里奧：我要打35場！

睇戲有葉問：我要打十個！睇波？有里奧：我要打35場！唔經唔覺里奧已經在紅魔鬼曼聯11個年頭喇，而佢亦都已經33歲。早兩年大家可能會幾掛住佢，因為佢真係傷多過踢，就連筆者當年都認為佢已經過哂黃金時期，可能會慢慢退下一線隊伍。不過出乎意料，里奧嘅傷好似一日比一日好，而上一季亦越打越出色，喺維迪長抖嘅時間鎮守紅魔後防，仲幫手打起埋伊雲斯添！
師弟，學嘢喇！
對於下一季，佢就咁講：「我上幾季傷多過踢大家都有眼睇，不過我狀態都回復得幾好！上年之嘛，我好似打咗35場(筆者按：上年佢共出陣38場！真無記性…)，就知道我應對自己傷勢做得唔錯啦！我好多謝隊醫同我哋嘅『運動科學小隊』，佢哋真係幫我好多！我最艱辛嘅時間都係佢哋陪我過架。我好希望今年我都可以打返咁上下場數嘅比賽，始終我都好想幫球隊。

老老實實，我無咩興趣打國際賽，曼聯就係我嘅首選目標。我好享受曼聯嘅日子，有佢就有我，無論發生咩事都唔會改變架！今年我要出盡力，同曼聯打返個冠軍返來！」呢個moment佢身在南非同其他隊友一齊集訓，為下季賽事作準備。大家等住睇佢嘅表現啦！無興趣！
我是紅魔！