新球季開鑼唔夠一個月，英超第一位被炒嘅領隊已經新鮮出爐！主角，就係上季先帶領森林（Nottingham Forest）創造奇蹟、時隔廿幾年重返歐洲賽場嘅紐奴（Nuno Espírito Santo）。聯賽踢咗三場，球會就宣布同佢「和平分手」。呢個決定，無論你係咪森林球迷，相信第一反應都係：「咁快手？」
正當外界仲估緊森林係咪會搵返摩連奴呢啲「救火隊長」嚟執手尾嘅時候，森林管理層就用一次「快過閃電」嘅操作，喺24小時內就拍板請咗啱啱離開熱刺帥位嘅澳普（Ange Postecoglou）！
呢個「閃電突擊式」嘅操作，即刻成為球壇嘅熱話。究竟，呢次換帥係森林老細馬里納基斯（Marinakis）睇通睇透，為球會搵到一條通往更高層次道路嘅神來之筆？定係，呢只係一個出名性急嘅老細，又一次重複犯錯嘅瘋狂賭博？今次【球壇風向室】，我哋就嚟拆解一下呢場火速上演嘅換帥大龍鳳。
換帥背後的「宮心計」
要拆解呢單嘢，我哋首先要將官方份聲明掉入垃圾桶。咩「最近嘅情況」、「和平分手」，全部都係公關廢話。真正嘅原因，係一場集齊晒權鬥、自爆、同埋「移情別戀」嘅宮鬥大戲。
紐奴的「三宗罪」
紐奴今次之所以死得咁快，可以話係自己攞嚟。佢喺短短幾個月內，犯晒職場三大天條：
第一，公開講同大老細關係有變。俗語話家醜不外傳，你喺記者面前話同老細「冇以前咁 close」，等於公開挑戰佢嘅權威，已經激嬲老闆。
第二，同新上任嘅高層（伊度）鬧大交。報導話佢哋之間有「無法修補嘅裂痕」。新官上任三把火，你唔去撩佢我都明，仲反其道而行要同人開片，死罪啦。
第三，唱衰公司。季前已經係咁話球隊轉會搞得差，準備不足。雖然可能係事實，但冇一個老細鍾意聽到員工喺街唱衰自己公司…
唔好話做領隊，你係一間公司做管理階級，做人咁無公關，下屬幾撐你都死啦…
老闆的「夢中情人」
但如果只係紐奴自己「作死」，件事可能仲有得救。最致命嘅係，喺老細馬里納基斯（Marinakis）心入面，一早已經有咗個「夢中情人」，無錯，就係澳普。
馬里納基斯係希臘人，而有希臘血統嘅澳普，本來就係佢嘅「同鄉」兼偶像。早喺今年七月，老細已經喺希臘親自頒個獎俾澳普，仲發表咗一篇「愛的宣言」，大讚佢「為希臘爭光」，仲講咗句神級預言：「無論佢去邊，都會成功。」
聽到呢度，你仲唔明？成件事嘅劇本就係：老細一早已經變心，只係等緊一個藉口，咁啱遇著紐奴嘅連環自爆，啱晒。所以，呢次唔係一次簡單嘅解僱，而係一次策劃已久嘅「分手換畫」。
戰術上的實驗
OK，宮鬥劇睇完，我哋就要返返嚟足球場。老細為咗「愛情」而換帥，呢個決定睇落好浪漫，但現實係，足球唔係拍拖，唔係齋講 feeling 就得。澳普同森林隊波，喺戰術上，睇落就有少少八字不合。
火星撞地球：數據揭示的極端矛盾
紐奴套戰術係咩？簡單講就係「縮後一格，等你嚟攻，然後一腳長傳搵前鋒」。咁澳普套「Ange-ball」呢？就係「全軍壓上，迫到你甩褲，喺你半場踢波」。
數據唔會呃人。我哋睇下上季嘅幾個關鍵數據：
控球率： 紐奴嘅森林平均得 41.9%（排第19）；澳普嘅熱刺就有 54.7%（排第5）。
壓迫強度 (PPDA)： 澳普嘅熱刺係 9.1，全英超最搏命（排第1）；紐奴嘅森林係 16.4，全英超最 hea 嘅球隊之一（排第19）。
防線高度： 森林平均企喺 35.4米（排第18）；澳普就要求條防線推到上 39.4米（排第4）。
新衫舊人：球員能否適應「Ange-ball」？
