2017/18英格蘭超級足球聯賽第三十一周賽事 - 利物浦 V 屈福特
開賽日期及時間: 3月17日(3月18日凌晨) - 01:30
利物浦方面: 被曼聯擊敗2:1, 球隊攻力被懷疑, 而且主力沙拉竟然只有一次射飛機既射門, 好彩既係文尼同法明奴其實表現唔差, 而且後防方面, 呀樂相信會從教訓中成長過黎, 加上卡里奧斯已經有穩定既表現, 雲達維克又已經融入到球隊, 只要唔好又黎若要生活好就無事喇。
屈福特方面: 現時排第十, 距離降班區有9分之多, 淨番8場波, 其實都算穩陣架喇, 不過屈福特呢班波長期神經刀, 你都唔知佢今場開邊科, 但可以肯定既係, 進攻組合既李察里臣同埋典尼會有一定衝擊力, 一個技術好, 一個係咁衝, 而且門將都係以神經刀出名既高美斯, 如果佢神起上黎, 真係咩波都射佢唔入架!
K波預估戰況: 屈福特現時已經無任何壓力, 及後既賽事都係球員們希望爭表現或者等放暑假既比賽, 所以好難估會唔會神經刀出現, 而利物浦剛先於雙紅會被殺敗, 士氣可能有一D影響, 不過佢地攻力唔洗懷疑下, 入波會照入到, 失唔失波就睇下屈福特班神經刀會唔會突然爆喇!
K波預估賽果: 利物浦 V 屈福特 - 2:2
回顧上季屈福特作客晏菲路既片段啦:
https://www.youtube.com/watch?v=rkjSSnuMU5w
K波
鐘意睇我K波講野, 都讚好我個FACEBOOK專頁, 謝謝支持!
K波說故事 - https://www.facebook.com/KBALLSTORY
請按此登錄後留言。未成為會員? 立即註冊