曼聯用「小豆」加錢換巴利加盟?

曼聯專區 於 13/08/2013 發表 收藏文章
自從今季「7」號波衫再一次無人著後,大家都估係唔係有大粒球星加盟留返俾人著,之不過今日啲傳聞都有單幾令人意外! 《倫敦標準晚報》披露,皇馬同熱刺嘅談判陷入僵局,而曼聯欲趁機求購加里夫巴利,以此壓制朗尼鬧轉會造成嘅負面影響,據悉曼聯願意用「小豆」查維亞靴南迪斯同加里夫巴利交換,再加現金。

上周熱刺主席路維同皇馬主席佩雷斯晌美國邁阿密再次就巴利轉會一事而見面,不過就冇取得實質進展,皇馬方面就抱怨熱刺嗰邊抬高嚟買,而路維就堅持皇馬要攞莫拉堤嚟換巴利,仲要叫價1.1億英鎊,攪到熱刺同皇馬陷入僵局。而晌佢哋傾唔掂嘅時候,曼聯好可能借呢個機會出價買巴利,而熱刺方面因對皇馬深感失望,所以佢哋更樂意同曼聯談判。

今夏曼聯晌轉會市場上毫無動作,莫耶斯急需簽入一個重量級球員嚟安撫球迷,並增加自己晌曼聯第一個賽季嘅籌碼。另外朗尼鬧轉會一事,亦讓莫耶斯心煩意亂,佢堅持不同意將昔日愛徒賣俾車路士,而簽下巴利仲能夠再次向朗尼證明曼聯嘅野心,壓制佢轉會念頭。

當然,曼聯要買巴利,最大障礙莫過於都係錢。熱刺至今未接受皇馬8600萬英鎊嘅報價,他們叫價約1.1億英鎊,完全超出曼聯能夠承受嘅範圍。但如果曼聯同意將「小豆」加現金交換巴利,熱刺會考慮呢個條件,因為「小豆」一向係一個入球有保證前鋒,上季各項賽事入咗18球,係雲佩斯之後球隊第二號射手,效率極高。另外曼聯亦好明白要同路維傾轉會一事其實好傷腦筋,正如06年收購卡域克同08年收購貝碧巴托夫時,紅魔就已經領教過路維嘅手段。

轉會市場仲有三周就關閉,熱刺好可能利用曼聯對巴利嘅興趣,向皇馬施壓,希望呢單傳聞得個講字,唔好成真呀!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Yiu Lung
    Yiu Lung 於 13/08/2013 評論 NO. 1

    曼聯如果係買巴爾唔洗小豆換呀

  • 陽光宅男
    陽光宅男 於 13/08/2013 評論 NO. 2

    賣小豆??? 傻的嗎??? 曼聯前鋒把握力最強之人喎!! 仲要肯打後備

  • erickwok007
    erickwok007 於 13/08/2013 評論 NO. 3

    買中埸啦係都.

  • benji_kwf
    benji_kwf 於 14/08/2013 評論 NO. 4

    小豆入球能力仲勁過bale...拎D錢買c7番黎算拉

  • Chris YTH
    Chris YTH 於 14/08/2013 評論 NO. 5

    Bale is overated, he is good but he is not that good!

  • YNWA 1892
    YNWA 1892 於 14/08/2013 評論 NO. 6

    你地班獌唔好發夢啦!呢啲吹水新聞黎,你地有鬼咁多錢咩,一億磅wo...真係笑大人個口!

快捷鍵:←
快捷鍵:→