雲佩斯:我都要晌「小豆」學習

曼聯專區 於 12/12/2012 發表 收藏文章
費SIR今季簽入雲佩斯,一來當然就係為曼聯晌前線上加強攻力,而尹佩斯亦不負所托,至今16輪英超賽事入面一共射入咗11球,當中仲有幾球係關鍵性入球添…另一方面,費SIR要雲佩斯,相信都希望隊中小將向佢好好學習一下,而雲佩斯可以將佢嘅射術同做前鋒有咩要注意嘅心得,傳到俾小豆同韋碧克…但原來學習呢樣嘢並唔係單方面呵,雲佩斯就話佢都要向小豆學習!!!
兩位一齊互相學習...

小豆今季大多數以後備身份入替,都好有表現,為球隊晌前線入到波,表現唔錯,當雲佩斯被問到有咩會傳俾小豆同韋碧克時,佢就話喇,「唔好咁講,學習係雙方面嘅。例如喇,我好鐘意小豆對足球嘅熱情同投入感,欣賞佢晌比賽同訓練時嘅態度都好認真,不論係場上定離開球場方面….」

「正如佢上兩個星期,佢上陣嘅機會唔係好多,但佢晌GYM ROOM訓練時特別加操,正正呢一種態度,感染到全部隊友!!! 」
小豆咁勤力,點知咁多人鐘意你喇...

「至於韋碧克呢,佢雖然上陣時都唔係打佢擅長嘅位,之但係佢都好努力比賽,因為佢知道球隊需要佢。所以隊中有四位專業前鋒,其實大家係互相影響緊大家,最重要係大家目標一致,做到幫助球隊嘅任務! 」
四位前鋒一齊努力喇,小豆同韋碧克要好好向雲佩斯學習戈術喇,到時曼聯鋒線就真係非常勁!!!

如果喜歡我們的文章,請即分享到︰

標籤: 雲佩斯  小豆  韋碧克  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→