上集我寫咗油王識唔識波嘅神話同故事，多少講咗佢嘅成功更多係靠錢而唔係足球智慧。當然，我仍然認為油王帶俾車仔嘅嘢係無可代替。
今日輪到車路士現任班主。當車迷舉起「You don't know anything about football」嘅橫額，佢哋指控嘅對象其實唔係嗰個笑騎騎嘅老闆保利 (Todd Boehly)，而係嗰個真正話事、但一直匿埋喺幕後嘅男人：艾巴利 (Behdad Eghbali)。
佢係邊個？一個持有車路士 61.5% 股權嘅私募股權大佬。佢做緊乜？佢將車路士當成一個待重組嘅資產組合。佢識唔識波？呢個問題嘅答案，可能比你想像中更加複雜。
戴返個頭盔，呢篇文同樣唔係幫佢洗白，而係嘗試理解佢嘅邏輯，先至可以判斷佢嘅做法對車路士意味著乜。
真正嘅老闆：從幕後走到台前
2022 年收購案剛完成時，全世界都以為話事嗰個係肥仔保利。佢去睇波、佢客串體育總監、佢同球員吹水，成個大娛樂家咁款。但呢個只係一場成功的公關Show。作為道奇隊其中一個老闆，牙Todd 形象親民又識體育，係完美嘅擋箭牌。
殘酷嘅真相藏喺股權結構入面：清湖資本持有車路士 61.5% 股份，而保利個財團只佔 38.5%（佢個人更只得約 13%）。喺私募股權嘅世界，股權就係真理。所以由 2023 年開始，你會發現保利逐漸消失，取而代之出現喺更衣室、訓練場、談判桌嘅，係嗰個眼神銳利嘅屎忽鬼老闆艾巴利。
專買爛攤子嘅二手夜冷佬
好多球迷一聽到清湖係私募基金，就覺得佢哋係吸血鬼。但如果要準確形容艾巴利嘅出身，佢更似一個專門買爛樓返嚟大執嘅二手夜冷佬。
佢出身自 TPG Capital，後來創立清湖。呢啲公司喺金融界最擅長做乜？就係專食腐肉：收購嗰啲瀕臨破產、管理混亂、或者因為外圍因素（例如金融風暴、疫情）而跌價嘅公司。佢哋嘅賺錢方程式好簡單：「低價買入爛攤子 → 大刀闊斧裁員重組 → 執靚盤數 → 高價賣出」。
所以，當 2022 年車路士因為制裁而風雨飄搖嗰陣，普遍球迷睇到嘅係球會危機，但喺艾巴利眼中，呢個係千載難逢嘅商機。
佢買車路士，心態就好似一個專買凶宅或者爛樓嘅投資者：「個盤夠爛先好，越爛我就越多嘢可以執。」喺佢眼中，當時嘅車路士絕對唔係一支剛奪歐聯嘅冠軍球隊，而係一間 「人員冗餘 (球員職員太多)、高薪低能 (工資結構差)、營運低效」嘅待重組公司。
明白咗呢點，你就知點解佢一入主就要炒晒所有人（無論係高層總監定係醫療組），因為喺佢嘅職業生涯入面，接手一間公司嘅第一步，從來都係拆骨同清洗。
必要之惡？PSR 陷阱與化療邏輯
講到呢度，好多人會鬧佢冷血、無人性。但如果要持平啲去睇，我覺得車迷唔鍾意都要承認一個事實：艾巴利接手嘅，其實係一個計時炸彈。
我有寫過，油王年代留低嘅，除咗獎盃，仲有一堆全英超最高人工嘅冗員、一個容量細過韋斯咸嘅主場、同埋一大堆就快爆煲嘅 PSR 帳目(連結係度)。如果唔係艾巴利咁激進地拆骨、賣走青訓、逼走高薪球員，唔使可能，普遍大家都估到車路士會好似愛華頓或者森林咁，因為財政違規而被扣分。
所以，喺艾巴利嘅角度，佢唔係故意要做衰人。賣走加拉加、曼治，喺情感上係捨割，但喺財務上係救命。因為青訓球員係純利潤，係唯一可以快速填補帳目黑洞嘅方法。
你可以話佢手段殘忍，但你唔能夠話佢無邏輯。問題係，當你用化療嚟醫癌症，你都要確保病人頂得順。艾巴利嘅化療，根本唔理病人死唔死，只係要個腫瘤消失。佢係用緊一種極端嘅金融手段，去解決一個極端嘅財務危機，只係我哋球迷作為病人好辛苦咁解。
Symplr 模式：效率至上的雙刃劍
為咗理解佢呢套化療邏輯會將車路士帶去邊，我哋可以參考佢喺另一間公司 Symplr 嘅操作。唔係要妖魔化佢，而係要睇清佢嘅效率信仰。
