被曼聯炒魷後迅速翻身？艾摩廉或即刻有新東家

艾摩廉（Ruben Amorim）喺執教曼聯 14 個月後，未能交出球會期望嘅成績，最終被解僱。執教嘅曼聯生涯正式劃上句號。

喺佢執教首個完整球季，曼聯僅排英超第 15 位，仲喺歐霸盃決賽不敵熱刺，失落歐聯資格。
呢段時間嘅低迷表現，無可避免對艾摩廉嘅名聲造成影響。

一次英超嘅失敗，真係等於完結？


英超水土不服　但喺葡萄牙已證明自己

回顧艾摩廉之前嘅履歷，佢喺士砵亭 曾兩度奪得葡超冠軍，戰術理念亦獲高度評價。
值得留意嘅係，佢偏好嘅三中堅體系，喺葡萄牙幾乎無受到太大質疑，但喺英超卻被無限放大檢視。

換言之，問題係在於「環境」。

賓菲加主帥潛在人選

據轉會記者透露，葡萄牙班霸賓菲加 正密切留意艾摩廉嘅動向。
背景原因相當複雜。
賓菲加現任主帥摩連奴（José Mourinho）正經歷艱難一季，球隊先後於葡萄牙盃被波圖淘汰，亦於聯賽盃出局，目前聯賽落後榜首多達 10 分，幾乎注定四大皆空。

轉會記者指出 如果摩連奴離隊，艾摩廉將會係首選接班人。


對艾摩廉而言，賓菲加並唔係陌生地方。
佢球員時代大部分時間都效力於呢間球會，曾三奪葡超冠軍、五次贏得聯賽盃，亦為葡萄牙國家隊上陣 14 次。

2017 年，佢結束長達 9 年嘅賓菲加生涯。
如果今日回歸，唔單止係工作機會，更帶有「情感重連」嘅意味。