作客 3：1 輕取狼隊，羅生執教下取得聯賽 4 連勝。
單睇比數好似好輕鬆，但場波其實上下半場兩個樣。上半場車路士出盡飲奶力，彭馬半場戴帽鎖定勝局；下半場就突然變身鹹蛋超人，但唔係講緊車仔輕鬆打怪獸…而係好似能量用盡（定係專登慳油？），胸口閃燈就收工，踢出一種極致嘅養生足球。
贏波固然高興，但今場嘅主角除咗係彭馬，仲有對面送禮送到手軟嘅狼隊後防。
比賽簡述：狼隊的自殺式開局
上半場嘅劇本簡單嚟講就係：狼隊自爆。
開波初段，狼隊其實想搶攻，但佢哋嘅防守專注度係災難級。12 分鐘同 35 分鐘，杜靴迪同莫斯基拉先後喺禁區內做出極之無厘頭嘅犯規，兩次都係喺毫無威脅嘅情況下從後推跌/撞跌祖奧柏度。彭馬當然無放過呢啲機會，笑住收下兩份大禮，加上 38 分鐘一次精彩嘅戰術配合，半場已經 3：0 遙遙領先。
下半場車路士明顯收油，畢竟領先三球在手。狼隊藉住一次角球混戰由 Arokodare 破蛋，追成 1：3。之後羅生開始換人試陣，雙方再無具威脅埋門，車路士用最少嘅氣力帶走 3 分，再一次演繹咗咩叫只有 45 分鐘電量。
戰術深潛
彭馬：帶傷戴帽與12碼心理戰
雖然狼隊送禮送得無厘頭，但都要有人把握到先得。彭馬今場雖然只係踢咗 60 分鐘，而且賽後訪問自爆話今季一直都未 100% Fit，但得 7 成狀態都足夠統治比賽，更成為英超史上首位 3 次半場戴帽嘅球員。
特別想講下佢射第二球 12 碼嘅細節，絕對係大師級。佢並唔係單純靠大力或者角度，而係做足咗準備功夫：助跑時眼神刻意望向右邊 -> 上半身大幅度擺動做 Fake -> 呃到門將祖斯沙重心偏移後，最後輕描淡寫射入左邊。成個動作一氣呵成，心理質素極高，好難怪佢可以做到球隊劊子手。
第三球的戰術套路：訓練場的成果
如果話頭兩球係對手自爆，咁第三球就真係羅生嘅功勞。上半場一早就已經見到車路士刻意利用中場快速轉邊，製造空間俾遠柱嘅球員。
呢個入波係一次精彩嘅 Rehearsed Routine：由安素左路接應尼圖中傳後，再傳俾禁區內嘅古古，古古並無急住傳中，而係冷靜地拖慢半拍，等狼隊後衛因慣性縮晒入小禁區，騰出禁區頂嘅空間，先至 Cut-back 俾後上無人看管嘅彭馬大力射入。無論係轉邊嘅時機、古古嘅延遲傳球，定係彭馬嘅後上路線，明顯係訓練場練過無數次嘅成果，無得質疑。
下半場嘅鹹蛋超人與迷失嘅勇敢仔
下半場車路士嘅表現，令唔少車迷笑言球隊好似鹹蛋超人：只有一定時間嘅能量，夠鐘心口就閃燈收工。
因為領先三球，羅生各方面都開始收油，換入嘅球員都相對謹慎。先收起彭馬做時間控制，再收起古斯圖俾邦仔爭取落場時間，呢啲調動都合理。唯一美中不足嘅，係前面換成戴納同加拿祖兩個後備。
呢兩位完全做唔到嘢，甚至同正選節奏脫節。戴納有下跑動中竟然大力將個波踢後，令人R晒頭；至於加拿祖，雖然最近喺右邊鬢角紋咗個新細明體嘅「勇敢」二字，但場上表現完全睇唔出有幾勇敢，突破乏力。如果正選係 90 分，呢班後備今場只係得 50 分，車路士想行得更遠，板凳深度仲有好大改善空間。
狼隊的修正與失球：無可避免的破蛋