Symplr 係清湖旗下嘅醫療軟件巨頭。艾巴利喺嗰度做咗兩件事： 第一，壟斷。瘋狂收購競爭對手，整合市場。第二，優化。大刀闊斧削減重疊嘅人手，將利潤最大化。
結果係點？Symplr 賺大錢，公司估值升幾倍。但代價係乜？年費由 $385 加到 $600，加咗成 56%。客戶投訴服務差？佢哋唔Care，因為你冇得揀。聽落係咪好熟悉？車仔票價升、客場補貼俾人Cut、球迷嬲爆：但你又唔會轉會去睇其他球隊。
返到車路士，你見到佢做緊同一件事： 瘋狂買 U18、U21 球員，係為咗壟斷天賦做長線投資； 削減福利、取消津貼、甚至賣走球員賺錢，係為咗改善成本。
佢唔係想搞死車路士，相反，佢想車路士變成一間好似 Symplr 咁極度高效、極度賺錢嘅機構。問題只係在於：足球球會唔係軟件公司。球迷想要嘅係歸屬感，而老闆想要嘅係效率。艾巴利嘅問題唔係佢唔識波，而係佢太過相信佢套商業邏輯可以完美移植到足球世界。
普捷天奴之死：一場數據與感覺的戰爭
講到呢度，你可能會話：「佢當球會係軟件公司啫，咁佢識唔識波先？」答案好明顯：佢唔識，而且佢亦唔覺得需要識。
最佳例子就係普捷天奴之死。大家記唔記得上上季尾？當時車路士踢出一段強勢連勝，攞到歐洲賽資格 (雖然只係歐協聯)。保利仲專登約肥普食晚飯，公開讚球隊勢頭好，全世界都以為肥普留硬。
點知幾日後，艾巴利主持咗個季後檢討會。兩位體育總監交咗一份 18 頁嘅評估報告俾佢。入面列晒數據，話肥普嘅訓練強度唔達標、死球數據唔合格、甚至話佢錯過咗某啲 KPI。結果？儘管球隊踢得順，儘管更衣室撐佢，艾巴利睇完份Excel表，直接撳掣炒魷。
這證明咗兩件事： 第一，喺史丹福橋，食飯嘅係保利，埋單話事嘅係艾巴利。第二，佢唔要一個有血有肉、識搞氣氛嘅教練；佢要一個能夠精準執行 KPI 嘅中層經理。家陣嘅四眼龜羅生嘅上任，正正就係因為佢夠聽話、夠數據化。
佢識一種我哋唔想要嘅波
見到咁亂，你好容易會下定論：艾巴利係個自大狂，佢根本唔識波。但係，如果我哋抽離少少，或者會發現一個更可怕嘅事實： 艾巴利或者唔係唔識波，佢係識一種我哋極度恐懼嘅波。
佢曾經喺公開場合講過：「歐洲足球喺商業運作上，落後美國體育 20 年。」喺佢眼中，傳統足球太講人情、太講傳統、太唔識變現。佢見到嘅係一個巨大的套利空間。
佢嘅邏輯係：
- 傳統豪門驚 PSR？我就用 8 年長約 + 攤銷 繞過佢。
- 傳統豪門靠一個球星？我就買 100 個細路 做資產分散風險。- 傳統豪門靠賣波衫？我就搞多球會模式做內容工廠。
如果 10 年之後，所有英超豪門都被迫跟住咁做（因為 PSR 越嚟越緊），咁艾巴利就唔係痴線佬，而係先行者。問題係：即使佢係啱嘅，呢個啱係建基於一個足球金融化嘅未來。喺嗰個未來入面，再無一人一城嘅傳奇，只有不停流轉嘅資產。
當足球變成 Excel
對比兩個時代，個分別好殘酷： 油王年代： 視車路士為玩具。輸錢無所謂，最緊要開心。問題係太任性。艾巴利年代： 視車路士為投資。必須要有回報，必須要有效率。問題係太理性。
所以，艾巴利到底識唔識波？ 答案係：佢唔需要識波，因為佢識錢。
喺佢冷冰冰嘅視角入面，足球已經唔係一項運動，而係一個資產類別。球員唔係人係可折舊嘅資產。球迷唔係社群，係消費者。勝利唔係榮耀，係 KPI。
