上篇文我有講到，喺三大枷鎖（新球場、舊債、PSR）之下，車路士焗住要轉型玩課金抽卡大計。大方向或者無錯，但點解落到場會搞到一鑊泡？
好多車迷一輸波，就習慣上網狂爆粗鬧領隊。但我估唔少人都明，領隊喺依家嘅車路士只係一隻棋子。今日我哋要退一步，實實在在咁睇下負責揸旗買人、搞到陣容極度失衡嘅幕後黑手。
當然，想知冷氣房入面嘅絕對真相，除咗動用國安去Check老闆們手機之外就無計，所以呢篇文，大家可以當成各路新聞同數據整合嘅結果，唔準都唔好埋怨小弟……
過去好多球迷鬧高層，往往淨係識得鬧肥Todd同清湖代表艾巴利，但其實如果有睇過我上年10月寫 Dave Fallows 加盟嗰篇舊文嘅師兄都會知，車路士依家嘅體育管理層，早就擴展成一個極度擁擠嘅多核心決策委員會。我哋個轉會廚房入面，足足塞滿咗六大巨頭。
今日，就同大家拆解下呢個「六人體系」到底係點分工，再用真實數據盤點下佢哋呢幾年嘅功與過。
臃腫嘅幕後：三大總監與大數據團隊
好多球迷以為，車路士買人只係 Winstanley 同 Stewart 兩個人篤下計數機就決定。但現實中，為咗服侍老細嗰套「極端年輕化、數據驅動、資產增值」嘅商業模型，車路士嘅體育管理層已經演變成一部極度複雜、臃腫嘅機器。
我哋唔使記晒成個 HR 架構圖，將鏡頭聚焦喺真正揸旗嘅「三大體育總監」身上就夠：
終極揸Fit人：Paul Winstanley 與 Laurence Stewart (聯合體育總監)
呢兩位係成個體育架構嘅最高負責人，擁有轉會同選帥嘅最終拍板權。
Winstanley 出身白禮頓，係英超其中一個最先用「場上位置大數據」取代傳統球探眼光嘅狂人；而 Stewart 就擁有紅牛集團同摩納哥嘅背景，極度迷信「多球會網絡」同高壓青春班打法。就係佢哋兩個，聯手定立咗車路士依家「只買 25 歲以下、瘋狂簽 8 年長約」嘅極端建隊大方向。
系統補漏者：Dave Fallows (體育總監)
第三個 SD，就係我上年 10 月同大家詳細介紹過，前利物浦王朝嘅幕後功臣 Dave Fallows。佢喺 2025 年尾先空降加入，主要專注於外借球員管理同數據審查。
點解明明有兩個 SD 仲要請佢？其實某程度上，就係老細開始發現 Winstanley 同 Stewart 嗰套「盲目囤積後生仔」嘅系統出咗事。Fallows 嘅作用，就係用佢利物浦時期「人機結合」嘅經驗，為呢套走火入魔嘅大數據系統做升級補漏，確保借出去史堡嘅球員真係可以練到級，而唔係變做棄卒。
大數據與執藥團隊
至於冷氣房入面其餘嘅人，大家唔使花心機記咁多鬼佬名。簡單啲理解，佢哋就係幫上面三位總監執藥、砌 Excel嘅前線大數據同球探團隊。大方向定好咗，佢哋就負責落手抽卡，將南美同歐洲啲妖人（例如二安同柏艾斯）刮返嚟，再對接落青訓度。
所以，車仔買錯人、賣錯人，冤有頭債有主，火力集中向住呢三位 SD 開炮就絕對無死錯人。
盤點四年往績：清瘀血、神抽與極致炒賣
既然分工咁精細，猛將如雲，咁佢哋交出嚟嘅成績表又點？我哋攤開由 22/23 到 25/26 球季嘅真實轉會操作，客觀啲去評價。喺會計造數同資產管理上，佢哋的確有一手，大致可以歸納做三點：
清瘀血與填數
要公道講句，呢班總監上任嘅首要任務，就係手起刀落清走油王時代，甚至肥 Todd 接手初期遺留落嚟嘅高薪包袱。大家睇下佢哋清走咗咩人？