你買咗件S碼嘅靚衫（Ange-ball），但你班球員係著開XL碼。最致命嘅，就係對中堅米蘭高域（Milenković）同梅里路（Murillo）。有睇開波，甚至唔使睇報告都知，呢兩位大佬嘅跑速唔算快，喺英超百幾個後衛入面排中下游。紐奴套「龜縮戰術」正正起到保護作用，唔使佢哋同人鬥跑。而家澳普要佢哋將條防線推前十幾碼，同對面前鋒賽跑？呢個畫面，真係諗起都驚。
當然，隊波都唔係完全唔夾。佢哋中前場有好多好波之人，好似杜格拉斯雷斯（Douglas Luiz）、傑斯韋治（Gibbs-White），甚至新借返嚟嘅辛真高（Zinchenko），都好啱澳普玩傳控。但足球係一個整體，當你條後防線係個計時炸彈，你個中前場踢得再靚，都可能係白費心機。
最後的懸念：森林請的是「邊一個澳普」？
但係，如果你覺得澳普今次會格硬嚟，用佢嘅戰術套落去班唔夾嘅球員嘅時候，其實唔可以忘記一個魔鬼細節：澳普其實係識轉彎嘅。
澳普喺熱刺最後嗰半年，為咗搏個歐霸盃返嚟，其實都有出人意表咁放棄咗自己信奉多年嘅「Ange-ball」，改踢極度保守、甚至有啲似紐奴嘅防守反擊！
呢個發現，令到成件事變得更加複雜同有趣。而家擺喺森林面前嘅，唔再係一個簡單嘅「Yes or No」問題，而係一個選擇題：究竟佢哋請返嚟嘅，係邊一個澳普？
A）係嗰個「理想主義者」，覺得喺熱刺嘅轉變只係權宜之計，嚟到新環境就要由頭開始，重新貫徹佢嗰套高位壓迫、閘位內切嘅足球哲學，哪怕隊波根本冇啱用嘅球員？
B）定係，佢已經係一個進化咗嘅「實用主義者」，明白到贏冠軍有時需要放低身段，識得睇餸食飯，睇住自己班慢腳中堅，去設計一套更務實、更能隱惡揚善嘅戰術？
呢個問題嘅答案，將會直接決定澳普喺森林嘅命運，亦都係我哋作為花生友，未來幾個月最值得觀察嘅地方。究竟佢會忠於理想，定係忠於勝利？好戲，可能而家先要上演。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
正當外界仲估緊森林係咪會搵返摩連奴呢啲「救火隊長」嚟執手尾嘅時候，森林管理層就用一次「快過閃電」嘅操作，喺24小時內就拍板請咗啱啱離開熱刺帥位嘅澳普（Ange Postecoglou）！
呢個「閃電突擊式」嘅操作，即刻成為球壇嘅熱話。究竟，呢次換帥係森林老細馬里納基斯（Marinakis）睇通睇透，為球會搵到一條通往更高層次道路嘅神來之筆？定係，呢只係一個出名性急嘅老細，又一次重複犯錯嘅瘋狂賭博？今次【球壇風向室】，我哋就嚟拆解一下呢場火速上演嘅換帥大龍鳳。
換帥背後的「宮心計」
要拆解呢單嘢，我哋首先要將官方份聲明掉入垃圾桶。咩「最近嘅情況」、「和平分手」，全部都係公關廢話。真正嘅原因，係一場集齊晒權鬥、自爆、同埋「移情別戀」嘅宮鬥大戲。
紐奴的「三宗罪」
紐奴今次之所以死得咁快，可以話係自己攞嚟。佢喺短短幾個月內，犯晒職場三大天條：
第一，公開講同大老細關係有變。俗語話家醜不外傳，你喺記者面前話同老細「冇以前咁 close」，等於公開挑戰佢嘅權威，已經激嬲老闆。
第二，同新上任嘅高層（伊度）鬧大交。報導話佢哋之間有「無法修補嘅裂痕」。新官上任三把火，你唔去撩佢我都明，仲反其道而行要同人開片，死罪啦。
第三，唱衰公司。季前已經係咁話球隊轉會搞得差，準備不足。雖然可能係事實，但冇一個老細鍾意聽到員工喺街唱衰自己公司…
唔好話做領隊，你係一間公司做管理階級，做人咁無公關，下屬幾撐你都死啦…
老闆的「夢中情人」
但如果只係紐奴自己「作死」，件事可能仲有得救。最致命嘅係，喺老細馬里納基斯（Marinakis）心入面，一早已經有咗個「夢中情人」，無錯，就係澳普。