或者話，當艾巴利贏咗之後，足球仲會係我哋認識嗰個熱血、充滿人情味嘅足球嗎？呢場實驗，關乎嘅唔止係車路士，而是整個足球運動的靈魂。作為球迷，示威果時除咗懷念油王，或者我哋更應該思考：當我哋愛嘅足球變成了金融玩意，我哋仲愛唔愛得落手？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今日輪到車路士現任班主。當車迷舉起「You don't know anything about football」嘅橫額，佢哋指控嘅對象其實唔係嗰個笑騎騎嘅老闆保利 (Todd Boehly)，而係嗰個真正話事、但一直匿埋喺幕後嘅男人：艾巴利 (Behdad Eghbali)。
佢係邊個？一個持有車路士 61.5% 股權嘅私募股權大佬。佢做緊乜？佢將車路士當成一個待重組嘅資產組合。佢識唔識波？呢個問題嘅答案，可能比你想像中更加複雜。
戴返個頭盔，呢篇文同樣唔係幫佢洗白，而係嘗試理解佢嘅邏輯，先至可以判斷佢嘅做法對車路士意味著乜。
真正嘅老闆：從幕後走到台前
2022 年收購案剛完成時，全世界都以為話事嗰個係肥仔保利。佢去睇波、佢客串體育總監、佢同球員吹水，成個大娛樂家咁款。但呢個只係一場成功的公關Show。作為道奇隊其中一個老闆，牙Todd 形象親民又識體育，係完美嘅擋箭牌。
殘酷嘅真相藏喺股權結構入面：清湖資本持有車路士 61.5% 股份，而保利個財團只佔 38.5%（佢個人更只得約 13%）。喺私募股權嘅世界，股權就係真理。所以由 2023 年開始，你會發現保利逐漸消失，取而代之出現喺更衣室、訓練場、談判桌嘅，係嗰個眼神銳利嘅屎忽鬼老闆艾巴利。
專買爛攤子嘅二手夜冷佬
好多球迷一聽到清湖係私募基金，就覺得佢哋係吸血鬼。但如果要準確形容艾巴利嘅出身，佢更似一個專門買爛樓返嚟大執嘅二手夜冷佬。
佢出身自 TPG Capital，後來創立清湖。呢啲公司喺金融界最擅長做乜？就係專食腐肉：收購嗰啲瀕臨破產、管理混亂、或者因為外圍因素（例如金融風暴、疫情）而跌價嘅公司。佢哋嘅賺錢方程式好簡單：「低價買入爛攤子 → 大刀闊斧裁員重組 → 執靚盤數 → 高價賣出」。
所以，當 2022 年車路士因為制裁而風雨飄搖嗰陣，普遍球迷睇到嘅係球會危機，但喺艾巴利眼中，呢個係千載難逢嘅商機。
佢買車路士，心態就好似一個專買凶宅或者爛樓嘅投資者：「個盤夠爛先好，越爛我就越多嘢可以執。」喺佢眼中，當時嘅車路士絕對唔係一支剛奪歐聯嘅冠軍球隊，而係一間 「人員冗餘 (球員職員太多)、高薪低能 (工資結構差)、營運低效」嘅待重組公司。
明白咗呢點，你就知點解佢一入主就要炒晒所有人（無論係高層總監定係醫療組），因為喺佢嘅職業生涯入面，接手一間公司嘅第一步，從來都係拆骨同清洗。
必要之惡？PSR 陷阱與化療邏輯
講到呢度，好多人會鬧佢冷血、無人性。但如果要持平啲去睇，我覺得車迷唔鍾意都要承認一個事實：艾巴利接手嘅，其實係一個計時炸彈。
我有寫過，油王年代留低嘅，除咗獎盃，仲有一堆全英超最高人工嘅冗員、一個容量細過韋斯咸嘅主場、同埋一大堆就快爆煲嘅 PSR 帳目(連結係度)。如果唔係艾巴利咁激進地拆骨、賣走青訓、逼走高薪球員，唔使可能，普遍大家都估到車路士會好似愛華頓或者森林咁，因為財政違規而被扣分。
所以，喺艾巴利嘅角度，佢唔係故意要做衰人。賣走加拉加、曼治，喺情感上係捨割，但喺財務上係救命。因為青訓球員係純利潤，係唯一可以快速填補帳目黑洞嘅方法。
你可以話佢手段殘忍，但你唔能夠話佢無邏輯。問題係，當你用化療嚟醫癌症，你都要確保病人頂得順。艾巴利嘅化療，根本唔理病人死唔死，只係要個腫瘤消失。佢係用緊一種極端嘅金融手段，去解決一個極端嘅財務危機，只係我哋球迷作為病人好辛苦咁解。
Symplr 模式：效率至上的雙刃劍
為咗理解佢呢套化療邏輯會將車路士帶去邊，我哋可以參考佢喺另一間公司 Symplr 嘅操作。唔係要妖魔化佢，而係要睇清佢嘅效率信仰。
