曼聯官方琴日就公佈左2013年夏天既巡迴賽計劃，而第一個地點就係澳洲。紅魔鬼們將會前往悉尼同澳洲明星隊進行一場比賽。呢次係曼聯1999年後，時隔14年响澳洲進行比賽！
今次將會係紅魔鬼第五次去到澳洲比賽，第一次已經要追溯到1967年。而曼聯CEO大衛吉爾表示：“响悉尼比賽同訓練係對球隊備戰2013/14賽季重要一環。好高興可以收到新南威爾斯政府同澳洲足協既邀請，能夠訪問一下去世界最美麗之一既城市。”
大衛吉爾認為球隊每年都安排季前巡迴賽主要係有三個原因：“首先，最重要係球隊能夠為新球季做好準備。而且巡迴賽仲可以令多啲球迷認識我地，仲可以深化同商業合作夥伴既關係。上次去悉尼已經係好多年前，我好期待再次見到澳洲球迷既熱情。”
因為明夏冇歐國盃或世界杯，所以如果唔係有傷既話，全部一線球隊都會前往悉尼，紅魔將會留系悉尼訓練6日，然後就會响7月20日系悉尼ANZ球場同澳超明星隊交鋒。澳超聯賽最近都吸引到唔少球星加盟架，就例如前祖雲達斯球員迪比亞路同希斯基等等。之前傳出有澳超球隊收購碧咸，如果碧咸真係登陸澳超，咁呢位「萬人迷」就會同舊東家交鋒。
不過悉尼只係曼聯季前巡迴賽既其中一部分，紅魔之後仲會安排更多既巡迴賽，話唔定有機會黎香港，等睇曼聯官方既好消息啦！
今次將會係紅魔鬼第五次去到澳洲比賽，第一次已經要追溯到1967年。而曼聯CEO大衛吉爾表示：“响悉尼比賽同訓練係對球隊備戰2013/14賽季重要一環。好高興可以收到新南威爾斯政府同澳洲足協既邀請，能夠訪問一下去世界最美麗之一既城市。”
大衛吉爾認為球隊每年都安排季前巡迴賽主要係有三個原因：“首先，最重要係球隊能夠為新球季做好準備。而且巡迴賽仲可以令多啲球迷認識我地，仲可以深化同商業合作夥伴既關係。上次去悉尼已經係好多年前，我好期待再次見到澳洲球迷既熱情。”
因為明夏冇歐國盃或世界杯，所以如果唔係有傷既話，全部一線球隊都會前往悉尼，紅魔將會留系悉尼訓練6日，然後就會响7月20日系悉尼ANZ球場同澳超明星隊交鋒。澳超聯賽最近都吸引到唔少球星加盟架，就例如前祖雲達斯球員迪比亞路同希斯基等等。之前傳出有澳超球隊收購碧咸，如果碧咸真係登陸澳超，咁呢位「萬人迷」就會同舊東家交鋒。
不過悉尼只係曼聯季前巡迴賽既其中一部分，紅魔之後仲會安排更多既巡迴賽，話唔定有機會黎香港，等睇曼聯官方既好消息啦！
請按此登錄後留言。未成為會員? 立即註冊