先講明，我唔係咩覺醒撚，絕對無果種「眾人皆醉我獨醒」嘅諗法。戰績插水、戰術災難、星散傳聞滿天飛。我喺上一兩篇文，都同大家一齊鬧過羅生嗰套完美執行嘅自殺式戰術，又話過傳媒為咗流量密碼而作出嚟嘅星散名單。
但責任還責任，事實還事實，大家鬧得咁開心，其實都只係鬧緊啲表面徵狀。一間球會搞到依家咁立立亂，正所謂冤有頭債有主，當然要搵坐喺冷氣房入面嗰班幕後操盤手算帳。
不過，喺我出下集正式開波清算……咳咳，介紹兩位體育總監 (Winstanley 同 Stewart) 之前，作為一個理性嘅車迷，我哋做人要公道少少。有責任要明白球會喺美國財團接盤嗰一刻，其實面對緊一個點樣嘅局。
而呢篇文，其實多少會同我嘅舊文有重覆，如果覺得我炒冷飯……請各車迷見諒，試下呢碟用冷飯炒嘅飯掂唔掂。
避無可避嘅三大枷鎖
好多車迷成日懷念前老闆油王阿巴莫域治時代嗰種「即食買巨星、唔啱就換帥」嘅風光，但時移世易，唔止係其他球隊都開始洗大錢買人，大家仲要認清現實：依家嘅車路士身上，其實至少綁住咗三個避無可避嘅沉重枷鎖。
第一，新球場嘅龐大開支。史丹福橋球場擴建或者搬遷，已經係講咗十幾年嘅老問題。無論最終決定點搞，呢個絕對係一個郁下就駛十幾廿億鎊嘅無底深潭。喺呢個大前提下，球會長遠嚟講，根本無可能再好似以前咁無止境地大手筆買人。新高層接手，首要任務就係要確保未來幾年球會有足夠嘅資金鏈去應付起球場呢個世紀工程。
我知，好多車迷都會話：「我支持隊波咋嘛，佢起球場關我X事咩。」
錯，件事根本千絲萬縷。因為第二個枷鎖，就係近幾年越箍越緊嘅 PSR 同 FFP 緊箍咒。相比起油王時期嗰種「任蝕唔嬲、老細填數」嘅玩法，近 5 年英超同 UEFA 對財政管制已經去到極度強硬嘅地步。你望下愛華頓同森林點樣俾賽會無情扣分，就知道依家呢個遊戲規則已經徹底改變。起球場要留起一筆天文數字，但球會帳面又唔可以無了期巨額虧損，焗住一定要實實在在咁做到收支平衡，唔可以再下下靠老細無限課金填數。
第三，就係油王時期積落嘅財務舊債同黑材料。就正如我上星期篇文提過，新班主接手之後，發現前朝嘅帳目根本唔對路，焗住要自己去英超賽會自首。雖然最終只係罰咗 1,000 萬鎊加食個「緩刑兩年」嘅轉會禁令，算係執番身彩；但大家唔好忘記，背後仲有足足 74 條涉嫌違規支付經紀費嘅指控排緊隊等足總宣判。新高層根本係踩住地雷陣行路，每um一蚊出嚟都要計過度過。
呢三個枷鎖夾埋，就迫住車仔要轉型。球會唔可以再玩即食，一定要著眼未來，做長線投資。
車路士變陣：抽卡養成大計
既然長遠唔可以亂使錢，又要兼顧未來起球場嘅天文數字，仲要時刻𥄫實 PSR 條數，高層可以點做？最合理嘅出路，就係將車路士嘅建隊模式，變成一隻大家手機都玩過嘅「抽卡養成遊戲」。
既然無得課金買滿 Level 嘅現成巨星，佢哋就將啲錢分散投資，瘋狂去抽唔同潛力嘅後生仔，然後慢慢養：
SSR 級別（例如安素、彭馬、卡些度）： 呢啲係球會判定為極高上限嘅頂級神卡。高層願意用重金買斷，然後俾足 8 年長約。如果順利養得起，佢哋就係未來十年嘅建隊核心，就算第時真係要賣，都一定可以賣到個天價。
SR 級別（潛力球星/高性價比外援）： 例如古斯圖、積遜、維加呢類。買返嚟留隊自用，俾上陣時間佢哋練級。打得起就 Keep 住做骨幹；如果只係普通料或者踢唔出預期，只要年紀仲細，大概都可以搵到中游球隊接手，啱價放售賺筆轉會費。
R 級別（邊緣青訓/年輕彩票）： 買返嚟或者自家青訓出產，未必即刻踢到英超，就盡量外借去分公司史堡 或者其他球隊練兵。搏下有無機會中暗閃突然大爆發；就算平平無奇，都可以盡量平手放售，特別係自家青訓，賣出去喺 PSR 帳面上係計純利潤。
呢個抽卡嘅如意算盤，喺商業同財務邏輯上其實係行得通嘅。只要呢批球員慢慢成長，就算日後要科水起球場，球會依然有一大批具備高流動性嘅資產可以買賣，保證有運轉資金。
演算法嘅死穴，數據計唔出嘅人性
講到呢度，大家可能會覺得：食屎啦你，講X到咁成個計劃好有遠見咁，點解依家會踢到一鑊泡咁先？呢個小編盲撐高層，去佢Facebook問候佢全家啦。
