【極端球迷】費蘭尼踢中鋒有何不可? 用朗尼, GG啦 (隨筆)

翼衛55 於 26/08/2015 發表 收藏文章
不斷的研究日職, 看多少場球, 看多少資料也好
心靈的一部份, 始終為曼聯留了位置。

每人心目中也有一套完美的陣容, 完美的戰術,
每人也可以認為自己的一套是最強。
足球世界就是因為這樣才有趣。

意見可以分享, 可以討論, 但有些情緒,
很個人, 很固執的那種, 只能借酒發瘋抒發出來。
足球世界因為這些情緒變得更有趣。

有些情緒, 真的只有你深愛一隊球隊才懂。
對於曼聯, 有些東西, 不吐不快。
朗尼

沒有朗尼的曼聯, 不會變得很差, 我是如此相信。
朗尼當日以下一代曼聯皇朝核心的姿態來到, 的確讓我有過希望。
渴望未來幾年的他入球數會比雲佬更多
完成這任務的, 卻是C朗。

朗尼成長過程, 讓我看到很多意想不到的東西,
穩定的入球荒, 踢中場時, 老嚷著要當前鋒, 變回前鋒了
卻總是墮後拿球;
還有比腳法更好的草裙舞技。

最好的他是08年身為進攻四頭怪的綠葉時候,左中場最適合他了。
的確他的40幾碼區域分邊, 以及跟小豆的配合讓我震驚過一陣子。
但講到當隊長, 核心? 死得啦, 肯肯定。

在打工仔的角度, 我理解他, 但作為球迷, 我不願意理性。

右閘

上一次從曼聯右閘位置得到「穩陣」感覺, 竟然是一次布魯士串演右閘的時候。
然後加利仔成為恆常正選, 令我對曼聯右閘位這罩門習以為常, 布朗初出道讓人驚喜的表現,
始終是曇花一現。
加利仔雖是永恆的罩門, 始終他運用「奧脫福峽谷」的純熟, 跟在咸爺身上學來的七旋斬,
是拉斐爾所沒有的。

而達米安的到來, 他的防守位置感, 竟讓我有一絲久違的感動。

雲高爾

他從來就是爭議性的代名詞, 跟誰都有機會不和, 也會把固有的平衡破壞掉。
但經歷過莫天才時代之後, 還有甚麼可以破壞的?

一天到晚期盼「和諧」的天才成就了甚麼? 那堆讓對手恥笑一萬年的紀錄嗎?
曼聯其實需要雲高爾。

雖然他把不少親生仔賣掉, 再去買大牌球星, 跟那「吵鬧的鄰居」愈來愈像,
但也不能否認他同時也在培育新人,
史摩寧成長了, 麥尼亞, 布歷基也留了下來, 勞基梳爾也愈來愈穩。
別管他是不是為了易於控制球隊,
相信年青人, 才是認真地為將來作準備。

而且最緊要, 佢有買防中,
簽舒尼達連的新聞, 令筆者單手打字一個晚上。

現在強調要將爆炸頭改做中鋒, 早就應該試啦......

費SIR時代說到底是過去式了, 就算半場落後你也相信一定會反勝的信心也跟他一起走了
時間總逼我們前進,
過去就跟屎一起放心中, 面對眼前的問題才最重要。

而希望, 可能放在下一季比較實際。


希望召集同好交流足球資訊, 歡迎到主頁討論! 感謝每一個LIKE, 感謝每一份支持!
https://www.facebook.com/wingback55jleague

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • tinchi3721
    tinchi3721 於 26/08/2015 評論 NO. 1

    好認同 曼聯需要雲高爾呢一句 伍佢清洗左曼聯好多瘀血

  • blackteg
    blackteg 於 26/08/2015 評論 NO. 2

    非常認同筆者觀點

    + 肥隊長快走人

  • Alex Lan
    Alex Lan 於 26/08/2015 評論 NO. 3

    好同意筆者所言。我等作為曼聯嘅“有理性”球迷,雖無偏激嘅評語,但始終都會有心痛不忍之時。以前曼聯最引人入勝嗰種"未吹完場鷄都仲有機會”嘅足球小將精神,今時今日真係要徹底忘記。朗尼係好有質素,但已經係幾年前嘅事;隨著C朗離開,那個“朗尼"亦已消失咗,而今時今日嘅隊長,極其量只能叫做係一個好嘅前線工兵,但絕對無資格擔任為一隊頂級球隊嘅必然前鋒。右閘確是向來嘅死穴,不過作為曼聯迷嘅都已習慣了;之前無問題,因為兩個中堅都頂級,但之後……而達米安我暫時對佢無評語。雲高爾確係呢個時期好適合嘅人選,但絕不能長做(佢都唔諗住做得耐),我反而好贊同佢嘅不近人情性格,因為後費sir年代嘅曼聯係需要呢樣嘢。最後關於費蘭尼……呢點我就不敢苟同,佢打中鋒,咪好似高治咁囉,獨具身高優勢但腳法欠奉;咁其實唔係唔好唔得,但唔適合曼聯唔適合頂級球隊嘅打法,用佢嚟做奇兵就還可以。

  • wkys
    wkys 於 26/08/2015 評論 NO. 4

    獌狗食屎

  • BrianOsaka
    BrianOsaka 於 26/08/2015 評論 NO. 5

    我其實都真係, 用爆炸頭係暫時性......但總好過擺肥仔最前
    間唔中用爆炸頭搶分係OK的我覺得

  • zlatan
    zlatan 於 27/08/2015 評論 NO. 6

    留個言叫獌狗食屎嘅人其實講完之後係咪會好開心?

  • howardyhy
    howardyhy 於 27/08/2015 評論 NO. 7

    老老實實,其實爆炸頭呢兩年喺國家隊入唔少波,而且好似都打得好前

快捷鍵:←
快捷鍵:→