上一篇【球壇風向室】，我寫完森林嘅「宮鬥劇」之後，留低咗一個問題：究竟新上任嘅澳普，會係一個堅持理想嘅「戰術狂人」，定係一個為求勝利可以改變自己嘅「實用主義者」？
一個月過去，七場比賽之後，睇嚟我哋係呢個問題上得到一個有趣嘅答案。
澳普上任至今，七場不勝，創下森林球會百年嚟新領隊最差開局紀錄。喺主場，佢先係俾球迷噓爆，再喺歐霸盃賽事，被球迷高唱「聽朝起身就冇得撈（Sacked in the morning）」。佢同森林呢段由老細欽點嘅愛情故事，蜜月期唔止冇出現過，甚至係直接跳去離婚冷靜期。
究竟，發生咗啲咩事？點解一個啱啱捧完歐霸盃嘅「冠軍教頭」，會喺短短一個月內，淪落到咁嘅田地？今次呢篇續集，就一齊睇下「發生咗咩事」（WHAT HAPPENED），然後再用數據，深入分析「點解會搞成咁」（WHY），拆解呢場「Angeball」實驗，點樣變成一場戰術悲劇。
WHAT HAPPENED? 一場災難性的蜜月期
直接進入正題。究竟澳普上任第一個月，個成績表有幾樣衰？我會用史詩級嚟形容。
開局即地獄：百年紀錄與「聽朝早晨」
人哋新官上任，就算冇三把火，都至少有啲蜜月期享受下，蜜月期，多數係來自對手未熟習新教頭戰術，球員走位判斷超出對手預期等等，當然仲有重振嘅士氣。澳普呢？佢一嚟就直接快轉到離婚冷靜期。上任至今，七場正式比賽，戰績係：零勝。
呢個成績，唔單止令佢成為森林球會一百年嚟，開局最差嘅領隊，仲要喺主場歐霸盃，輸俾我要google先識嘅球隊中日德蘭（Midtjylland），然後享受主場球迷為佢送上嘅親切問候：一首高亢嘅「You're getting sacked in the morning」（聽朝起身就冇得撈）。
澳普的「死剩把口」式回應
面對咁嘅地獄開局，你以為澳普會謝罪、會道歉？呢位阿叔，最勁嘅唔係佢套戰術，而係佢可以同坦克一戰嘅回應能力。
佢同記者講，佢「最鍾意打交」（Love a fight），細個嗰陣仲會專登「撩啲大隻過自己嘅人嚟打」。呢種 M 屬性全開嘅宣言，潛台詞就係：「你噓我？我鍾意呀！」
跟住，佢再掟出佢唯一一張皇牌：熱刺個歐霸盃。佢話：「我喺熱刺，一早知自己會被炒三四個月，但都冇阻到我贏冠軍！」言下之意就係：「你班凡人識咩呀？壓力對我嚟講，只係配菜。」呢種近乎拋浪頭嘅自信，真係唔知應該佩服佢，定係覺得佢痴咗線。口硬還口硬，佢老闆嘅耐性似乎都就快到極限，報導話，如果再冇改善，隨時都可以送佢返鄉下陪老婆。
WHY?搬數據出嚟解釋「Angeball」的失靈
澳普把口就天下無敵，咁佢隊波踢成點？一句講晒：數據好好睇，賽果好難睇。
贏形勢，輸比賽：控球率與入球的弔詭
你齋睇數據，可能會以為森林今季脫胎換骨。澳普上任之後，佢哋嘅控球率再創新高，對新特蘭場波，更加創下球會英超紀錄嘅 65%！射門次數亦都由場均 10 次，暴增到接近 15 次。睇落係咪好有霸氣，好似哥迪奧拿隊波咁？
但最重要嗰個數字呢？入球。澳普教咗咁多場，聯賽只係入得嗰 1 球！仲少過紐奴頭三場嘅 4 球。呢個就係典型嘅「雷聲大，雨點小」，搓波搓到天花龍鳳，但埋門一腳就腳軟。
戰術嘅弱點：死球與慢腳中堅
除咗唔識入波，澳普嘅球隊仲有個祖傳嘅死穴：死球防守。數據顯示，由上季開始計，佢教嘅球隊（熱刺+森林），係全英超因為死球失波最多嘅。呢個唔係新問題，而係佢套「all-in 進攻」戰術，一個先天嘅缺陷。