盧卡古（年薪 £16.9m）、史達寧（年薪 £16.9m）、高列巴尼（年薪 £15.34m）。甚至連自己天價買返嚟但夾唔到嘅安宮古（年薪 £10.14m），佢哋都可以狠下心腸止蝕賣走。單係清走呢四大巨頭，球會條薪酬結構即刻健康返晒。
依家望住條數，唯一清唔走嘅痛點與遺憾，恐怕就得返年薪高達 £10.4m 嘅傷追人科芬拿。喺清瘀血同維持薪酬架構呢一點上，算係抵讚。
神抽與自用
喺抽卡方面，彭馬絕對係佢哋生涯最自豪嘅 SSR 神抽，就算今年因傷回塘，但呢點仍然無得否認。
除咗彭馬，山度士亦完美示範咗佢哋多球會網絡嘅威力：買入之後，先借去史堡升Lv，打起咗再收回做中場主力；加埋二安、安瑟明路呢條由南美專員 Jewell 建立嘅南美線，的確為車路士未來儲備咗唔少貨。
商品化嘅極致炒賣
但呢幾位總監最令傳統球迷反感嘅地方，係佢哋將球員完全商品化。為咗造靚 PSR 條數，球員可以好似炒股票咁左手交右手。
連拿度維加就係一個極靚嘅 Flipping 例子：24/25 球季用 €14m 買入，借去祖雲達斯造靚份CV，25/26 球季即刻以 €24.5m 賣俾維拉利爾，一年貨仔淨賺一千萬。
仲有門將柏祖域，€16m 買入，借去史堡，跟手以 €28.9m 賣俾般尼茅夫。難聽少少講，為咗造靚 PSR 賺嗰一千幾百萬，高層賣走上季係史堡表現穩定嘅柏祖域，然後留低個個禮拜派膠、玩火嘅山齊士做正選，呢啲就係純粹睇會計報表、無視實戰防守穩定性嘅弱智操作。
會計滿分，但足球失衡
睇完上面張成績表，大家應該明，點解肥 Todd 同清湖資本咁鍾意呢班總監。因為喺盤數同資產增值角度，佢哋簡直係天才，完美咁將一間傳統球會，改造成一間跨國球員交易所。
但最大問題係：足球，始終唔係 Excel。
佢哋極端追求年輕 + 潛力 + 升值空間，結果就係打造咗一個極度畸形、年年大洗牌嘅陣容。正如上篇文所講，全隊欠缺老將做定海神針，一遇逆風就集體崩潰。高層買人純粹睇數據同轉售價值，就好似為咗錢賣走明明好用嘅柏祖域，完全無視更衣室嘅化學作用同陣容嘅實戰平衡。
喺呢個六核心巨頭嘅體制之下，以前大權在握嘅領隊 (Manager)，已經被正式降級做純粹負責操練嘅主教練 (Head Coach)。
總監負責買材料，教練只負責炒餸。但當班高層買埋一堆有潛力但無經驗嘅食材，或者夾硬賣走好用嘅球員嚟填數，搞到煮出嚟碟餸難食嗰陣，出嚟祭旗嘅會係邊個？
或者，馬蛇、肥普其實都係一個好廚師，有能力用普通材料煮出6星米芝蓮嘅味道，但受限於材料，俾盡就4星。羅生，本身廚藝就同車仔唔夾，要用手上嘅材料煮到變6星，畫虎不成反類犬，死板執行上面要嘅現代足球，踢到被對手狂數，承受晒球迷所有怒火。
老細無可能一次過炒晒成個冷氣房入面嗰六個大內總監，因為要推翻自己套投資模型成本太高、亦太樣衰。所以，炒一個得兩三年合約嘅領隊，永遠係成本最低、最容易同球迷交代嘅止血方法。
總結：輪迴嘅詛咒
總括呢兩篇文，我唔係想幫任何一個踢得差嘅球員或者排錯陣嘅領隊辯。羅生戰術有問題，絕對要批評；球員落到場無火，絕對要鬧。
但冤有頭債有主，如果背後負責建隊嗰班體育總監，可以無視實戰需求盲目囤積幼幼、隨便拆散陣容賣人填數；而每次出事，都只需推個教練出嚟做替死鬼、自己完全唔使問責嘅話……
咁就算夏天我哋請到哥迪奧拿或者搵高普出山，車路士都只會繼續喺呢個無限 Loop 嘅泥沼入面輪迴。因為喺呢個 Excel 體制下，領隊根本無權買餸，佢只係一個負責揹鑊嘅高級打工仔。羅生抵炒，但炒咗羅生之後呢？下一個入嚟嘅，咪又係另一個喺冷氣房體制下瑟瑟發抖嘅替死鬼。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
