有一個好消息同一個壞消息，各位食緊花生嘅球迷，請問想聽邊個先？
好消息係，歐洲足協 (UEFA) 最新公佈咗歐洲球會財政報告，車路士喺 2024-25 球季，錄得高達 3.42 億英鎊（約 4.07 億歐元）嘅稅前虧損。呢個數字唔單止冠絕全歐洲（拋離第二名里昂幾條街），仲直接打破咗英超歷史上最高嘅單季虧損紀錄。
見到呢個核彈級數字，相信唔少對家球迷已經開定香檳，心諗：之前愛華頓同諾定咸森林蝕嗰少少都俾人扣分，車路士今鋪狂蝕 3 億幾，實聽破產兼降班啦！
不過，壞消息係… 睇完權威體育媒體 The Athletic 嘅內幕分析，車路士今次睇嚟連一分都唔駛扣，成功過骨。大家手頭上支香檳，可以收返埋先。
點解破紀錄狂蝕都唔駛死？我知大家唔會有心機睇晒TA篇文，所以今日我就嚟簡單寫下，拆解下美國老細呢場驚天動地嘅會計局。
拆解 3.4 億巨虧：華爾街財技「洗太平地」
首先，大家要搞清楚一個會計概念：帳面虧損唔等於真係燒咗咁多現金。
翻查歐洲足協歷史，單季蝕得勁過車路士今次嘅，就只有 2020-21 球季嘅巴塞蝕咗 5.55 億歐元。當年拿樸達重新上任做主席，為咗清走前任留落嚟嘅蘇州屎，特登將所有爛帳一次過入晒落嗰一年度。TA 嘅內幕消息指，清湖同保利今次玩緊嘅，正正就係同一套華爾街最出名嘅財技：洗太平地 (Big Bath Accounting)」。
TA 引述消息人士指，車路士呢 3.42 億英鎊虧損入面，有極大部份係所謂嘅非現金會計帳目 (Non-cash accounting entries)。即係咩？
1. 幫水貨球員「斬倉」(Player value write-offs)：
當初球會用天價買落一大堆冗員（邊個打邊個大家心中有數），依家根本賣唔出，市價亦都跌到得返個零頭。與其年年喺份報表度呃自己佢哋仲值幾千萬，高層索性一刀切，直接喺帳面上將佢哋當廢紙咁清零。呢啲錢其實一早已經跌咗落海，依家只係喺會計簿度正式承認「我輸咗，斬倉」。
2. 硬食前朝「超級牛肉乾」(一次性罰款)：
舊年 UEFA 查出油王時代嘅財務違規，開咗張 2,700 萬英鎊嘅超級罰單畀車路士。既然今年條數預咗難睇，高層就索性將呢張「前朝牛肉乾」塞埋入今季條數度，當係一次過破財擋災，下年唔使再煩。
3. 年廿八清雜物 (歷史資產減值)：
將球會入面其他古零精怪嘅歷史爛帳同貶值資產，趁住今次財務大掃除，好似年廿八咁，一次過掃晒出門口。
簡單嚟講，美國老闆嘅算盤係：既然條數點都要核突一次，不如一鋪清，將所有歷史遺留嘅蘇州屎、壞帳、罰款，全部掟晒落 2024-25 呢個球季度。經歷完呢次超級洗太平地之後，球會未來幾年嘅帳目就會變得乾乾淨淨，唔使再孭住以前啲沉重包袱。
所以，呢個 3.42 億鎊嘅虧損，其實並唔反映車路士依家真實嘅日常營運狀況，而係一場經過精心計算嘅財務大清洗。
UEFA 數 vs 英超數嘅陰陽數簿
聽到呢度，大家可能會問：就算係洗太平地，蝕 3.4 億英鎊都好誇張喎！點解英超賽會仲未郁手扣分？
原因好簡單，因為車路士高層玩緊合法嘅陰陽數簿。嗱，我知架，你哋想話車仔做假數、夾埋UEFA玩嘢丫嘛，不過可惜，唔係做假數，而係歐洲足協（UEFA）同英超賽會嘅會計規矩根本唔同，而 UEFA 係嚴格好多嘅。
TA 爆料指出，呢個 3.4 億嘅天文數字，純粹係交俾 UEFA 睇嘅成績表。點解咁慘烈？
「互換交易」唔計數：
舊年夏天車仔將馬臣 (Ian Maatsen) 賣俾維拉，同時又買入維拉嘅基利文 (Omari Kellyman <- 我知好多人唔記得佢，或者之後再寫下佢)。喺英超，呢單係兩筆獨立交易，賣青訓可以全額入帳做純利；但 UEFA 揸正嚟做，認定呢啲係 Swap deal，直接將筆利潤喺帳面上剔除。
長約攤銷大法失效：
大家都知美國老細最鍾意同球員簽 7 到 8 年長約，將轉會費攤分幾年入帳。但 UEFA 一早落咗閘，規定轉會費最多只可以攤分 5 年。
賣酒店、女足唔計數：
仲有就係，車仔為咗填數，將史丹福橋旁邊嘅酒店同女足資產，賣返畀自己母公司（BlueCo）。呢招財技喺英超係合法收入，但 UEFA 一律當睇唔到。