而呢個缺陷，再加埋我哋上一篇文已經分析過嘅「慢腳中堅」問題，就變成一個災難。你條防線企到咁前，班中堅又跑得慢，一俾人打反擊或者斬個死球，基本上就係任人魚肉。
失敗的「變招」：原來 Plan B 都唔掂
最令森林球迷絕望嘅，可能係對紐卡素場波。面對壓力，澳普終於肯放低佢嘅理想主義，上半場竟然改踢紐奴式嘅三中堅穩守突擊。
但結果都係輸 2-0。呢次「變招失敗」，可能比堅持己見更加致命。佢證明咗，成隊波嘅問題，可能已經唔單止係戰術唔夾，而係去到一個更深層次嘅信心同執行力問題。當 Plan A 同 Plan B 都唔 work 嘅時候，咁剩返嘅，可能就只有 Plan C：換領隊。
WHAT NEXT? ：廢墟中的三點曙光
分析完成敗原因，下一個問題就係：咁仲有冇得救？雖然森林隊目前睇落一片灰暗，但如果喺廢墟中仔細啲去搵，或者仲可以搵到幾點「曙光」。
曙光一：科學證明的「黑仔」 xG的啟示
根據數據，森林隊喺聯賽嘅總 xG（預期入球）係 6.6，但實際只係入咗 5 球，表現比預期差咗 1.6 球。尤其係對新特蘭嗰場，佢哋嘅 xG（1.68）遠高於對手（1.19），但最後輸 0-1。呢個數據顯示，球隊嘅問題，可能唔係「創造唔到機會」，而單純係「把握唔到機會」。把握力差，可以係信心或運氣問題，呢兩樣嘢係有機會改善嘅。比起一支連機會都創造唔到嘅球隊，森林嘅情況並冇想像中咁絕望。
曙光二：被斬雙臂的澳普，防線核心的缺席
另一個關鍵因素，就係災難性嘅傷病潮。澳普一上任，森林上季條防線嘅兩大支柱 Aina 同 Murillo 就即刻傷出。睇返呢兩位球員上季嘅防守表現，都係聯賽頂級水平。亦姐係話，澳普其實係接手咗紐奴嘅一手爛牌，冇咗佢哋，等於一開波就俾人斬咗兩隻手臂，打得差絕對唔出奇。外界而家見到嘅，可能只係一套殘缺不全嘅「Angeball」。當呢班主力回歸，球隊嘅表現，好可能會係另一回事。
曙光三：戰術的微調空間
最後，仲一個有趣嘅點，就係球隊嘅進攻核心傑斯韋治（Gibbs-White），喺節奏較快嘅歐霸盃，表現遠比喺英超好。
呢個可能暗示，而家呢套慢速嘅控球「Angeball」，反而限制咗佢嘅發揮。呢個係一個問題，但亦都係一個希望。佢證明澳普手上嘅牌，唔只得一個打法。如果佢能夠作出微調，例如喺英超加快返啲全隊節奏，可能會即刻解鎖成隊波嘅進攻潛力。
總結：複製奇蹟？定係下一個犧牲品？
所以，澳普喺森林嘅開局，係咪一場徹底嘅失敗？從賽果嚟睇，係。但從過程嚟睇，呢更似係一場「非戰之罪」。佢接手嘅，係一個因為上演宮心計而軍心不穩嘅更衣室；佢一上任，兩大防線主力就即刻報銷；而佢嘅戰術理念，亦都同球隊嘅人員配置存在先天矛盾。將所有問題歸咎於佢一個人身上，似乎同曼市紅色果隊一樣有欠公允。
但足球世界係殘酷嘅，冇人會理你啲藉口。澳普手上最大嘅「免死金牌」，可能就係老細馬里納基斯對佢嘅「偏愛」。但呢份愛，可以維持幾耐？澳普話佢「鍾意打交」，呢樣係好事，因為佢而家正身處一場佢職業生涯中最艱難嘅戰鬥。佢唔單止要同對手鬥，仲要同傷病鬥、同數據鬥、同球迷嘅質疑鬥，甚至，要同佢老細嘅耐性鬥。呢場「森林生存遊戲」，好戲還在後頭。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
