史基度爾：第一次射入咁靚嘅世界波！ 精選

史基度爾認為對富咸嘅呢球窩利係佢職業生涯中射入最靚嘅一球！

“今次入波係我入嘅咁多球中最靚。我對上一次入波係對8月對曼城嘅比賽，我對幫到球隊贏波真係好開心。”史基度爾指。
仲記唔記得呢球頭鎚？

“賽前全隊球員都知道呢場係2012年最後一場主場比賽，所以全部人都想贏波。最終亦達到目標，並射入四球靚波。”
“早早取得入球係好重要，因為大部份作客球隊都想穩守突擊。儘早入球可以令球隊踢得更輕鬆。”

現時利物浦排第八位，距離前四位置十分近。史基度爾認為：“緊接有兩場作客比賽，絕對並不容易應付。但如果球隊齊心，要贏波並非無可能。”