狼隊嗰邊其實都相當有諗法，領隊 Rob Edwards 喺落後三球之下並無亂換人搏命，而係冷靜地改踢 3-5-2。佢先將自己中路最致命嘅漏洞修補好，再不停利用古古同古斯圖後上助攻之後留低嘅兩翼空間做反擊。
至於失嗰一球，基本上係無可避免。當古斯圖喺角球混戰中清唔走個波，加上對方人多打人少，就已經註定無 Clean Sheet。對於一場早已鎖定勝局嘅比賽嚟講，呢球失波係少少遺憾，古斯圖亦盡咗力，非戰之罪。
數據總結
全場數據方面，車路士錄得 3.44 xG 對比狼隊嘅 1.06 xG，勝負懸殊。但最值得留意嘅係 PPDA (每防守動作傳球次數)：車路士低至 7.6 (極高強度逼搶)，而狼隊竟然高達 22.0。
呢個數據完美解釋咗點解狼隊上半場會自爆：佢哋完全無俾壓力車路士控球，任由車仔喺中場搓波組織 Buildup completion 高達 93.8%。面對住一隊又唔逼搶、禁區內又鍾意送禮嘅對手，車路士上半場簡直係踢緊遊樂場，贏波係理所當然。
總結
贏波唔使自滿，始終對手只係聯賽榜尾嘅狼隊。今場最大收穫係彭馬嘅狀態回升返少少，以及羅生展示咗點樣用最經濟嘅方式贏波。不過鹹蛋超人得 45 分鐘電量呢個問題，如果對住強隊（好似上場阿仙奴咁），隨時會因為下半場過份退守而出事。
希望班後備球員，特別係紋咗身嘅勇敢仔同戴納生性啲，唔好次次都要正選幫你哋執手尾，畢竟漫長球季唔可能只靠一套陣容走天涯。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
單睇比數好似好輕鬆，但場波其實上下半場兩個樣。上半場車路士出盡飲奶力，彭馬半場戴帽鎖定勝局；下半場就突然變身鹹蛋超人，但唔係講緊車仔輕鬆打怪獸…而係好似能量用盡（定係專登慳油？），胸口閃燈就收工，踢出一種極致嘅養生足球。
贏波固然高興，但今場嘅主角除咗係彭馬，仲有對面送禮送到手軟嘅狼隊後防。
比賽簡述：狼隊的自殺式開局
上半場嘅劇本簡單嚟講就係：狼隊自爆。
開波初段，狼隊其實想搶攻，但佢哋嘅防守專注度係災難級。12 分鐘同 35 分鐘，杜靴迪同莫斯基拉先後喺禁區內做出極之無厘頭嘅犯規，兩次都係喺毫無威脅嘅情況下從後推跌/撞跌祖奧柏度。彭馬當然無放過呢啲機會，笑住收下兩份大禮，加上 38 分鐘一次精彩嘅戰術配合，半場已經 3：0 遙遙領先。
下半場車路士明顯收油，畢竟領先三球在手。狼隊藉住一次角球混戰由 Arokodare 破蛋，追成 1：3。之後羅生開始換人試陣，雙方再無具威脅埋門，車路士用最少嘅氣力帶走 3 分，再一次演繹咗咩叫只有 45 分鐘電量。
戰術深潛
彭馬：帶傷戴帽與12碼心理戰
雖然狼隊送禮送得無厘頭，但都要有人把握到先得。彭馬今場雖然只係踢咗 60 分鐘，而且賽後訪問自爆話今季一直都未 100% Fit，但得 7 成狀態都足夠統治比賽，更成為英超史上首位 3 次半場戴帽嘅球員。
特別想講下佢射第二球 12 碼嘅細節，絕對係大師級。佢並唔係單純靠大力或者角度，而係做足咗準備功夫：助跑時眼神刻意望向右邊 -> 上半身大幅度擺動做 Fake -> 呃到門將祖斯沙重心偏移後，最後輕描淡寫射入左邊。成個動作一氣呵成，心理質素極高，好難怪佢可以做到球隊劊子手。