一個月過去，七場比賽之後，睇嚟我哋係呢個問題上得到一個有趣嘅答案。
澳普上任至今，七場不勝，創下森林球會百年嚟新領隊最差開局紀錄。喺主場，佢先係俾球迷噓爆，再喺歐霸盃賽事，被球迷高唱「聽朝起身就冇得撈（Sacked in the morning）」。佢同森林呢段由老細欽點嘅愛情故事，蜜月期唔止冇出現過，甚至係直接跳去離婚冷靜期。
究竟，發生咗啲咩事？點解一個啱啱捧完歐霸盃嘅「冠軍教頭」，會喺短短一個月內，淪落到咁嘅田地？今次呢篇續集，就一齊睇下「發生咗咩事」（WHAT HAPPENED），然後再用數據，深入分析「點解會搞成咁」（WHY），拆解呢場「Angeball」實驗，點樣變成一場戰術悲劇。
WHAT HAPPENED? 一場災難性的蜜月期
直接進入正題。究竟澳普上任第一個月，個成績表有幾樣衰？我會用史詩級嚟形容。
開局即地獄：百年紀錄與「聽朝早晨」
人哋新官上任，就算冇三把火，都至少有啲蜜月期享受下，蜜月期，多數係來自對手未熟習新教頭戰術，球員走位判斷超出對手預期等等，當然仲有重振嘅士氣。澳普呢？佢一嚟就直接快轉到離婚冷靜期。上任至今，七場正式比賽，戰績係：零勝。
呢個成績，唔單止令佢成為森林球會一百年嚟，開局最差嘅領隊，仲要喺主場歐霸盃，輸俾我要google先識嘅球隊中日德蘭（Midtjylland），然後享受主場球迷為佢送上嘅親切問候：一首高亢嘅「You're getting sacked in the morning」（聽朝起身就冇得撈）。
澳普的「死剩把口」式回應
面對咁嘅地獄開局，你以為澳普會謝罪、會道歉？呢位阿叔，最勁嘅唔係佢套戰術，而係佢可以同坦克一戰嘅回應能力。
佢同記者講，佢「最鍾意打交」（Love a fight），細個嗰陣仲會專登「撩啲大隻過自己嘅人嚟打」。呢種 M 屬性全開嘅宣言，潛台詞就係：「你噓我？我鍾意呀！」
跟住，佢再掟出佢唯一一張皇牌：熱刺個歐霸盃。佢話：「我喺熱刺，一早知自己會被炒三四個月，但都冇阻到我贏冠軍！」言下之意就係：「你班凡人識咩呀？壓力對我嚟講，只係配菜。」呢種近乎拋浪頭嘅自信，真係唔知應該佩服佢，定係覺得佢痴咗線。口硬還口硬，佢老闆嘅耐性似乎都就快到極限，報導話，如果再冇改善，隨時都可以送佢返鄉下陪老婆。
WHY?搬數據出嚟解釋「Angeball」的失靈
澳普把口就天下無敵，咁佢隊波踢成點？一句講晒：數據好好睇，賽果好難睇。
贏形勢，輸比賽：控球率與入球的弔詭
你齋睇數據，可能會以為森林今季脫胎換骨。澳普上任之後，佢哋嘅控球率再創新高，對新特蘭場波，更加創下球會英超紀錄嘅 65%！射門次數亦都由場均 10 次，暴增到接近 15 次。睇落係咪好有霸氣，好似哥迪奧拿隊波咁？
但最重要嗰個數字呢？入球。澳普教咗咁多場，聯賽只係入得嗰 1 球！仲少過紐奴頭三場嘅 4 球。呢個就係典型嘅「雷聲大，雨點小」，搓波搓到天花龍鳳，但埋門一腳就腳軟。
戰術嘅弱點：死球與慢腳中堅
除咗唔識入波，澳普嘅球隊仲有個祖傳嘅死穴：死球防守。數據顯示，由上季開始計，佢教嘅球隊（熱刺+森林），係全英超因為死球失波最多嘅。呢個唔係新問題，而係佢套「all-in 進攻」戰術，一個先天嘅缺陷。
