曼聯欲與里奧續約一年；蘭尼借養傷去迪拜度假！ 精選

係《每日郵報》爆出曼聯三大老將傑斯、史高斯同里奧費迪南將會係今季結束之後離隊既消息之後，曼聯就用行動打消各位既疑慮。據《每日星報》最新消息，曼聯準備開始同里奧費迪南就續約談判，曼聯方面願意同里奧續約一年。另外，據《Sport Witness》消息，蘭尼已經逐漸康復，佢係養傷期間仲同朋友一齊去迪拜買野，似乎關於自己既傳會傳聞毫不關心。
自02年創當時紀錄既3000萬鎊加盟曼聯之後，里奧費迪南已經為曼聯效力11年。而今季結束之後，佢同曼聯既合約將會到期，而遲遲未續約令外界估計佢係唔係會從此離開曼聯。而12月21號，據《每日郵報》消息透露，里奧費迪南好有可能會係球季結束後離隊，之後就去其他聯賽搵錢，呢個消息令曼聯球迷震驚。
雖然費Sir好有就話里奧費迪南唔會係球季結束後離隊，但依然係空口無憑，不過曼聯方面就好快用實際行動去證明呢個言論。據《每日星報》既最新消息，曼聯準備同里奧費迪南展開續約談判，由於佢已經年過30，所以曼聯考慮送上一份一年合約，令呢位老臣子能夠繼續曼聯第12個球季。
雖然隨住年齡既增長同傷病，里奧費迪南既狀態大不如前，但擁有豐富經驗既佢，今季依然為曼聯出戰16場比賽，佢仍然係防線上不可或缺既重要一人。即管傳聞通佢將會去中東甚至中國搵錢，但或者會係兩年之後既事，因為曼聯相信可以用足夠既誠意去留低里奧費迪南。費Sir並話：「里奧表現一直都好出色，佢既表現都好穩定，因此我地係唔會比佢離開曼聯。」里奧費迪南好有可能完成續約既同時，蘭尼既未來至今仍未有定論。自11月8號歐聯分組賽同布拉加一戰之後，佢受傷離場之後，佢一直係度養傷。而係養傷期間關於佢轉會既傳聞亦未停過，由於曼聯一直唔肯將周薪提高至佢滿意既水平，所以蘭尼都開始有離隊既心頭。
而蘭尼趁住養傷既機會，佢又同朋友一齊去迪拜度假。從呢件事睇黎，蘭尼都對轉會事情毫不關心。據傳聞，巴黎聖日耳門、祖雲達斯等多間球會都有意收購佢。據《Sport Witness》既分析，係呢個關鍵時期仍然有心去玩既蘭尼，好明顯就已經做好離隊既準備。