好多車迷一輸波，就習慣上網狂爆粗鬧領隊。但我估唔少人都明，領隊喺依家嘅車路士只係一隻棋子。今日我哋要退一步，實實在在咁睇下負責揸旗買人、搞到陣容極度失衡嘅幕後黑手。
當然，想知冷氣房入面嘅絕對真相，除咗動用國安去Check老闆們手機之外就無計，所以呢篇文，大家可以當成各路新聞同數據整合嘅結果，唔準都唔好埋怨小弟……
過去好多球迷鬧高層，往往淨係識得鬧肥Todd同清湖代表艾巴利，但其實如果有睇過我上年10月寫 Dave Fallows 加盟嗰篇舊文嘅師兄都會知，車路士依家嘅體育管理層，早就擴展成一個極度擁擠嘅多核心決策委員會。我哋個轉會廚房入面，足足塞滿咗六大巨頭。
今日，就同大家拆解下呢個「六人體系」到底係點分工，再用真實數據盤點下佢哋呢幾年嘅功與過。
臃腫嘅幕後：三大總監與大數據團隊
好多球迷以為，車路士買人只係 Winstanley 同 Stewart 兩個人篤下計數機就決定。但現實中，為咗服侍老細嗰套「極端年輕化、數據驅動、資產增值」嘅商業模型，車路士嘅體育管理層已經演變成一部極度複雜、臃腫嘅機器。
我哋唔使記晒成個 HR 架構圖，將鏡頭聚焦喺真正揸旗嘅「三大體育總監」身上就夠：
終極揸Fit人：Paul Winstanley 與 Laurence Stewart (聯合體育總監)
呢兩位係成個體育架構嘅最高負責人，擁有轉會同選帥嘅最終拍板權。
Winstanley 出身白禮頓，係英超其中一個最先用「場上位置大數據」取代傳統球探眼光嘅狂人；而 Stewart 就擁有紅牛集團同摩納哥嘅背景，極度迷信「多球會網絡」同高壓青春班打法。就係佢哋兩個，聯手定立咗車路士依家「只買 25 歲以下、瘋狂簽 8 年長約」嘅極端建隊大方向。
系統補漏者：Dave Fallows (體育總監)
第三個 SD，就係我上年 10 月同大家詳細介紹過，前利物浦王朝嘅幕後功臣 Dave Fallows。佢喺 2025 年尾先空降加入，主要專注於外借球員管理同數據審查。
點解明明有兩個 SD 仲要請佢？其實某程度上，就係老細開始發現 Winstanley 同 Stewart 嗰套「盲目囤積後生仔」嘅系統出咗事。Fallows 嘅作用，就係用佢利物浦時期「人機結合」嘅經驗，為呢套走火入魔嘅大數據系統做升級補漏，確保借出去史堡嘅球員真係可以練到級，而唔係變做棄卒。
大數據與執藥團隊
至於冷氣房入面其餘嘅人，大家唔使花心機記咁多鬼佬名。簡單啲理解，佢哋就係幫上面三位總監執藥、砌 Excel嘅前線大數據同球探團隊。大方向定好咗，佢哋就負責落手抽卡，將南美同歐洲啲妖人（例如二安同柏艾斯）刮返嚟，再對接落青訓度。
所以，車仔買錯人、賣錯人，冤有頭債有主，火力集中向住呢三位 SD 開炮就絕對無死錯人。
盤點四年往績：清瘀血、神抽與極致炒賣
既然分工咁精細，猛將如雲，咁佢哋交出嚟嘅成績表又點？我哋攤開由 22/23 到 25/26 球季嘅真實轉會操作，客觀啲去評價。喺會計造數同資產管理上，佢哋的確有一手，大致可以歸納做三點：
清瘀血與填數
要公道講句，呢班總監上任嘅首要任務，就係手起刀落清走油王時代，甚至肥 Todd 接手初期遺留落嚟嘅高薪包袱。大家睇下佢哋清走咗咩人？
盧卡古（年薪 £16.9m）、史達寧（年薪 £16.9m）、高列巴尼（年薪 £15.34m）。甚至連自己天價買返嚟但夾唔到嘅安宮古（年薪 £10.14m），佢哋都可以狠下心腸止蝕賣走。單係清走呢四大巨頭，球會條薪酬結構即刻健康返晒。