而呢個缺陷，再加埋我哋上一篇文已經分析過嘅「慢腳中堅」問題，就變成一個災難。你條防線企到咁前，班中堅又跑得慢，一俾人打反擊或者斬個死球，基本上就係任人魚肉。
失敗的「變招」：原來 Plan B 都唔掂
最令森林球迷絕望嘅，可能係對紐卡素場波。面對壓力，澳普終於肯放低佢嘅理想主義，上半場竟然改踢紐奴式嘅三中堅穩守突擊。
但結果都係輸 2-0。呢次「變招失敗」，可能比堅持己見更加致命。佢證明咗，成隊波嘅問題，可能已經唔單止係戰術唔夾，而係去到一個更深層次嘅信心同執行力問題。當 Plan A 同 Plan B 都唔 work 嘅時候，咁剩返嘅，可能就只有 Plan C：換領隊。
WHAT NEXT? ：廢墟中的三點曙光
分析完成敗原因，下一個問題就係：咁仲有冇得救？雖然森林隊目前睇落一片灰暗，但如果喺廢墟中仔細啲去搵，或者仲可以搵到幾點「曙光」。
曙光一：科學證明的「黑仔」 xG的啟示
根據數據，森林隊喺聯賽嘅總 xG（預期入球）係 6.6，但實際只係入咗 5 球，表現比預期差咗 1.6 球。尤其係對新特蘭嗰場，佢哋嘅 xG（1.68）遠高於對手（1.19），但最後輸 0-1。呢個數據顯示，球隊嘅問題，可能唔係「創造唔到機會」，而單純係「把握唔到機會」。把握力差，可以係信心或運氣問題，呢兩樣嘢係有機會改善嘅。比起一支連機會都創造唔到嘅球隊，森林嘅情況並冇想像中咁絕望。
曙光二：被斬雙臂的澳普，防線核心的缺席
另一個關鍵因素，就係災難性嘅傷病潮。澳普一上任，森林上季條防線嘅兩大支柱 Aina 同 Murillo 就即刻傷出。睇返呢兩位球員上季嘅防守表現，都係聯賽頂級水平。亦姐係話，澳普其實係接手咗紐奴嘅一手爛牌，冇咗佢哋，等於一開波就俾人斬咗兩隻手臂，打得差絕對唔出奇。外界而家見到嘅，可能只係一套殘缺不全嘅「Angeball」。當呢班主力回歸，球隊嘅表現，好可能會係另一回事。
曙光三：戰術的微調空間
最後，仲一個有趣嘅點，就係球隊嘅進攻核心傑斯韋治（Gibbs-White），喺節奏較快嘅歐霸盃，表現遠比喺英超好。
呢個可能暗示，而家呢套慢速嘅控球「Angeball」，反而限制咗佢嘅發揮。呢個係一個問題，但亦都係一個希望。佢證明澳普手上嘅牌，唔只得一個打法。如果佢能夠作出微調，例如喺英超加快返啲全隊節奏，可能會即刻解鎖成隊波嘅進攻潛力。
總結：複製奇蹟？定係下一個犧牲品？
所以，澳普喺森林嘅開局，係咪一場徹底嘅失敗？從賽果嚟睇，係。但從過程嚟睇，呢更似係一場「非戰之罪」。佢接手嘅，係一個因為上演宮心計而軍心不穩嘅更衣室；佢一上任，兩大防線主力就即刻報銷；而佢嘅戰術理念，亦都同球隊嘅人員配置存在先天矛盾。將所有問題歸咎於佢一個人身上，似乎同曼市紅色果隊一樣有欠公允。
但足球世界係殘酷嘅，冇人會理你啲藉口。澳普手上最大嘅「免死金牌」，可能就係老細馬里納基斯對佢嘅「偏愛」。但呢份愛，可以維持幾耐？澳普話佢「鍾意打交」，呢樣係好事，因為佢而家正身處一場佢職業生涯中最艱難嘅戰鬥。佢唔單止要同對手鬥，仲要同傷病鬥、同數據鬥、同球迷嘅質疑鬥，甚至，要同佢老細嘅耐性鬥。呢場「森林生存遊戲」，好戲還在後頭。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