下任隊長人選逐個睇 精選

如果雲佩斯離隊，將係阿仙奴 7年嚟走既第6個隊長，然而球隊唔可以冇隊長，雲佩斯若離開，邊個又會係最理想既隊長接班人？
1)華美倫
上季阿仙奴副隊長係華美倫，理論上佢應係下任隊長既第一候選人。華美倫係比利時國家隊既隊長，佢係阿積士亦做過隊長，所以佢並唔缺乏做隊長既經驗。
2)韋舒亞10-11賽季，韋舒亞係英超歐戰都有不俗表現，好快成為球隊同國家隊既中場骨幹。既然法比加斯可以22歲就成為球隊隊長，20歲既韋舒亞冇理由唔可以。
卡比路在任時就將韋舒亞睇作未來英格蘭隊長人選：“韋舒亞既前途不可限量，佢將係英格蘭隊長既最佳人選。”而泰利亦相信韋舒亞有能力成為未來英格蘭隊長：“韋舒亞當然具備成為隊長能力，佢係能夠長時間發光發熱既球員。”
同樣，成為隊長亦係韋舒亞既目標：“法比加斯係一名非常優秀既領袖，我希望當我係佢呢個年紀，都可以承擔起全隊既責任。呢係我既目標，有一天可以成為廠長。”

3)施捷斯尼
上季《每日鏡報》曾編出一宗新聞，話施捷斯尼想做隊長。儘管新聞未證實，不過施捷斯尼亦講過：“當我講野大家都聽我，隊長一定要令大家服從，我希望我能成為球隊隊長，我覺得有朝一日我有可能會成為球隊隊長。”
4)藍斯
同華美倫一樣，藍斯同樣是威爾士隊長，同法比加斯一樣都係22歲就上任，不過佢係阿仙奴表現唔及國家隊，目前主力位置已不保。
5)路斯基
路斯基係捷克隊隊長，作為球隊目前年齡最大既老將，同樣亦有就任既條件。