【中韓對立】白鶴突退出香港隊 懶人包

香港足球 於 16/03/2017 發表 收藏文章
東方防中白鶴突退出香港隊

曾為香港隊上陣34次,上季加盟東方嘅防中白鶴,今日下午突然喺個人微博,宣佈退出由韓國籍教練 金判坤 kim sir 帶領嘅香港隊。聲明提到退出原因係自己不得kim sir尊重,雙方關係破裂令佢要退隊直至kim sir走人。 而及後東方主席梁守志又指出 白鶴退隊係因為知道港隊教練今次港隊嘅比賽希望用更多年輕球員,令呢位表現一直唔錯嘅中場球員感到不受尊重!

雖然白鶴特別喺聲明指出事件與政治無關,但仍令人聯想到近期喺中國發生嘅反韓活動。

中韓矛盾係源於近期韓國樂天集團,同南韓軍方達成協議允許用地部署「薩德」反導系統,引起國內人民不滿,發起罷買樂天/韓國產品 同其他針對韓國嘅活動,包括破壞街上韓國車等等嘅行為。而今次嘅事件,就正在同原籍中國嘅白鶴,來自韓國嘅kim sir 有關。
另外,白鶴亦曾經試過喺微博發表有政治含義嘅post,最近嘅就包括亞冠 東方對川崎前鋒前 出post:「釣魚台是中國的」。可見白鶴明顯非常愛國,而曾發表捍衛中國主權言論嘅佢,亦好難令人否定佢 退隊同中韓矛盾有關嘅傳聞。

白鶴退隊,而港隊又即將面臨北韓,黎巴嫩等亞洲強隊嘅挑戰,究竟對港隊會做成咩影響?

首先,港隊失去一個主力防中已成事實,但值得高興嘅係 港隊喺防中位置上嘅人員選擇並唔少,有黃洋 梁振邦 可以代替,而年輕小將 劉學銘,顏樂楓,陳俊樂亦可能有機會代表港隊上陣。 但亦有一樣值得大家擔心嘅係,港隊陣中不乏中國入籍兵,包括中場 鞠盈智、徐德帥、黃洋 同龍門 王振鵬,究竟白鶴嘅離隊會否為呢4為中國出生嘅球隊帶來離心,令港隊要再面臨同上次省港盃一樣嘅退隊潮? 情況值得擔憂! 而究竟白鶴係因為政治原因 定 上陣機會嘅因為而離隊, 仍要繼續關注。

聲明全文

「從今天開始退出由韓國人(金教練)所帶領的香港隊!不存在政治,我只是一個球員,我需要得到尊重!曾經我引以為豪,如今,沒有了信任,沒有了尊重,我沒有必要再次為此滿身傷痕!我很高興我曾經為此努力過,直到現在,我仍然不懈努力!我渴望每一次證明自己的機會!尊重是相互的,所謂的理由我不接受!直到香港代表隊不再由(韓國人金教練)帶領為止!我仍然盼望再次和這幫朋友並肩作戰!」

圖片來源 apple daily 東網

請支持香港足球 即like fb page!



如果喜歡我們的文章,請即分享到︰

標籤: 白鶴  香港隊  中國  東方  

留言

會員
我要評論
請按此登錄後留言。未成為會員? 立即註冊
  • Jason514
    Jason514 於 16/03/2017 評論 NO. 1

    #足球場上不談政治

  • 廖直飆
    廖直飆 於 17/03/2017 評論 NO. 2

    足球場邊的座位席上就可以談政治?

  • chandiuuu
    chandiuuu 於 17/03/2017 評論 NO. 3

    以為自己係邊個

快捷鍵:←
快捷鍵:→