第三球的戰術套路：訓練場的成果
如果話頭兩球係對手自爆，咁第三球就真係羅生嘅功勞。上半場一早就已經見到車路士刻意利用中場快速轉邊，製造空間俾遠柱嘅球員。
呢個入波係一次精彩嘅 Rehearsed Routine：由安素左路接應尼圖中傳後，再傳俾禁區內嘅古古，古古並無急住傳中，而係冷靜地拖慢半拍，等狼隊後衛因慣性縮晒入小禁區，騰出禁區頂嘅空間，先至 Cut-back 俾後上無人看管嘅彭馬大力射入。無論係轉邊嘅時機、古古嘅延遲傳球，定係彭馬嘅後上路線，明顯係訓練場練過無數次嘅成果，無得質疑。
下半場嘅鹹蛋超人與迷失嘅勇敢仔
下半場車路士嘅表現，令唔少車迷笑言球隊好似鹹蛋超人：只有一定時間嘅能量，夠鐘心口就閃燈收工。
因為領先三球，羅生各方面都開始收油，換入嘅球員都相對謹慎。先收起彭馬做時間控制，再收起古斯圖俾邦仔爭取落場時間，呢啲調動都合理。唯一美中不足嘅，係前面換成戴納同加拿祖兩個後備。
呢兩位完全做唔到嘢，甚至同正選節奏脫節。戴納有下跑動中竟然大力將個波踢後，令人R晒頭；至於加拿祖，雖然最近喺右邊鬢角紋咗個新細明體嘅「勇敢」二字，但場上表現完全睇唔出有幾勇敢，突破乏力。如果正選係 90 分，呢班後備今場只係得 50 分，車路士想行得更遠，板凳深度仲有好大改善空間。
狼隊的修正與失球：無可避免的破蛋
狼隊嗰邊其實都相當有諗法，領隊 Rob Edwards 喺落後三球之下並無亂換人搏命，而係冷靜地改踢 3-5-2。佢先將自己中路最致命嘅漏洞修補好，再不停利用古古同古斯圖後上助攻之後留低嘅兩翼空間做反擊。
至於失嗰一球，基本上係無可避免。當古斯圖喺角球混戰中清唔走個波，加上對方人多打人少，就已經註定無 Clean Sheet。對於一場早已鎖定勝局嘅比賽嚟講，呢球失波係少少遺憾，古斯圖亦盡咗力，非戰之罪。
數據總結
全場數據方面，車路士錄得 3.44 xG 對比狼隊嘅 1.06 xG，勝負懸殊。但最值得留意嘅係 PPDA (每防守動作傳球次數)：車路士低至 7.6 (極高強度逼搶)，而狼隊竟然高達 22.0。
呢個數據完美解釋咗點解狼隊上半場會自爆：佢哋完全無俾壓力車路士控球，任由車仔喺中場搓波組織 Buildup completion 高達 93.8%。面對住一隊又唔逼搶、禁區內又鍾意送禮嘅對手，車路士上半場簡直係踢緊遊樂場，贏波係理所當然。
總結
贏波唔使自滿，始終對手只係聯賽榜尾嘅狼隊。今場最大收穫係彭馬嘅狀態回升返少少，以及羅生展示咗點樣用最經濟嘅方式贏波。不過鹹蛋超人得 45 分鐘電量呢個問題，如果對住強隊（好似上場阿仙奴咁），隨時會因為下半場過份退守而出事。
希望班後備球員，特別係紋咗身嘅勇敢仔同戴納生性啲，唔好次次都要正選幫你哋執手尾，畢竟漫長球季唔可能只靠一套陣容走天涯。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