情況時話，其實上星期作客阿積士時佢已經喉嚨痛，食咗藥返而差咗，朗尼成個週末都纏綿病榻架喇，惟有俾佢休息下…今日佢其實返咗嚟操練，不過唔會俾佢打住！星期日對諾域治先出啦！
小豆：今晚我入埋你個份啦師兄！
不過唔出朗尼仲有個卡華利傷癒！爵爺讚佢添呀：「佢叫得聰明仔，真係聰明過人！佢轉數超快，令佢嘅傳波都因此增值！上次上陣60分鐘打得好好，希望今仗可以打足啦。大家都擔心咗中場人腳問題好耐，依家有卡華利就唔駛驚喇！我認為佢係未來英軍的重要人物，加上史摩寧、鍾斯同韋碧克，咁就完美喇！(全部都係曼聯球員噃！)
好期待你表演！
講返曼聯，中場仲有史高斯、傑斯、卡域克，而安達臣都好快可以出陣！而奧雲都差唔多好哂喇，2星期內就會歸隊！(瀟灑哥：咁我呢…)」訪問入面，爵爺仲大讚文仙尼於迪維斯拒踢事件上處理得宜，如果迪維斯唔道歉曼城全體球員士氣都會受影響，所以文仙尼做得好咁話。呢啲係唔係就叫做英雄惜英雄呢？
文仙尼；咁咪乖囉！http://www.youtube.com/watch?v=jw4qyxC7Sf8大家睇返上次對阿積士的精華先！