Symplr 係清湖旗下嘅醫療軟件巨頭。艾巴利喺嗰度做咗兩件事： 第一，壟斷。瘋狂收購競爭對手，整合市場。第二，優化。大刀闊斧削減重疊嘅人手，將利潤最大化。
結果係點？Symplr 賺大錢，公司估值升幾倍。但代價係乜？年費由 $385 加到 $600，加咗成 56%。客戶投訴服務差？佢哋唔Care，因為你冇得揀。聽落係咪好熟悉？車仔票價升、客場補貼俾人Cut、球迷嬲爆：但你又唔會轉會去睇其他球隊。
返到車路士，你見到佢做緊同一件事： 瘋狂買 U18、U21 球員，係為咗壟斷天賦做長線投資； 削減福利、取消津貼、甚至賣走球員賺錢，係為咗改善成本。
佢唔係想搞死車路士，相反，佢想車路士變成一間好似 Symplr 咁極度高效、極度賺錢嘅機構。問題只係在於：足球球會唔係軟件公司。球迷想要嘅係歸屬感，而老闆想要嘅係效率。艾巴利嘅問題唔係佢唔識波，而係佢太過相信佢套商業邏輯可以完美移植到足球世界。
普捷天奴之死：一場數據與感覺的戰爭
講到呢度，你可能會話：「佢當球會係軟件公司啫，咁佢識唔識波先？」答案好明顯：佢唔識，而且佢亦唔覺得需要識。
最佳例子就係普捷天奴之死。大家記唔記得上上季尾？當時車路士踢出一段強勢連勝，攞到歐洲賽資格 (雖然只係歐協聯)。保利仲專登約肥普食晚飯，公開讚球隊勢頭好，全世界都以為肥普留硬。
點知幾日後，艾巴利主持咗個季後檢討會。兩位體育總監交咗一份 18 頁嘅評估報告俾佢。入面列晒數據，話肥普嘅訓練強度唔達標、死球數據唔合格、甚至話佢錯過咗某啲 KPI。結果？儘管球隊踢得順，儘管更衣室撐佢，艾巴利睇完份Excel表，直接撳掣炒魷。
這證明咗兩件事： 第一，喺史丹福橋，食飯嘅係保利，埋單話事嘅係艾巴利。第二，佢唔要一個有血有肉、識搞氣氛嘅教練；佢要一個能夠精準執行 KPI 嘅中層經理。家陣嘅四眼龜羅生嘅上任，正正就係因為佢夠聽話、夠數據化。
佢識一種我哋唔想要嘅波
見到咁亂，你好容易會下定論：艾巴利係個自大狂，佢根本唔識波。但係，如果我哋抽離少少，或者會發現一個更可怕嘅事實： 艾巴利或者唔係唔識波，佢係識一種我哋極度恐懼嘅波。
佢曾經喺公開場合講過：「歐洲足球喺商業運作上，落後美國體育 20 年。」喺佢眼中，傳統足球太講人情、太講傳統、太唔識變現。佢見到嘅係一個巨大的套利空間。
佢嘅邏輯係：
- 傳統豪門驚 PSR？我就用 8 年長約 + 攤銷 繞過佢。
- 傳統豪門靠一個球星？我就買 100 個細路 做資產分散風險。- 傳統豪門靠賣波衫？我就搞多球會模式做內容工廠。
如果 10 年之後，所有英超豪門都被迫跟住咁做（因為 PSR 越嚟越緊），咁艾巴利就唔係痴線佬，而係先行者。問題係：即使佢係啱嘅，呢個啱係建基於一個足球金融化嘅未來。喺嗰個未來入面，再無一人一城嘅傳奇，只有不停流轉嘅資產。
當足球變成 Excel
對比兩個時代，個分別好殘酷： 油王年代： 視車路士為玩具。輸錢無所謂，最緊要開心。問題係太任性。艾巴利年代： 視車路士為投資。必須要有回報，必須要有效率。問題係太理性。
所以，艾巴利到底識唔識波？ 答案係：佢唔需要識波，因為佢識錢。
喺佢冷冰冰嘅視角入面，足球已經唔係一項運動，而係一個資產類別。球員唔係人係可折舊嘅資產。球迷唔係社群，係消費者。勝利唔係榮耀，係 KPI。
或者話，當艾巴利贏咗之後，足球仲會係我哋認識嗰個熱血、充滿人情味嘅足球嗎？呢場實驗，關乎嘅唔止係車路士，而是整個足球運動的靈魂。作為球迷，示威果時除咗懷念油王，或者我哋更應該思考：當我哋愛嘅足球變成了金融玩意，我哋仲愛唔愛得落手？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