所以，TA 估計下個月車路士正式公佈交畀英超賽會嘅 PSR 帳目時，扣除咗賣酒店同青訓純利，條數絕對無 3.4 億咁得人驚。
點解免死唔扣分？車仔嘅免死金牌
就算英超無事，UEFA 規定三年累積最多只可以蝕 6,000 萬歐元。依家車仔三年夾埋蝕咗 6.22 億歐元，超標十倍，點解都無事？仲唔係有鬼？
呢個就係清湖資本班華爾街精英最癲嘅地方：佢哋一早拎咗一塊免死金牌。
TA 消息人士證實，上年夏天，車路士同 UEFA 簽咗一份和解協議，高層一早就同 UEFA 攤牌兼備咗案：「阿Sir，我哋今年會洗太平地，條數會超級核突，預計大約蝕咁多啦。」
UEFA 答應咗：「OK，只要你最終交出嚟嘅虧損數字，無超過你今日承諾嘅預期赤字，我就放過你，當你達標。」結果？車路士班精算師完美將虧損控制喺預算之內，成功過關，而英超 PSR 嗰邊，亦都靠住上述嘅賣酒店等財技順利 Pass，一分都唔駛扣。
總結：捱過寒冬，迎來美國老細的收成期
講到呢度，大家明唔明白點解之前車仔高層死都唔肯平賣波衫心口贊助，寧願吉大半年都要等 IFS 嗰幾千萬鎊？點解今季一定要保住前四踢歐聯？
因為根據嗰份和解協議，經歷完今次大洗澡之後，UEFA 規定車路士今季（2025-26）嘅赤字上限，被極度嚴苛咁限制喺區區 500 萬歐元之內，聽落好難？
但今季重返歐聯，加埋世冠盃嘅冠軍，車仔單係獎金已經袋咗超過 8,000 萬英鎊；加上終於有着落嘅心口贊助，仲有夏天賣人套現嘅 3 億英鎊，同埋清走咗一眾高薪球員。呢啲真金白銀嘅龐大收入同開支縮減，將會完美填補今季嘅帳目。
最黑暗嘅財務清洗已經過去，歷史遺留嘅蘇州屎亦都一掃而空。只要羅生同班大帝生生性性，穩穩陣陣保住來季嘅歐聯席位，美國老細嘅發達大計就會正式啟動。至於食緊花生、等睇車路士扣分降班嘅對家球迷？唔好意思，今次又要令你哋失望，可以早啲散Band啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
好消息係，歐洲足協 (UEFA) 最新公佈咗歐洲球會財政報告，車路士喺 2024-25 球季，錄得高達 3.42 億英鎊（約 4.07 億歐元）嘅稅前虧損。呢個數字唔單止冠絕全歐洲（拋離第二名里昂幾條街），仲直接打破咗英超歷史上最高嘅單季虧損紀錄。
見到呢個核彈級數字，相信唔少對家球迷已經開定香檳，心諗：之前愛華頓同諾定咸森林蝕嗰少少都俾人扣分，車路士今鋪狂蝕 3 億幾，實聽破產兼降班啦！
不過，壞消息係… 睇完權威體育媒體 The Athletic 嘅內幕分析，車路士今次睇嚟連一分都唔駛扣，成功過骨。大家手頭上支香檳，可以收返埋先。
點解破紀錄狂蝕都唔駛死？我知大家唔會有心機睇晒TA篇文，所以今日我就嚟簡單寫下，拆解下美國老細呢場驚天動地嘅會計局。
拆解 3.4 億巨虧：華爾街財技「洗太平地」
首先，大家要搞清楚一個會計概念：帳面虧損唔等於真係燒咗咁多現金。
翻查歐洲足協歷史，單季蝕得勁過車路士今次嘅，就只有 2020-21 球季嘅巴塞蝕咗 5.55 億歐元。當年拿樸達重新上任做主席，為咗清走前任留落嚟嘅蘇州屎，特登將所有爛帳一次過入晒落嗰一年度。TA 嘅內幕消息指，清湖同保利今次玩緊嘅，正正就係同一套華爾街最出名嘅財技：洗太平地 (Big Bath Accounting)」。
TA 引述消息人士指，車路士呢 3.42 億英鎊虧損入面，有極大部份係所謂嘅非現金會計帳目 (Non-cash accounting entries)。即係咩？
1. 幫水貨球員「斬倉」(Player value write-offs)：
當初球會用天價買落一大堆冗員（邊個打邊個大家心中有數），依家根本賣唔出，市價亦都跌到得返個零頭。與其年年喺份報表度呃自己佢哋仲值幾千萬，高層索性一刀切，直接喺帳面上將佢哋當廢紙咁清零。呢啲錢其實一早已經跌咗落海，依家只係喺會計簿度正式承認「我輸咗，斬倉」。
2. 硬食前朝「超級牛肉乾」(一次性罰款)：