馬里納基斯係希臘人，而有希臘血統嘅澳普，本來就係佢嘅「同鄉」兼偶像。早喺今年七月，老細已經喺希臘親自頒個獎俾澳普，仲發表咗一篇「愛的宣言」，大讚佢「為希臘爭光」，仲講咗句神級預言：「無論佢去邊，都會成功。」
聽到呢度，你仲唔明？成件事嘅劇本就係：老細一早已經變心，只係等緊一個藉口，咁啱遇著紐奴嘅連環自爆，啱晒。所以，呢次唔係一次簡單嘅解僱，而係一次策劃已久嘅「分手換畫」。
戰術上的實驗
OK，宮鬥劇睇完，我哋就要返返嚟足球場。老細為咗「愛情」而換帥，呢個決定睇落好浪漫，但現實係，足球唔係拍拖，唔係齋講 feeling 就得。澳普同森林隊波，喺戰術上，睇落就有少少八字不合。
火星撞地球：數據揭示的極端矛盾
紐奴套戰術係咩？簡單講就係「縮後一格，等你嚟攻，然後一腳長傳搵前鋒」。咁澳普套「Ange-ball」呢？就係「全軍壓上，迫到你甩褲，喺你半場踢波」。
數據唔會呃人。我哋睇下上季嘅幾個關鍵數據：
控球率： 紐奴嘅森林平均得 41.9%（排第19）；澳普嘅熱刺就有 54.7%（排第5）。
壓迫強度 (PPDA)： 澳普嘅熱刺係 9.1，全英超最搏命（排第1）；紐奴嘅森林係 16.4，全英超最 hea 嘅球隊之一（排第19）。
防線高度： 森林平均企喺 35.4米（排第18）；澳普就要求條防線推到上 39.4米（排第4）。
新衫舊人：球員能否適應「Ange-ball」？
你買咗件S碼嘅靚衫（Ange-ball），但你班球員係著開XL碼。最致命嘅，就係對中堅米蘭高域（Milenković）同梅里路（Murillo）。有睇開波，甚至唔使睇報告都知，呢兩位大佬嘅跑速唔算快，喺英超百幾個後衛入面排中下游。紐奴套「龜縮戰術」正正起到保護作用，唔使佢哋同人鬥跑。而家澳普要佢哋將條防線推前十幾碼，同對面前鋒賽跑？呢個畫面，真係諗起都驚。
當然，隊波都唔係完全唔夾。佢哋中前場有好多好波之人，好似杜格拉斯雷斯（Douglas Luiz）、傑斯韋治（Gibbs-White），甚至新借返嚟嘅辛真高（Zinchenko），都好啱澳普玩傳控。但足球係一個整體，當你條後防線係個計時炸彈，你個中前場踢得再靚，都可能係白費心機。
最後的懸念：森林請的是「邊一個澳普」？
但係，如果你覺得澳普今次會格硬嚟，用佢嘅戰術套落去班唔夾嘅球員嘅時候，其實唔可以忘記一個魔鬼細節：澳普其實係識轉彎嘅。
澳普喺熱刺最後嗰半年，為咗搏個歐霸盃返嚟，其實都有出人意表咁放棄咗自己信奉多年嘅「Ange-ball」，改踢極度保守、甚至有啲似紐奴嘅防守反擊！
呢個發現，令到成件事變得更加複雜同有趣。而家擺喺森林面前嘅，唔再係一個簡單嘅「Yes or No」問題，而係一個選擇題：究竟佢哋請返嚟嘅，係邊一個澳普？
A）係嗰個「理想主義者」，覺得喺熱刺嘅轉變只係權宜之計，嚟到新環境就要由頭開始，重新貫徹佢嗰套高位壓迫、閘位內切嘅足球哲學，哪怕隊波根本冇啱用嘅球員？
B）定係，佢已經係一個進化咗嘅「實用主義者」，明白到贏冠軍有時需要放低身段，識得睇餸食飯，睇住自己班慢腳中堅，去設計一套更務實、更能隱惡揚善嘅戰術？
呢個問題嘅答案，將會直接決定澳普喺森林嘅命運，亦都係我哋作為花生友，未來幾個月最值得觀察嘅地方。究竟佢會忠於理想，定係忠於勝利？好戲，可能而家先要上演。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