但正如我一開始講，我唔係覺醒撚，問題好大程度出喺，高層過份信任呢套後生仔大數據模型，而忽略咗足球比賽最難量化嘅經驗值。高層似乎將英超當做一隻可以慢慢打怪升 Level 嘅單機Game；但現實中嘅英超同歐聯，係全世界容錯率最低、對抗最激烈嘅真人對戰 PvP Game。
你將 11 張未升滿 Level 嘅 SSR 同 SR 卡放晒落場，順風順水加埋個戰術真係 Work 嗰陣，佢哋的確可以踢出好華麗嘅足球，例如季初對PSG對巴塞咁。但足球總有逆風嘅時候，當球隊落後 0：1、當對手睇穿咗你戰術狂壓你、當作客俾幾萬個球迷瘋狂開汽水狂噓嗰陣，大數據係計唔到一個廿歲出頭嘅小朋友心入面有幾震。
以前嘅車路士點解硬淨？因為場上有老鬼做定海神針。老將喺場上嘅作用，就好似一個被動 Buff。例如施華咁，佢未必跑得最快，但佢哋識得喺大亂嗰陣喝醒班細路、識得拖慢個節奏、甚至識得玩下 Dark Arts (例如大家都唔鍾意嘅魯迪加同雷斯) 碌下地或者拉下對手。
依家嘅車路士，正正就係缺乏咗呢種老帶嫩嘅經驗傳承。當逆境一嚟，無大佬壓場，班後生仔就好容易迷失。上仗對愛華頓輸第三球嗰陣，場上大部份球員都失去信心，就係一個極其無力嘅縮影。演算法可以計出一個球員嘅傳球成功率，但往往計唔出佢喺逆境下咬緊牙關嘅抗壓能力。
上集總結：大局定調，之後清算
總括嚟講，喺油王留低嘅三大枷鎖之下，車路士轉型搞青春抽卡大計係無可厚非嘅生存之道。喺大環境嘅逼迫下，球會的確需要時間同空間去重組。
但係，將一副原本可以好好培養嘅牌，因為過度迷信幼幼、欠缺經驗平衡而打到依家咁嘅困局，負責操盤嘅人，絕對需要為呢種脫離現實嘅建隊方針負上責任。
到底呢套系統係邊個執行？點解每次戰績差，都只係領隊做替死鬼，但幕後買人嗰個就安然無恙？下一篇，就正式同大家介紹下無人問責嘅 Winstanley 同 Stewart，講下呢兩位體育總監嘅傲慢與偏見。大家記得買定花生。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但責任還責任，事實還事實，大家鬧得咁開心，其實都只係鬧緊啲表面徵狀。一間球會搞到依家咁立立亂，正所謂冤有頭債有主，當然要搵坐喺冷氣房入面嗰班幕後操盤手算帳。
不過，喺我出下集正式開波清算……咳咳，介紹兩位體育總監 (Winstanley 同 Stewart) 之前，作為一個理性嘅車迷，我哋做人要公道少少。有責任要明白球會喺美國財團接盤嗰一刻，其實面對緊一個點樣嘅局。
而呢篇文，其實多少會同我嘅舊文有重覆，如果覺得我炒冷飯……請各車迷見諒，試下呢碟用冷飯炒嘅飯掂唔掂。
避無可避嘅三大枷鎖
好多車迷成日懷念前老闆油王阿巴莫域治時代嗰種「即食買巨星、唔啱就換帥」嘅風光，但時移世易，唔止係其他球隊都開始洗大錢買人，大家仲要認清現實：依家嘅車路士身上，其實至少綁住咗三個避無可避嘅沉重枷鎖。
第一，新球場嘅龐大開支。史丹福橋球場擴建或者搬遷，已經係講咗十幾年嘅老問題。無論最終決定點搞，呢個絕對係一個郁下就駛十幾廿億鎊嘅無底深潭。喺呢個大前提下，球會長遠嚟講，根本無可能再好似以前咁無止境地大手筆買人。新高層接手，首要任務就係要確保未來幾年球會有足夠嘅資金鏈去應付起球場呢個世紀工程。
我知，好多車迷都會話：「我支持隊波咋嘛，佢起球場關我X事咩。」
錯，件事根本千絲萬縷。因為第二個枷鎖，就係近幾年越箍越緊嘅 PSR 同 FFP 緊箍咒。相比起油王時期嗰種「任蝕唔嬲、老細填數」嘅玩法，近 5 年英超同 UEFA 對財政管制已經去到極度強硬嘅地步。你望下愛華頓同森林點樣俾賽會無情扣分，就知道依家呢個遊戲規則已經徹底改變。起球場要留起一筆天文數字，但球會帳面又唔可以無了期巨額虧損，焗住一定要實實在在咁做到收支平衡，唔可以再下下靠老細無限課金填數。