依家望住條數，唯一清唔走嘅痛點與遺憾，恐怕就得返年薪高達 £10.4m 嘅傷追人科芬拿。喺清瘀血同維持薪酬架構呢一點上，算係抵讚。
神抽與自用
喺抽卡方面，彭馬絕對係佢哋生涯最自豪嘅 SSR 神抽，就算今年因傷回塘，但呢點仍然無得否認。
除咗彭馬，山度士亦完美示範咗佢哋多球會網絡嘅威力：買入之後，先借去史堡升Lv，打起咗再收回做中場主力；加埋二安、安瑟明路呢條由南美專員 Jewell 建立嘅南美線，的確為車路士未來儲備咗唔少貨。
商品化嘅極致炒賣
但呢幾位總監最令傳統球迷反感嘅地方，係佢哋將球員完全商品化。為咗造靚 PSR 條數，球員可以好似炒股票咁左手交右手。
連拿度維加就係一個極靚嘅 Flipping 例子：24/25 球季用 €14m 買入，借去祖雲達斯造靚份CV，25/26 球季即刻以 €24.5m 賣俾維拉利爾，一年貨仔淨賺一千萬。
仲有門將柏祖域，€16m 買入，借去史堡，跟手以 €28.9m 賣俾般尼茅夫。難聽少少講，為咗造靚 PSR 賺嗰一千幾百萬，高層賣走上季係史堡表現穩定嘅柏祖域，然後留低個個禮拜派膠、玩火嘅山齊士做正選，呢啲就係純粹睇會計報表、無視實戰防守穩定性嘅弱智操作。
會計滿分，但足球失衡
睇完上面張成績表，大家應該明，點解肥 Todd 同清湖資本咁鍾意呢班總監。因為喺盤數同資產增值角度，佢哋簡直係天才，完美咁將一間傳統球會，改造成一間跨國球員交易所。
但最大問題係：足球，始終唔係 Excel。
佢哋極端追求年輕 + 潛力 + 升值空間，結果就係打造咗一個極度畸形、年年大洗牌嘅陣容。正如上篇文所講，全隊欠缺老將做定海神針，一遇逆風就集體崩潰。高層買人純粹睇數據同轉售價值，就好似為咗錢賣走明明好用嘅柏祖域，完全無視更衣室嘅化學作用同陣容嘅實戰平衡。
喺呢個六核心巨頭嘅體制之下，以前大權在握嘅領隊 (Manager)，已經被正式降級做純粹負責操練嘅主教練 (Head Coach)。
總監負責買材料，教練只負責炒餸。但當班高層買埋一堆有潛力但無經驗嘅食材，或者夾硬賣走好用嘅球員嚟填數，搞到煮出嚟碟餸難食嗰陣，出嚟祭旗嘅會係邊個？
或者，馬蛇、肥普其實都係一個好廚師，有能力用普通材料煮出6星米芝蓮嘅味道，但受限於材料，俾盡就4星。羅生，本身廚藝就同車仔唔夾，要用手上嘅材料煮到變6星，畫虎不成反類犬，死板執行上面要嘅現代足球，踢到被對手狂數，承受晒球迷所有怒火。
老細無可能一次過炒晒成個冷氣房入面嗰六個大內總監，因為要推翻自己套投資模型成本太高、亦太樣衰。所以，炒一個得兩三年合約嘅領隊，永遠係成本最低、最容易同球迷交代嘅止血方法。
總結：輪迴嘅詛咒
總括呢兩篇文，我唔係想幫任何一個踢得差嘅球員或者排錯陣嘅領隊辯。羅生戰術有問題，絕對要批評；球員落到場無火，絕對要鬧。
但冤有頭債有主，如果背後負責建隊嗰班體育總監，可以無視實戰需求盲目囤積幼幼、隨便拆散陣容賣人填數；而每次出事，都只需推個教練出嚟做替死鬼、自己完全唔使問責嘅話……
咁就算夏天我哋請到哥迪奧拿或者搵高普出山，車路士都只會繼續喺呢個無限 Loop 嘅泥沼入面輪迴。因為喺呢個 Excel 體制下，領隊根本無權買餸，佢只係一個負責揹鑊嘅高級打工仔。羅生抵炒，但炒咗羅生之後呢？下一個入嚟嘅，咪又係另一個喺冷氣房體制下瑟瑟發抖嘅替死鬼。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