舊年 UEFA 查出油王時代嘅財務違規，開咗張 2,700 萬英鎊嘅超級罰單畀車路士。既然今年條數預咗難睇，高層就索性將呢張「前朝牛肉乾」塞埋入今季條數度，當係一次過破財擋災，下年唔使再煩。
3. 年廿八清雜物 (歷史資產減值)：
將球會入面其他古零精怪嘅歷史爛帳同貶值資產，趁住今次財務大掃除，好似年廿八咁，一次過掃晒出門口。
簡單嚟講，美國老闆嘅算盤係：既然條數點都要核突一次，不如一鋪清，將所有歷史遺留嘅蘇州屎、壞帳、罰款，全部掟晒落 2024-25 呢個球季度。經歷完呢次超級洗太平地之後，球會未來幾年嘅帳目就會變得乾乾淨淨，唔使再孭住以前啲沉重包袱。
所以，呢個 3.42 億鎊嘅虧損，其實並唔反映車路士依家真實嘅日常營運狀況，而係一場經過精心計算嘅財務大清洗。
UEFA 數 vs 英超數嘅陰陽數簿
聽到呢度，大家可能會問：就算係洗太平地，蝕 3.4 億英鎊都好誇張喎！點解英超賽會仲未郁手扣分？
原因好簡單，因為車路士高層玩緊合法嘅陰陽數簿。嗱，我知架，你哋想話車仔做假數、夾埋UEFA玩嘢丫嘛，不過可惜，唔係做假數，而係歐洲足協（UEFA）同英超賽會嘅會計規矩根本唔同，而 UEFA 係嚴格好多嘅。
TA 爆料指出，呢個 3.4 億嘅天文數字，純粹係交俾 UEFA 睇嘅成績表。點解咁慘烈？
「互換交易」唔計數：
舊年夏天車仔將馬臣 (Ian Maatsen) 賣俾維拉，同時又買入維拉嘅基利文 (Omari Kellyman <- 我知好多人唔記得佢，或者之後再寫下佢)。喺英超，呢單係兩筆獨立交易，賣青訓可以全額入帳做純利；但 UEFA 揸正嚟做，認定呢啲係 Swap deal，直接將筆利潤喺帳面上剔除。
長約攤銷大法失效：
大家都知美國老細最鍾意同球員簽 7 到 8 年長約，將轉會費攤分幾年入帳。但 UEFA 一早落咗閘，規定轉會費最多只可以攤分 5 年。
賣酒店、女足唔計數：
仲有就係，車仔為咗填數，將史丹福橋旁邊嘅酒店同女足資產，賣返畀自己母公司（BlueCo）。呢招財技喺英超係合法收入，但 UEFA 一律當睇唔到。
所以，TA 估計下個月車路士正式公佈交畀英超賽會嘅 PSR 帳目時，扣除咗賣酒店同青訓純利，條數絕對無 3.4 億咁得人驚。
點解免死唔扣分？車仔嘅免死金牌
就算英超無事，UEFA 規定三年累積最多只可以蝕 6,000 萬歐元。依家車仔三年夾埋蝕咗 6.22 億歐元，超標十倍，點解都無事？仲唔係有鬼？
呢個就係清湖資本班華爾街精英最癲嘅地方：佢哋一早拎咗一塊免死金牌。
TA 消息人士證實，上年夏天，車路士同 UEFA 簽咗一份和解協議，高層一早就同 UEFA 攤牌兼備咗案：「阿Sir，我哋今年會洗太平地，條數會超級核突，預計大約蝕咁多啦。」
UEFA 答應咗：「OK，只要你最終交出嚟嘅虧損數字，無超過你今日承諾嘅預期赤字，我就放過你，當你達標。」結果？車路士班精算師完美將虧損控制喺預算之內，成功過關，而英超 PSR 嗰邊，亦都靠住上述嘅賣酒店等財技順利 Pass，一分都唔駛扣。
總結：捱過寒冬，迎來美國老細的收成期
講到呢度，大家明唔明白點解之前車仔高層死都唔肯平賣波衫心口贊助，寧願吉大半年都要等 IFS 嗰幾千萬鎊？點解今季一定要保住前四踢歐聯？
因為根據嗰份和解協議，經歷完今次大洗澡之後，UEFA 規定車路士今季（2025-26）嘅赤字上限，被極度嚴苛咁限制喺區區 500 萬歐元之內，聽落好難？
但今季重返歐聯，加埋世冠盃嘅冠軍，車仔單係獎金已經袋咗超過 8,000 萬英鎊；加上終於有着落嘅心口贊助，仲有夏天賣人套現嘅 3 億英鎊，同埋清走咗一眾高薪球員。呢啲真金白銀嘅龐大收入同開支縮減，將會完美填補今季嘅帳目。
最黑暗嘅財務清洗已經過去，歷史遺留嘅蘇州屎亦都一掃而空。只要羅生同班大帝生生性性，穩穩陣陣保住來季嘅歐聯席位，美國老細嘅發達大計就會正式啟動。至於食緊花生、等睇車路士扣分降班嘅對家球迷？唔好意思，今次又要令你哋失望，可以早啲散Band啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