第三，就係油王時期積落嘅財務舊債同黑材料。就正如我上星期篇文提過，新班主接手之後，發現前朝嘅帳目根本唔對路，焗住要自己去英超賽會自首。雖然最終只係罰咗 1,000 萬鎊加食個「緩刑兩年」嘅轉會禁令，算係執番身彩；但大家唔好忘記，背後仲有足足 74 條涉嫌違規支付經紀費嘅指控排緊隊等足總宣判。新高層根本係踩住地雷陣行路，每um一蚊出嚟都要計過度過。
呢三個枷鎖夾埋，就迫住車仔要轉型。球會唔可以再玩即食，一定要著眼未來，做長線投資。
車路士變陣：抽卡養成大計
既然長遠唔可以亂使錢，又要兼顧未來起球場嘅天文數字，仲要時刻𥄫實 PSR 條數，高層可以點做？最合理嘅出路，就係將車路士嘅建隊模式，變成一隻大家手機都玩過嘅「抽卡養成遊戲」。
既然無得課金買滿 Level 嘅現成巨星，佢哋就將啲錢分散投資，瘋狂去抽唔同潛力嘅後生仔，然後慢慢養：
SSR 級別（例如安素、彭馬、卡些度）： 呢啲係球會判定為極高上限嘅頂級神卡。高層願意用重金買斷，然後俾足 8 年長約。如果順利養得起，佢哋就係未來十年嘅建隊核心，就算第時真係要賣，都一定可以賣到個天價。
SR 級別（潛力球星/高性價比外援）： 例如古斯圖、積遜、維加呢類。買返嚟留隊自用，俾上陣時間佢哋練級。打得起就 Keep 住做骨幹；如果只係普通料或者踢唔出預期，只要年紀仲細，大概都可以搵到中游球隊接手，啱價放售賺筆轉會費。
R 級別（邊緣青訓/年輕彩票）： 買返嚟或者自家青訓出產，未必即刻踢到英超，就盡量外借去分公司史堡 或者其他球隊練兵。搏下有無機會中暗閃突然大爆發；就算平平無奇，都可以盡量平手放售，特別係自家青訓，賣出去喺 PSR 帳面上係計純利潤。
呢個抽卡嘅如意算盤，喺商業同財務邏輯上其實係行得通嘅。只要呢批球員慢慢成長，就算日後要科水起球場，球會依然有一大批具備高流動性嘅資產可以買賣，保證有運轉資金。
演算法嘅死穴，數據計唔出嘅人性
講到呢度，大家可能會覺得：食屎啦你，講X到咁成個計劃好有遠見咁，點解依家會踢到一鑊泡咁先？呢個小編盲撐高層，去佢Facebook問候佢全家啦。
但正如我一開始講，我唔係覺醒撚，問題好大程度出喺，高層過份信任呢套後生仔大數據模型，而忽略咗足球比賽最難量化嘅經驗值。高層似乎將英超當做一隻可以慢慢打怪升 Level 嘅單機Game；但現實中嘅英超同歐聯，係全世界容錯率最低、對抗最激烈嘅真人對戰 PvP Game。
你將 11 張未升滿 Level 嘅 SSR 同 SR 卡放晒落場，順風順水加埋個戰術真係 Work 嗰陣，佢哋的確可以踢出好華麗嘅足球，例如季初對PSG對巴塞咁。但足球總有逆風嘅時候，當球隊落後 0：1、當對手睇穿咗你戰術狂壓你、當作客俾幾萬個球迷瘋狂開汽水狂噓嗰陣，大數據係計唔到一個廿歲出頭嘅小朋友心入面有幾震。
以前嘅車路士點解硬淨？因為場上有老鬼做定海神針。老將喺場上嘅作用，就好似一個被動 Buff。例如施華咁，佢未必跑得最快，但佢哋識得喺大亂嗰陣喝醒班細路、識得拖慢個節奏、甚至識得玩下 Dark Arts (例如大家都唔鍾意嘅魯迪加同雷斯) 碌下地或者拉下對手。
依家嘅車路士，正正就係缺乏咗呢種老帶嫩嘅經驗傳承。當逆境一嚟，無大佬壓場，班後生仔就好容易迷失。上仗對愛華頓輸第三球嗰陣，場上大部份球員都失去信心，就係一個極其無力嘅縮影。演算法可以計出一個球員嘅傳球成功率，但往往計唔出佢喺逆境下咬緊牙關嘅抗壓能力。
上集總結：大局定調，之後清算
總括嚟講，喺油王留低嘅三大枷鎖之下，車路士轉型搞青春抽卡大計係無可厚非嘅生存之道。喺大環境嘅逼迫下，球會的確需要時間同空間去重組。
但係，將一副原本可以好好培養嘅牌，因為過度迷信幼幼、欠缺經驗平衡而打到依家咁嘅困局，負責操盤嘅人，絕對需要為呢種脫離現實嘅建隊方針負上責任。
到底呢套系統係邊個執行？點解每次戰績差，都只係領隊做替死鬼，但幕後買人嗰個就安然無恙？下一篇，就正式同大家介紹下無人問責嘅 Winstanley 同 Stewart，講下呢兩位體育總監嘅傲慢與偏見。大家記得買定花生。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